2016年8月30日 星期二

點解會髮尾開叉


點解會髮尾開叉？──髮尾開叉其實有好幾個原因，最明顯係因為 頭髮欠缺營養 啦，耐咗冇做treatment，有時亦會因為髮型師的剪刀，一把鋒利的剪刀可以減低頭髮開叉的機會，另外大力除橡根或手袋亦令到頭髮開叉。最後，頭髮吹得唔夠乾爽又被磨擦得多的話，都會令頭髮容易開叉！
補救方法：可以喺吹髮前，#搽上蘊含透明質酸的產品，減低頭髮遇熱時出情況，同埋 #記得用闊齒梳梳頭髮，減低靜電令頭髮打結！

張貼者： 於 沒有留言:
標籤：

2016年8月29日 星期一

新的一天

新的一天，好好去計劃、好好去設計，新的Channel帶給大家！ #newday #planning #youtubechannel #SueCheung #HairCorner#HairStylist

張貼者： 於 沒有留言:
標籤： ,

2016年8月28日 星期日

韓國髮品店



作為髮型師去旅行都會捐窿捐罅搵當地的髮品店，好似今次去韓國咁，畀我發現到一啲仲幼過我手指的電髮卷，當年學師就學到好似牙籤咁幻的電髮卷，估唔到韓國大媽而家都鐘意用呢個幼度，大媽頭果然厲害！其實電得攣會比較襟啲，而韓國呢個國家扮靚文化深厚，大媽電得幾攣都好，都唔會好似Puddle咁攣毛毛咁出門口，佢地都識得用捲髮器或吹風機做到順滑、挺服、做番Volume線條！
張貼者： 於 沒有留言:
標籤： , ,

2016年8月26日 星期五

BB Cream／CC Bream


BB Cream／CC Bream－我一向比較少用BB Cream或CC Cream，一來顏色選擇唔多，加上呢種產品較適合乾燥地區，所以入面加入好多滋潤成分，填到毛孔好密，感覺上透氣度較低，會容易出沒油，所以我用得較多的係傳統粉底液，但今次都難抵呢隻韓國產品嘅誘惑呀，因為呢隻產品好適合夏天用！
呢隻產品唔係普通膏狀粉底咁簡單，個粉底一推會見到一粒粒水珠走上黎，可以係補妝時可以保埋水分，可以即時令到妝容好貼服，因為天氣熱都會流失水份，妝容有時都會出現一行行，用呢個黎補妝就好適合啦！

張貼者： 於 沒有留言:
標籤：

2016年8月25日 星期四

啞色的唇膏點用？



同大家分享下，呢到4隻色比較cool tone啲，用啞色的唇膏需要full makeup，即係要有眼妝要用胭脂，而胭脂並不能太嬌（例如大紅、大橙或者嬌粉紅），最好就係接近呢幾隻色啦，而眼線同眼眉就要水平啲，眼影就以暗色系為主（灰、黑、深藍），咁樣個妝就會moody啲！如果覺得個唇色太啞身，最後可以加番lip gloss喺面㗎！
張貼者： 於 沒有留言:
標籤：

2016年8月24日 星期三

Rainbow Color Dyeing





又黎到同大家分享染髮嘅項目啦！今次有遠自美國番黎嘅客戶啦，好多謝佢每次番黎都搵我整色整水啊。今次個Concept係Rainbow Color，所以幫佢輕輕漂一漂頭髮，去到9度色左右，因為佢頭髮尾部早前亦到漂過，所以今次係漂粉入面加入Treatment，減低折斷率，增加韌度（即係圖入面藍綠色的Treatment）
其實我都好建議如果女仔染咁colorful的頭髮，可以係styling時將頭髮夾到內C或喺底部夾攣頭髮，亦都可以鬢辮去凸顯底部的色彩，因為我用咗近來大熱的slide bleach，一路做一路由尾部掃顏色上中段頭髮，就唔係由髮根開始，咁就可以做到好自然的漸變效果啦！

張貼者： 於 沒有留言:
標籤：

韓國半永久化妝



致力打造完美造型，韓國半永久化妝。
（髮線/眉/眼線）
Booking :66141441 Whatsapp

張貼者： 於 沒有留言:
標籤：

2016年8月23日 星期二

韓國唇彩


又到韓國之旅掃街特約介紹啦──呢一隻咁新類嘅產品其實係嘴唇用的，設計係流水式扭轉、令到唇液去到棉花位，如果你個嘴仔本身唔易乾、又搽咗潤唇膏的話，好適合係唇膏上再on top加多呢一隻！另外，亦可以一物二用，如果你係鐘意用水劑狀胭脂的女仔，可以當呢隻野胭脂咁用，好似而家日本女仔鐘意係眼袋對落、權骨位上面搽都得！
張貼者： 於 沒有留言:
標籤：

2016年8月21日 星期日

慕尼黑型柱


係德國慕尼黑coffee shop時見到呢條柱，非常型格，雖然後面大廈仲係維修中，但整個線條都有一種好fresh、好精神嘅感覺，所以就請李生幫我影呢張相。有時外出旅遊，眼睛都會忙於搜索當地人的髮型、時裝、化妝等lifestyle，呢啲一切都為創作賦予靈感，為作品帶來更多可能性！

#SueCheung #HairStylist #HairCorner 
張貼者： 於 沒有留言:
標籤：

2016年8月19日 星期五

韓國梳


大家見到呢到咁多把梳，知唔知點用呢？

第一行見到金色、粉紅色的係3D梳，價錢較貴，專梳頭髮幼、容易打結、或者上咗styling product的頭髮；而其他大把啲、有一條條圖碌碌凸出黎梳齒的，因梳時會有壓力，所以令頭皮較舒服，好適合頭髮厚的人，第二行就好啱Bob頭或頭髮長度去到鎖骨位的女仔啦！


#SueCheung #HairStylist #HairCorner #HairTips #Hairproducts 

張貼者： 於 沒有留言:
標籤：

2016年8月18日 星期四

芬蘭航空海報

我在芬蘭轉機時見到呢張poster，真係完全震攝住我，駐足欣賞呢張poster，由線條、對比、顏色、衣服物料等元素做出呢張美感十足，時尚感極高嘅航空廣告，令我印象極深刻，當時已經諗緊呢張poster係點樣製作，點知畀我係芬蘭航空機上見到佢地的making of，原來佢地真係出動到一隻真的飛機，係兩位model頭上飛過，令佢地嘅服裝同頭髮飛起，真係好震撼，呢個一take 過的shot，如果係我有份製作，真係會畢生難忘！

#SueCheung #HairStylist #HairCorner 



張貼者： 於 沒有留言:
標籤：

2016年8月17日 星期三

手工精神


我係天生鐘愛人手製作，天生鐘意藝術感豐富的東西、線條、顏色，細個好鐘意畫畫，鐘意整手作仔，亦都參加好多課外活動，最後我成為髮型化妝師。呢張相見到一個品牌唔同年代的車機，真係好似我地美髮化妝行業咁，唔同時間有唔同工具同產品出現，協助我地完成一個又一個造型，但基本工就係你對手、你個心，就算有幾多新產品新科技，都難以取代！如果你正身在本行，準備在事業上更上一層樓，我熱烈歡迎你帶住呢一份手工同熱誠，繼績畀自己昇華同學習！而我亦都會時刻勉勵自己，要繼績「以始為終」，好好記住手工精神，畀自己每次都有進步的空間，就好似呢到每部機咁，每個年代都有少少的改版，去配合時代的進步。


#SueCheung #HairCorner #HairStylist 

張貼者： 於 沒有留言:
標籤：

2016年8月16日 星期二

畫眉框

韓國之旅大搜索！又搵到好物推介──呢個畫圖框框唔係第一次見，但一般見到的都只得1款，但呢款就有成7款咁多，真係一至星期日都可以有新款眉見人啊，哈哈……其實呢個工具主要係幫大家係修眉式化妝時更容易做到自己想要的眉型，而呢個就主要係畫水平眉型，介紹番兩個用法畀大家，1）係用高清噴槍Air Brush噴上堂眉到，2）用眉粉掃上去，千祈唔好用眉筆畫呀，如果唔係就係變咗蠟筆小新！

#MakeUp #SueCheung #Makeupartist


張貼者： 於 沒有留言:
標籤： ,

2016年8月15日 星期一

補濕


補濕係女人一輩子都應該要堅守嘅皮膚護理守則！皮膚乾燥好多時都係缺乏水份，當然亦都有好多心理生理因素，例如壓力或飲食習慣，或護膚品料理得唔好，好開心可以喺韓國買到呢支補濕器，因為好多時我地去到酒店，真係唔知嗰到嘅濕度，第朝起身可能喉嚨痛，或乾到甩皮，呢啲情況如果發生喺新娘子Big day時就更加唔理想啦！所以我成日提新娘子，要放杯水喺床邊，或者敷個補濕mask畀皮膚飲飽水！所以呢個補濕器真係幫咗我好多，減少咗好多喉嚨乾、甩皮同敏感狀況。

#Beautytips #Beauty #SueCheung 


張貼者： 於 沒有留言:
標籤：

2016年8月14日 星期日

Hair Corner Tee

Hair Corner 時日與你分享美好的歲月，飛到邊著到邊！

#SueCheung #HairStylist #HairCorner


張貼者： 於 沒有留言:
標籤：

2016年8月13日 星期六

工作空間

呢一個咁混亂咁有藝術感的工作檯就係我Shooting前一晚的工作空間，點解得一支燈？係咪想好mood啲？哈哈，其實係因為我唔記得插酒店的房卡！

嗰晚不停將化妝品顏色試上手、研究、設計度位，排序model的妝容顏色，而髮型師就不斷研究，大家一齊去磨合造型，我真係好享受大家眾志成城、一齊去為工作努力的感覺，好多謝陳師傳你的付出！我地第朝6點就起身去工作啦！

其實我都有走入洗水間去睇清楚化妝品上面後的顏色呈現，亦都有用到專業相機去紀記錄一下，當日我真係用盡晒手頭上的化妝品，亦都做咗好多溝色，因為化妝品係永遠都唔會帶得齊，但要臨時做到要求，就要臨場發揮，由無變有，將作品做到最好，繼績保持專業精神！

#SueCheung #MakeUpArtist #HairStylist #HairCorner


張貼者： 於 沒有留言:
標籤：

2016年8月11日 星期四

私人分享





私人分享－我在韓國整指甲時的款式，大部份都好簡單，但簡單得黎會見到好多details，我諗呢到都夠大家做一年，而我就揀咗三個款式mix埋一齊！希望你地都鐘意啦，可以開心share畀你地閨蜜啦！




張貼者： 於 沒有留言:
標籤：

2016年8月10日 星期三

飛行里數



記得有一次揸車喺衛理道塞車，心諗喺香港工作成日撲嚟撲去，行過唔少里數，但心諗有冇機會可以透過自己工作將自己的飛行里數加倍、去多啲唔同地方工作呢？原來呢啲就係心願、就係種子！自從有呢個諗法後，相隔一個禮拜後，收到一個攝影師朋友電話，佢話「Sue我想搵下個禮拜你去威尼斯做野喎」
我話「好呀澳門威尼斯！咁幾多日呀？」
佢話「唔係呀，去威尼斯呀，3日呀！」
我話「去澳門都要3日？」
佢話「唔係呀，係意大利威尼斯，水城呀！」

原來只要你想，你想個條天線真係伸到去個天到，畀佢聽到，真係任何事都有機會㗎！
由嗰次開始，我就踏上去世界各地工作的Core time了，一來公司Hair Corner在內地有十幾間分店，我有好多機會番去幫手，做產品發佈，另外亦因為Pre-wedding攝影形象設計同big day新婚項目，多咗好多機會飛亞洲歐洲等。呢啲咁多工作機會，真係令我眼界大開，所以都要好多謝一直以來咁多個合作單位畀的機會！

#SueCheung #MakeUpArtist #HairStylist #HairCorner #Wedding #bigday 


張貼者： 於 沒有留言:
標籤： ,

2016年8月8日 星期一

創作


當我做嘢做到進入忘我境界，奇怪的事情就會發生啦！當我將Bobbi Brown的Eyeline gel放喺檯面，又需要一點糖份去集中精神，我竟然將eyeline gel的蓋扭落可樂樽到！(原來可以咁fit!) 所以話，創作就係專注當刻，其他的一份都係小事！



張貼者： 於 沒有留言:
標籤：

2016年8月7日 星期日

認真


我認真，因為我想一絲不苟，我想將事情做到最好；我認真，因為我要求自己追求極致；我認真，因為我希望減低後期工作的可能；我認真，因為我享受在studio的一分一秒；我認真，因為我對我的作品尊重；我認真，因為我有一班專業的團隊一起工作。我相信，呢一份感覺係所以髮型化妝師都想擁有。



張貼者： 於 沒有留言:
標籤：

2016年8月6日 星期六

Double layers color

想同大家分享今季大熱的Double layers color，今季好多大牌子都用咗好多色彩豐富的民族風格，所以今次係製作海報的妝容上，都用咗呢個元素作為靈感。好似呢個唇妝咁，唇膏大家都有好多，點樣match番潮流、令人耳目一新，我利用咗光澤度，同埋觸覺感──圓滿豐盛定菱角分明？呢啲技巧都可以勾畫到最大熱的double color lips！



張貼者： 於 沒有留言:
標籤：

2016年8月4日 星期四

眼線V.S.美瞳線？


眼線畫在眼睫毛以上，平時用眼線筆呈45度咁畫，而美瞳線就係畫係內眼線、眼睫毛以下的位置，平時畫呢條線，需要將眼線筆頭向上畫，而家大熱的就係用半永久放法將美瞳線填滿佈眼線，同時夾番亞淵人黑色眼瞳眼色，令整體望上去更加有神，效果就好似戴咗大眼仔咁！

張貼者： 於 沒有留言:
標籤：

2016年8月3日 星期三

Youtbue Channel

馬不停蹄去為自己的Youtbue Channel拍攝影片，因為我都有一個願望，好希望香港的扮靚文化追得上日本、韓國，所以好想將自己認識的美容美髮知識幫到更多生活繁忙的香港人變靚啲，可能只喺改正一啲手勢，識多少少方法、微調少少妝容，都可以令大家更得心應手，更美麗！我要特別多謝Visual Media 團隊，幫我完成一系列短片，一言難盡，大家到時睇片啦！

張貼者： 於 沒有留言:
標籤：

2016年8月1日 星期一

職業病

身為髮型師，職業病發作，去到邊都要睇髮型產品，好似呢個我係韓國見到嘅mini product，只有一隻手咁大，可以放喺gip到，相當實用，但用佢時，頭髮section就要分得細啲，用黎捲空氣劉海，非常抵玩，只係港幣百幾蚊就有啦，韓國扮靚產品真係愈黎愈多元素！

張貼者： 於 沒有留言:
標籤：
訂閱： 意見 (Atom)