相信以小朋友為目標客戶的髮廊即將捲起熱潮，父母當然希望培養小朋友禮貌，而儀容絕對係禮貌的一環，所以一個父子裝all back或油頭，唔單至受人注目，仲令人對小朋友有深刻的第一印象！
2016年6月29日 星期三
Showmuse
#showmuse#suecheung
2016年6月28日 星期二
積極參賽
施華蔻係我由細到大都好喜愛的品牌，當天得到呢個品牌的大獎，至今仍然歷歷在目，深信自己沒有選錯當天的路，入行已有十多年，不但沒有厭倦，反而愈來愈愛，因為我知道只要專心、用心，就可以去到自己想去的目的地，就好似手持一張火車票，我下一站想到邊呢？只要將行動力帶到去作品當中，就會有一個意想不到的收獲。
我好鼓勵業界髮型師將好的作品拎出來參賽，當是挑戰又好，學習又好，因為當中的確有好多值得學習的參賽者，感恩我得到的一切。
2016年6月27日 星期一
漸進染髮
近年外國流行漸進染髮顏色，即係唔使一整把頭髮去染，適合中長至長頭髮女仔去染，而髮型層次亦都需要一點layers，如果係one length，效果就唔顯著啦。
呢種染髮術，重點在頭髮的4分3至2分1的長度處開始做輕度漸進染髮，一片片sections分開用染髮掃或海棉上色，咁就可以做到一執執或局部染髮效果，效果會好似染咗髮一段時間咁，咁樣做可以唔使成日要染頭髮，就算要再次修剪或染髮，可塑性會更高，再改染色都可以做到特別的效果。
其實外國好多人都唔係天生金色，所以呢種柒色大受外國人歡迎，但亞洲人因天生深髮色，所以做呢種染髮都要看幫客人做咗natural brown先，先再上上其他漸進色。
2016年6月25日 星期六
2016年6月24日 星期五
2016年6月22日 星期三
Fashion Shooting
我好享受6－8個小時的fashion shooting，換到好多唔同衣服，感受到不同品牌最新的布料、線條趨勢 。喺Fashion shooting時，我好重著於正確使用styling product，啞身、令面、光滑、線條、弧度、拋物線，可能只係一個元素，但已經係造型前一個好重要的取材，
唔好睇少一個簡單的短頭髮，其實都可充滿時裝感，可以有好多發揮，因為一個髮型絕不只是一個單一造型， 視乎大家識唔識做styling，所以短頭髮的客戶，我好多時都會花時間教佢地做styling，令短髮look變化更多！
2016年6月21日 星期二
Panasonic 王浩信
Hair by Sue Cheung@HairCorner K11
前陣子幫王浩信Panasonic父親節鬚刨廣告做髮型設計，如果大家留意到，會見到王浩信個額前個心心頭，其實係佢自己要求咁做，我都被佢嚇親因為佢話咁樣嘅感覺送畀個囡囡會開心啲，果然係一個慈父！整個拍攝好開心好順利，主角之一嘅妹妹都好合作好可愛，希望王浩信呢個造型畀到大家耳目一新嘅感覺啦！
2016年6月20日 星期一
德國女郎
點解會有呢個咁特別嘅髮型呢，因為客人要盛裝出席的Annual Dinner，所以幫佢打造一個德國女郎性感造型，用佢自己提供的私伙假髮，配合番佢的一字裙。
通常呢一款假髮都會好易被釘高咗，會令較多膊頭位置show出，整體線條會被拉得太長，所以我就釘低少少，配合佢好靚嘅一字膊。
因為客人把握時間喺Lunch time黎整頭髮，所以靜俏俏幫佢用髮夾夾住頭髮弧度，令到佢去到dinner時就有最靚最持久嘅弧度出黎啦！
2016年6月17日 星期五
Conditioner and Treatment之別？
Conditioner and Treatment之別？
喺日本或者歐洲好多國家，近年都開始用Home Care或 Hair Mask等Treatment產品取代Conditioner，因為喺專業護髮嘅角度，純Conditioner對亞洲人髮質未必足夠，因為Conditioner較為輕身及營養成份簡單，但Treatment就有針對性的營養成份，應付到不同髮質需求，如果髮質本身冇乜問題，Treatment可以一星期用兩至三次，相反，可以完成晒一支先，再畀頭髮兩至三日休息下。
簡單的護髮素其實好適合短髮男生，一星期用一次都好好啦！
2016年6月16日 星期四
Hair Corner T Shirt
Hair Corner T-Shirt，搵咗日本著名設計師Nigo 設計咗呢一件咁靚咁簡單的T-Shirt，演繹咗開心就係咁簡單！感恩Hair Corner 30年沿途有你，多謝支持！
2016年6月14日 星期二
巴黎婚攝
巴黎真係一個好適合影婚照的地方，加上我去過好幾次，路線途一早喺我個腦入面，只要預啱適當季節及月份，大約只需花5至6小時，就可以輕輕鬆鬆影到一攝好靚嘅Pre wedding 相片。因為沿著河邊，已經有好多古蹟、博物館、亦都有鐵塔、羅浮宮、阿歷山大大橋等。所以如果你想一攝浪漫的巴黎婚照，歡迎向我查詢：6614 1441。
2016年6月13日 星期一
Hair Corner 30週年
演藝圈內其實有好多明星藝人都係 Hair Corner 客戶，Hair Corner 30週年推出嘅洗頭水同護髮素就梗係得到佢地大大力推薦啦，大家想買的話都可以去到 Hair Corner門市或直接向我查詢都得㗎！
Hair Corner 30週年
演藝圈內其實有好多明星藝人都係 Hair Corner 客戶，Hair Corner 30週年推出嘅洗頭水同護髮素就梗係得到佢地大大力推薦啦，大家想買的話都可以去到 Hair Corner門市或直接向我查詢都得㗎！
2016年6月12日 星期日
成日轉洗頭水，係好定壞？
成日轉洗頭水，係好定壞？
其實識得轉洗頭水，係好事！以一個長頭髮女仔嚟講，一年換到兩到三種唔同洗頭水已經好好，因為頭髮都要換季，夏天或天氣潮濕，要用乾爽型洗護系列，而冬天，天氣乾燥就要識用番滋潤型洗護產品，當你見到髮尾乾，其實就代表髮絲乾燥緊啦！
2016年6月9日 星期四
空氣留海
客人想剪韓式髮型－空氣留海，咁我就幫佢喺瀏海位置，做咗個小三角分區，幫佢剪一個短短的瀏海，等佢可以繼績留短瀏海，亦可以選擇好快留長瀏海都得！因為分區size不大，既可做到空氣感，亦為後續髮型留下靈活性，有時加埋鑽轉等捲髮神器，捲捲瀏海，就可以令造形更豐富！
2016年6月8日 星期三
re:HEALTH 身體檢查
因為下年就結婚啦，所以一有時間就去做婚前檢查，research之下發現re:HEALTH有好齊全嘅檢查，咁我就去試下啦。昨日一早起身，八點半就去到位於朗豪坊嘅re:HEALTH，一上去仲以為去錯地方，因為一啲都唔似平時身體檢查中心，似五星級Spa嘅感覺，感覺好舒服好Relax。
成個過程都有專人跟進我，除咗提早畀份問卷我之外，亦安排咗化驗袋等我地可以做抽樣化驗。
一入到去就將貴重物品放入locker，然後換上佢地baby blue嘅運動套裝，方便後續嘅各項身體檢查。
第一項就係見營養師，初步了解你有冇任何食物及皮膚敏感；然後就去抽血啦，就連抽血都問咗我兩次「有冇膠布敏感」，真係非常細心。
最有特色嘅係，佢有個Pocket machine會指示我下一步去邊到做檢查，唔使驚嗌咪騷擾到其他人，唔使驚盪失路，因為地方都真係幾大，可以靜靜地完成所有檢查。
一次過完成十幾個檢查之後，就可以去享受佢地準備好的早餐，靜候我個驗身報告。
其實自己從未做過Body check，以前唔知邊到嚟嘅驚恐，成日驚驗咗有事咁點呢，但而家做就有一種「先知先覺，為未來打算」嘅諗法，亦因為打算婚後會開始生育計劃，所以而家做定身體檢查其實都係為下一代做多一個保障。
2016年6月6日 星期一
如何分辨自己的髮質？
有好多人都會話，「自己頭髮唔多，但好幼」，其實頭髮的大小及粗幼是視乎頭髮的鱗狀表層－－有些人是橢圓型的，所以會較扁身，有些呈六角形的，會較粗壯，觸感較硬，所以要睇到自己嘅髮質，真係未必可以只憑肉眼睇，除咗咨詢你個髮型師外，有時更有靠一啲專業儀器同測試先知道，例如頭髮顯微鏡或DNA頭髮測試。
髮質係粗幼度，髮量係頭髮多少，兩者係唔同㗎，例如頭髮幼都可以係頭髮多，幼頭髮唔一定係少㗎！
想深入了解多啲，不妨問下你個髮型師！
2016年6月5日 星期日
2016年6月4日 星期六
人與人的關係
有時執下相，會發覺自己都做咗幾多野，有時見到自己身材肥啲瘦啲，又其實同工作狀況好大關聯，哈哈！
今次訪問係由我專頁嘅小編Natalie做㗎，而model就係咁啱黎搵我剪髮嘅靚仔唐逸謙醫生，我覺得世事真係好奇妙，有時同唔同客戶、model、品牌、雜誌合作，一幕又一幕，深深明白到人與人的關係真係好重要，作為髮型師，只要夠誠懇、願意聆聽，放低不必要執著，將客戶嘅要求融合自己諗法，取得共識，千祈唔好忽略客人感受，可以做到咁，一定會同客人關係好好。每段關係都得來不易，每一次回看工作照片，都會好懷緬，因為每一次工作並唔係話係幾小時完成項目咁簡單，背後其實要由好多經驗累績，人與事交匯而成，雖然翻照片只係簡單幾秒動作，但其實係用好多年心血組織而成。
訂閱：
意見 (Atom)