李綺雯

Hair：Sue Cheung＠Hair Corner K11

李綺雯小姐，唔經唔覺，我發現我都幫你整咗好多年頭髮，冇10年都有8年，你個中長頭髮真係深入民心，雖然喺TVB有人幫你吹頭，但難得你有Event都會過黎搵我！其實我想講……中長度頭髮可塑性都好高㗎！你睇下～

#‎suecheung ‪#‎styling ‪#‎hair

Quennie Chan化妝掃

#SueCheung #QuennieChan

多謝你嘅化妝掃啊，你真係一個好細心嘅女人啊，每一個結構、角度、質感都係好講究，呢一批化妝掃真係我用過最好用㗎，多謝你！

2016 Open your eyes Overseas Pre Wedding

#SueCheung #Prewedding

如果大家想要一輯放心又難忘嘅PreWedding婚照，歡迎交畀我地資深團隊去完成啦！
2016 Open your eyes Overseas Pre Wedding已經正式歡迎預約啦，五六月歡迎有興趣去歐洲嘅朋友，我地會好好安排時間讓每一對新人都可以好好享受拍攝過程，每日只拍攝一對新人，新人只須到特定地點集合就得㗎啦，乜都唔使煩。

成團後，我Sue Cheung會盡快安排來年Overseas Wedding嘅工作，大家有興趣可以提早向我了解資料同詳情，亦都歡迎向我查詢其他地方同時段，早啲講可以早啲安排！

邊到都可以做髮型

#SueCheung #Hairstyling

無論去到邊，我地都一樣可以做到髮型㗎，所以無論你地想約我地我到Salon, Party, 府上,宴會場地，甚至一啲估唔到嘅後台，我地都可以幫到你，為你提供服阞，歡迎你預約我地嘅Outjob Service，我地嘅Outjob Service包括廣告、雜誌、Wedding Job，Corporate Image, Corporate Event, Annual dinner等等，歡迎查詢：6614 1441 

Delay

#SueCheung #Delaynomore

出黎做野有時飛，面對Delay真係好正常，隨時喺機場充實利用幾個鐘Delay時間都冇問題，就好似而家咁，我錄音畀工作人員Natalie，交待近來的工作，等佢可以好好咁幫我arrange Facebook同Blog的內容，多謝大家繼績支持我個Page啊，鐘意就Share畀朋友啦

獨處

#SueCheung 

其實有時接二連三馬不停蹄工作，真係鐵人都會攰，但最快讓我Recover自己嘅思路思維，從整設計概念，其實就係較暗燈光，靜靜地坐落黎，畀自己空間去反思同重組，先會有下一次嘅創新，所以我都好希望朋友們體諒，我唔係成日可以出街。

好感謝上天安排，係我人生入面畀左好多私人空間我去享受，我好重視每次完成工作後，可以靜靜地反思，呢啲都係我同自己相處嘅最美好時光。

愛創作

Hair, Makeup & Styling: SueCheung
Photo: Patrick Lam 

有個同行業界同我講：「要對自己的潛能坦白，要對自己的事業認同同投放」呢一位同行同我食$12一盒飯大嘅一個師兄弟，大家一齊做Junior開始，一齊起步起飛，好開心佢今年終於完成佢嘅目標，成為一間Salon老闆，講得出做得到，恭喜你啊R先生！

呢啲作品係邊到黎嘅呢？其實就係平時放假用6個鐘整番黎，雖然有假唔放，但我真係好鐘意頭髮，好鐘意做Creative project，所以放假就算整呢啲我都覺得好有意思，所以好多謝沿途一直陪我癲嘅攝影師Patrick Lam，Thank you! 

得獎

終於走到得獎當日，當日上海好凍，有一份特別嘅感覺，的確係得獎，好開心好興奮，但亦都有一份缺失嘅感覺，自己一個人去到上海，因為最親嘅朋友同屋企人都唔喺身邊，唔能夠及時同佢地黎一個好開心激動嘅，我好記得嗰種感覺，不過唔緊要，得獎後都收到好多朋友祝福同認同，呢啲都畀到我好溫暖嘅感覺，讓我事業上再進步！

呢一個咁激動嘅晚上，我最想多謝Wyman，係佢鍥而不捨嘅精神去引薦我參加比賽，令到我可以睇到自己係呢個界別入面一點點成績，亦好多謝施華蔻呢個平台，讓髮型師築起夢想，睇到市場上唔同髮型師嘅實力同唔同地區文化。

基因產品LesOrnates

#‎SueCheung #‎LesOrnates
基因產品真係走得好前嘅科技產品，但用過都冇得唔讚好，身邊嘅朋友用過都Encore。作為用家，我都要衷心分享一下：我下巴一向好易生暗粒，尤其是工作壓力大、唔夠瞓嘅時候，用咗三罐後，積聚多年嘅粒粒都冇再出現過。呢隻產品真係好貼心，要先抽取你嘅口水，Send去法國檢測過，先會出報告，知道你嘅DNA結構後先再設計屬於你獨有嘅護膚及洗髮產品。

有意歡迎向我查詢。

花絮

#‎SueCheung #‎Sharing #‎schwarzkopf
又分享一下之前未分享過嘅花絮啦，呢個係早前參加施華蔻髮型大賽當日嘅情況。
當日真係好緊張，因為係限時完成，大會一早搵咗個攝影師，遊走中國東南西北同台灣影比賽作品，以我所知，香港係尾二一站，佢影完我之後，就會去台灣影埋台灣選手。過程非常公平公開，全程有專業計時員計時，畀我地喺限定時間內完成Model嘅髮型。
當日天都未光，就已經出發，去到施華蔻香港總部，其實之前一晚已經將物資搬咗過去，咁早去到其實都係為咗準備好心情同諗清楚流程，因為今年比賽相度有難度，因為大會要求我地要用3個Model去演譯一個Collection。

睇番自己啲相都覺得自己相當認真，好開心完成一個項目，一頁一頁掃番啲相黎睇可能都只係幾秒時間，但其實過程的確係經歷咗幾多，呢一幕幕會永遠係我心入面，亦都教識我點樣去行髮型師呢條路，點樣「以始為終」。

Finale

#‎SueCheung #‎Sharing #‎Hairshow
每一次完Show Finale都係寧舍touching，做一個show要開N咁次會，早百幾二百個鐘去Preapra假髮，舞台Referrsal啦，Model嘅溝通啦，一切都要靠我地事前準備，所以每次Finale上台鞠躬都係好興奮，一直將興奮嘅心情帶到去慶功宴，然後全軍覆沒，好一隊Work Hard Play Hard Team!

婚禮造型管家

#‎SueCheung #‎Bridal
我係你地嘅婚禮造型管家，如果你地想有個完美婚禮、靚靚造型同放心嘅安排，可以搵我！我嘅團隊有攝影師、MC、證婚律師、婚紗項目、餐酒、Wedding planer等等，想有個放心嘅婚禮，請聯絡我啦：6614 1441

多謝大家一路以嚟嘅支持同Referral~

普通話

#‎SueCheung #‎Belief
我知道台上每一分鐘好靠台下一分一秒準備累積，將自己心理質素做到最好最穩定，把握台上短短幾分鐘嘅演譯，演譯包括口述、授課式介紹產品同技術演譯，當然我對自己技術好有信心，但因為呢幾年都係走內地市場，台上示範都要用普通話，對我黎講都係一個考驗，不過自己都係勇字行頭，唔識都會亂咁講，點都要自己講出黎，所以而家普通話都已經可以同人溝通，相信我嘅冒驗精神都可以令我普通話不斷進步！

一絲不苟

我都好享受一絲不苟嘅過程，好享受團隊一齊去完成每一個項目。
貴氣喺我心目中都同氣質有好大關係，我覺得簡約線條都可以表現到女性嘅特質，靚嘅輪廓加上簡單嘅線條，其實都可以表達到濃濃嘅優雅氣息。

亞麻色

之前講到今季興「Undone嘅髮型」，顏色方面可以選擇亞麻色或啡色嘅挑染，亞麻色都有唔同嘅深淺度，亦都可以有帶有一點灰同綠嘅效果，又或者做Slight嘅highlight，唔一定要整條頭髮完成，做頭髮三分二或三分一位置，做到不對稱嘅highlight效果～

Undone髮型

近期大熱嘅髮型可算係呢一種未完成、未完整、Undone的造型，中文可以話係睡醒後的髮型，毛毛鬆鬆咁，唔使刻意要梳頭咁，線條在乎於1至1.5個圈嘅線條曲線聚集係個髮尾，髮量主要重少少，堆積係個底部。

呢類型嘅髮型都會有Sexy感覺，好適合夏天追求嘅輕盈感。

Queen Queen 化妝掃

多謝Queen Queen送我化妝掃，親自感受過果然係極緻，細心到連化妝掃支柄都可以做到按摩面部效果，可以係化妝前先按摩眼袋或水腫位置，真係好細心，仲有佢重視化妝掃的質量同壽命，所以套掃比較重，但就係希望我地買咗番去之後可以用得耐啲～

Color Spray

日本藥房到搜羅到呢個產品，真係覺得日本呢個國家好有心思，呢個產品特性係一次性One Day Color Spray，有塊膠可以噴上去有特別顏色同紋理，唔使染髮先有顏免，好似化妝咁，第二日又可以轉換造型啦！

髮型師

做一個髮型師其實有好多選擇，可以選擇留係公司等客黎，可以選擇做個自由free lance慢慢儲客，可以選擇做唔同out job或者教學，可能係我唔鐘意停落黎、鐘意嘗試同追求卓越嘅性格，令到我今日成為一個Salon Work＋Out job+教學嘅髮型師，呢條路一啲都唔容易行──你畀家人同朋友時間會特別少，只可以全心全意放係事業上，期間亦要不斷學習進修先可以做到更好的教學，雖然辛苦，但我好享受呢個過程，亦要好多謝一直支持我嘅朋友們！

名模

非常之相襯的一對名模！無論係高度同笑容都係非常合拍！
喺周大福event上同佢地做咗一個「婚嫁系列」嘅合作，標準的身形完美示範新人的造型。

Hair Accessories

其實有時候髮型除咗講求結構、線條、掌握Styling技巧之外，其實都要識得加入潮流元素，頭髮accessories都好反映到當季大熱嘅色彩同圖案。想有Refresh感覺，不同就從「頭」開始啦！

Rainbow Wedding

#SueCheung #Wedding 

最近Outjob完成了一個彩虹婚禮，婚禮好細緻好周到，好有心思咁招待見證她們婚禮嘅40位嘉賓，見到佢地嘅朋友都好錫佢地。

好有福氣可以成為佢地嘅婚禮造型師，相愛係要勇氣，相愛係要一齊攜手跨步，祝她們白頭到老，永結同心，新婚快樂！

大開眼界

#SueCheung #Travel

好開心因為工作令我大開眼界，令我可以去到不同地方，以前成日諗工作咁忙都唔知要做到幾時先得閒去旅行，好想去遠啲增添在造型上嘅眼界，誰不知我嘅工作回應咗我嘅願望，帶我去到歐洲，見識到第二個地方截然不同嘅風格。氣侯、濕度、溫度都會好影響一個造形，因為有幸見識過，所以而家更加懂得如何塑造造型嘅持久性。

心態同狀態

#SueCheung #Hairshow 

每一幕都教識我更加認真，每一步都叫我要繼續向前行進步，就算經歷咗幾多個Show,

接受咗幾多教育培訓，完成幾多個MV廣告製作，番到Salon做咗幾多個客人，我都知道最緊要嘅係心態同狀態，心態我知道只要自己繼續有熱誠同態度，都一定可以做到，但狀態就好睇身體狀況，所以而家都好重視工作後嘅休息時間，因為近年參加咗商會嘅關係，睡眠時間提早咗好多，呢啲調整亦都令身體更健康，冇咁易攰，所以之後嘅日子都會好好進行同享受Work Life Balance。

運動治療師

#SueCheung #BNI

究竟我地係到做緊啲咩？其實就係同我BNI會友運動治療師Gary Li一齊去幫執業會計師會長George Lam嘅會計師樓入面一班同事做商務Workshop。Gary係運動治療師，所以好擅長幫一班辦公室同事拉筋同伸展動作，舒緩平時因為長期對住電腦、電話而不適同勞損嘅頸椎同姿勢問題，而我就梗係做番我最擅長嘅形象，極速用5-10分鐘講解咗商務儀容，令每位同事見客前更有自信。

Wedding Planner

#SueCheung #Weddingplanner 

好高興去到洲際咁靚嘅酒店，為小朋友舉行百日宴，幫佢媽媽準備迎接客人的妝容，當日嘅場地佈置都非常講究，好明顥見到Event Planner費盡心思，盡善盡美，而且呢位Planner都係百日宴爸爸媽媽結婚時的Wedding Planner。如果大家想搵個好嘅Wedding Planner都可以問我，因為我都有好介紹！