沙巴婚禮

喺沙巴完成左客人嘅婚禮，真係零舍有氣氛，天朗氣清，玻璃立體教堂加氫氣球簡直個氣氛係好開心，好圓滿結束。

我亦都好開心今次幫客人做咗好多唔同款式嘅婚紗造型，因為呢佢喺婚紗當中會用咗嚟到影相啦，同埋行禮啦，去到一個咁靚嘅外景地方當然唔好浪費，咁我亦都將客人嘅頭髮做咗幾款唔同嘅效果，配合返嘅頭飾，出到嚟客人都好滿意。

#suecheung@haircorner #沙巴婚禮

金箔眼妝

暨攝影師及記者嘅要求，係妝容上加上金箔片配合返主題，其實化妝真係可以有好多唔同嘅類型，我記得我第一次用緊金箔嘅作品已經係喺零八年左右，嘗試將金箔好大範圍放喺唇妝，以及另外一個將金箔片放咗喺整個額頭位置，出到嚟效果相當之突出，而今次就係喺眼角嘅附近，配合返佢深色濃密嘅尾毛狀況加眼線嘅表達，可以做到一個突出嘅眼妝效果，適合Fashion shooting .

#suecheung@haircorner

老公修眉

老公修眉話好舒服唔紅唔腫，不過呢其實呢我老公對眉真係好perfect嘅，因爲佢係絕對好多眉毛啦好粗啦，眉毛分布得好平均嘅，佢絕對唔須要加以任何飄眉呀韓國化妝呀等等嘅服務。只要佢願意瞓低俾我略為修少少佢嘅雜毛呢，成條眉毛都已經好靚仔架啦。

其實扮靚呢整眉呢除咗女仔深受歡迎之外，其實依家越來越多男仔都已經好講求儀表形象同埋貪靚架啦！

#改頭換面#全自然#秒殺出門口⋯⋯
#我的半永久化妝Sue #不會溶化的眼線#韓國半永久化妝#suecheung#眼#全自然#makeupartist #hairstylist #hkig #eyebrow #eyeliner #simplylife #semipermanenteyebrows #semipermante eyeliner#eyeline
#改頭換面#全自然#秒殺出門口
#我的半永久化妝Sue #不會溶化的眉#眉 #韓國半永久化妝#suecheung#走佬不用帶眉筆#眉#愛上你自然美#全自然#我的髮型Sue #我的化妝Sue #我的半永久化妝Sue#運動無問題#hkig#4D#霧眉 #自然眉

#makeupartist #hairstylist #hkig #eyebrow #eyeliner #simplylife #semipermanenteyebrows #semipermante eyeliner#eyeline
#改頭換面#全自然#秒殺出門口
#我的半永久化妝Sue #不會溶化的眉#韓國半永久化妝#suecheung#走佬不用帶眉筆#眉#愛上你自然美#全自然#我的髮型Sue #我的化妝Sue #我的半永久化妝Sue#運動無問題#眉#4d

香港變靚D:韓國半永久化妝-標準面型&眉型2

香港變靚D: 化收班

香港變靚D:韓國半永久化妝-化妝秘技

香港變靚D: 韓國半永久化妝-注意事項

香港變靚D: 髮型教學- All Back

香港變靚D: 髮型教學-高髻

香港變靚D: 髮型教學-低髻

香港變靚D: 髮型教學

香港變靚D: 韓國半永久化妝-標準面形&眉形

香港變靚D:韓國半永久化妝

香港變靚D:韓國半永久化妝-工具篇

 

灰色頭髮

太多朋友問究竟做灰色要將顏色退到幾淺？

咁喺度同大家分享下啦！首先要將頭髮退到八至九度色咁淺色先得架喎！咁究竟八至九度食有幾淺色呢？咁我不如調返轉講下，喺亞洲人嘅頭髮裏面嘅黑色已經係去到三至四度嘅基礎色嘅黑色，咁係黑色嗰度相對來講一路逐步逐步走上去啦，五至六度嘅顏色號碼代表棕啡色自然色，咁七至八去到淺啡色，咁至於八至九呢，換言之就去到一啲淡金色或者更加淺嘅金黃色嘅效果，要去到呢啲咁淺嘅頭髮呢，其實都好講究客人之前有冇染過一啲暖色橙色紫色紅色等等呢啲色素，如果有曾經出現過就冇咁容易架啦喺漂頭退色嘅過程裏面，咁所以就要好考慮究竟自己嘅頭髮曾經做過咩色啦？有冇資格係可以退到咁淺啦先至可以做到灰色架喎！

#suecheung@haircorner

防水妝

呢一對新人呢再一次恭喜，就係喺沙巴進行咗婚禮同埋影咗靚靚結婚相嘅朋友啦！

咁我想同大家分享嘅就係絕對防水絕對防水！我見到佢哋完成咗婚禮攝影其中一part，就係喺Villa門口嘅泳池跳咗落去兩個深情一吻，上返嚟之後我仲見到個妝依然存在，當然係retake咗一段時間唔係淨係影咗一次，喺持續水底水面水底水面大約有10多分鐘嘅時間，咁見到新娘子嘅眼睫毛依然存在，我對自己嘅防水妝有再下一城嘅自信心啦，非常之榮幸見到佢嘅化妝依然冇變到，當然佢嘅眉毛啦眼線啦都依然存在，我真係覺得實在太榮幸同埋驕傲啦！

所以各位新娘子，如果大家驚結婚嘅時候會甩色或者會容易溶妝其實唔使太擔心嘅，你睇吓呢個就係好好嘅招牌啦！喺泳池玩完水上返嚟都仲有眼妝keep得咁好，所以就唔使擔心啦！

#防水妝 #suecheung@haircorner

書

頭髮化妝除咗基本功之外靈感係喺邊度黎呢？靈感就係有時候睇吓書，睇吓書都係一啲補品嚟嘅，上網YouTube, Instagram世界各地睇吓參透吓唔同大使嘅手法，亦都可以攞到好多靈感。

所以呢我最鍾意keep住比自己進修溫習提升，有陣時都會睇到好投入架，都會睇到書不離手，但係近年來當然多咗用網上嘅方法去做資料搜集，但相對黎講我覺得最記入腦反而係一頁一頁自己打開本書去揭呢一種態度同埋呢一種記憶法。

我都好渴望可以擁有一本屬於Sue Cheung 嘅一本書，一本係分享比客戶，同埋分享比身邊友好嘅髮型界朋友一齊去做一個分享形式嘅書，去講下我點樣入行由髮型師開始變身做化妝師，然之後成為導師，再行近多一步成為韓國半永久化妝師，呢啲一步一步嘅階段係點樣去演變，咁呢啲我都好想同大家分享，亦都想同大家分享過去參加比賽嘅時候嘅心得啦！準備嘅狀況啦！作品啦！

同埋過去我都好多謝攝影師嘅朋友陪我，用咗好長嘅時間去影咗好多唔同類型嘅相，而呢啲相我都好好籌備將來係本書度行嘅時候同大家分享。

Sue Cheung @Hair Corner K11 

#suecheung#hairstylist#

專業模特兒

Model呢真係好犀利嘅一份工，喺大熱天時30幾度我哋全人類都短褲短袖短衫防曬嘅時候，模特兒就要穿上來季冬天嘅服式，簡直係加許到不得了，真係好利害，冬天就影定夏天嘅專輯夏天就影定冬天嘅專輯，所以呢做得模特兒真係要抵得住天氣嘅反差，先至可以擔當到一個專業模特兒，就係無論有幾熱或者幾凍都好，佢地都要着上牌子嘅服裝嘅時候都能夠專業去演繹。

咁呢次係喺石澳裏便去影Fashion嘅shooting嘅，咁個過程裏面呢個模特兒都好犀利嘅，竟然係冇流晒大汗，我幫佢做嘅頭髮啦，同埋個妝都可以保持得幾好唔錯！

#suecheung@haircorner #專業模特兒

胡仔胡諾言

好多謝胡諾言先生嘅信任，我成為咗佢兩位公主同埋佢嘅髮型師，非常之可愛，佢兩個女都好乖好聽話，呢個囡囡仲要乖到攞張紙攞支筆比佢，佢就喺度畫畫等爸爸剪完髮為止，非常之可愛亦都笑得好甜，兩個女都好得意，我都期待緊細仔應該就嚟可以比我剪頭髮架啦，我都應該即將會成為細仔👶嘅髮型師！哈哈！

#suecheung#胡仔胡諾言— 標籤︰張珮慈。

KT Treatment

 

客人真係好有經歷呢把頭髮，線條複雜、攣，髮質非常之kick、好幼、嚴重受損，嚟到我都俾佢嚇親，洗完頭先至記得幫佢影相，更加kick。

咁我就選擇左幫佢做KT Treatment 啦，咁呢個KT Treatment 有咩利害之處呢？就係可以復收返頭髮破壞左嘅輪狀表層，補收返髮深同埋頭髮以外嘅營養，灌輸左唔少營養比條頭髮，令到個頭髮回復返彈力，大家睇吓完成咗後髮尾係咪好有韌力同埋開叉都即刻少咗？簡直係頭髮上面嘅急救。

呢一個Treatment係可以維持到六個星期嘅效果，有一套洗頭水及同護髮素送俾客人返屋企用嘅，咁做嘅時候我都會教客人因應返頭髮幾多少髮量長短去教佢地用嘅狀況。⋯⋯

咁呢個Treatment 都深受歡，係由外國發明嘅，因為好多鬼婆嘅頭髮都係好攣好幼亦都好貼，唔想做完之後嘅頭髮好扁， 而呢個Treatment 嘅復收能力強，有一個額外收穫就係令到頭髮都可以撫平順直，所以我都好鼓勵一啲長期要做負離子嘅朋友間中都用吓呢個方法比頭髮做休息站，以及一啲客人嘅頭髮都非常之乾呀，Damage都可以嘗試做呢一個Treatment，歡迎預約，大約90分鐘左右完成。

鄺律師Ringo Kwong

我身邊呢一位呢就係鄺律師Ringo Kwong，鄺律師呢係好特別嘅身份，因為我係佢婚禮裏面嘅髮型化妝師，幫佢同佢太太擔任咗佢全日婚禮流程嘅形象統籌，佢哋嘅頭髮化妝項目。

而亦都好榮幸咁喺我自己嘅婚禮入邊呢，鄺律師再一次出現，就係因為鄺律師成為咗我嘅婚姻監禮人律師，我亦都非常之感覺到好榮幸，佢陪住我喺人生嘅唔同階段成長，我亦都睇住佢結咗婚之後兩位公子👨‍👩‍👦‍👦嘅誕生，佢兩個小王子簡直絕對可愛，啱啱細仔呢排仲好刺激咁剷咗個skinhead💇‍♂️光頭妝添，非常之可愛。而大仔我亦都睇住佢不斷咁成長啦，好可愛，亦都好多頭髮嘅兩個寶寶都。

咁至於喺我嘅婚禮裏邊我都要再一次多謝鄺律師嘅出席啦，成為咗我婚禮嘅證婚律師，見住我唔同階段嘅成長，多謝！

#suecheung #鄺律師RingoKwong

正面能量

我自己認為正面嘅能量就係對自己嘅生活同工作有熱誠動力，最緊要嘅營養來嚟自於願意早瞓覺有夠睡眠，比自己嘅動力可以拉長同埋更加有韌度，我係一個好投入工作同埋享受生活嘅人，就係我有一個秘技就係可以去到邊瞓到邊，哈哈！

我就算有陣時出差又好，上飛機都好，完全唔怕生譜床，當中有個一句自我催眠嘅咒語，就係你好重要架，你依家有得休息就好襯而家馬上休息，我就好快地瞓着覺。我亦都將自己喺好放鬆嘅環境下，因為我係唔會將一啲負能量或者累積嘅壓力帶到去床上， 或者比自己休息嘅時候依然重複去諗，因為我會將我每一次要去考慮處理嘅事情，或者一啲面對壓力嘅狀況我都會比自己重新去組織兩至三次，舒緩自己嘅體驗同埋方向感，馬上解決唔會將事情累積嘅性格，令到我唔會有太多嘅壓力或者多雜念影響咗自己嘅。

咁至於正能量呢就透過身體嘅狀態展現出嚟，因為就算你嘅思路左有幾正能量都，個人唔夠休息呢個能量都有不足嘅，所以我覺得能量每日都係由朝頭早開始，我最鍾意就係瞓醒覺傻笑好開心拉下筋咁就開始新嘅一日啦！

#suecheung #正面能量

男士大變身

 

【送你一次男仕大變身】
由即日起至5月16日
只需：
• Like Sue Cheung 專頁
• Tag 3位你認為有需要執執嘅男士⋯⋯
• 寫下你喜歡的男士造型/男明星髮型
• 名額1位
就有機會得到一次<型男大變身>hair cut 機會

*如有任何爭議，Sue Cheung 專頁保留最終決定權
*會有專人通知結果
*必須一星期內兌換大變身剪髮服務
*稍後時間上載分享得奬者變身前後相片

Your Hair I care

#suecheung#男士大變身

DYSON風筒

好多好多朋友都問我Dyson風筒好唔好用，就等我一次過再公開去分享啦！

以我個人嘅手感經驗上覺得Dyson風筒係比起傳統風筒吹頭嘅速度快30%，而傳統風筒嘅溫度我自己感覺上係比Dyson更加熱嘅，而Dyson風筒絕對係玲瓏骨子同埋輕身，我自己覺得係可以處理每一日大量嘅客戶返到屋企係冇咁攰嘅，咁我自己嘅分享呢系覺得，有陣時啲男仔嘅客戶係比較大反應嘅，可能佢哋比較鍾意啲科技同埋有線條嘅電子產品，而女仔最鍾意嘅呢，絕對係一啲多頭髮長頭髮厚頭髮嘅揮手區。

以上呢絕對係冇得到任何利益嘅輸送，純粹個人分享，哈哈！

#suecheung@haircorner #dyson風筒

美博會

我有陣時都覺得我自己個分身感覺好特別，當然我喺行內是個專業嘅髮型師，但係喺08年開始我亦都投身喺埋化妝項目。

非常之感到榮幸同光榮嘅就係有機會拍攝全中國美髮美容介盛事嘅海報，就係美博會嘅年度海報，將會喺地鐵站、展覽館、宣傳單海報等各個地方，比美容美髮業介都會睇到自己嘅作品，又係今期嘅封面，所以我都覺得係一個好好嘅過程感受同挑戰

#suecheung#美博會

韓國之黑人鬢辮

作為一個髮型師正所謂去到邊整到邊，最鍾意就係髮神經，竟然比我喺韓國係韓國冇講錯係韓國嘅一個街頭裏邊搵到一間黑人開嘅搏髮鋪頭，因為黑人所做嘅鬢辮簡直係神乎其技，亦都相當之工整有技術可言。

所以我亦入去深深感受咗一小撮嘅頭髮位置，同佢交流一下點樣搏髮，我話我想做到一個我預期嘅搏髮效果，我將我嘅影片俾佢睇咗，然之後呢兩個黑人姐姐快馬加辮只需要三五分鐘已經搏咗假髮上我嘅頭髮度，覺得佢哋真係好犀利，我亦都好欣賞呢個民族嘅頭髮工藝，因為佢哋天生攣到不得了嘅頭髮，佢哋會用好多唔同嘅假髮嚟到鬢出各識棋識嘅髮型，真係絕對係手指工藝大師。

#suecheung#黑人鬢辮

JCI海港青年商會頒青年領袖奬

呢一張相真係好震撼好呢一張相！最左手邊嘅係老爺我公司嘅老細，左二係我老爸即係我爸爸我親愛嘅爸爸，右手邊係我老公，嘩簡直係三大長老聚首一堂。

我第一次有呢一個合照覺得係好神奇有呢一個效果，亦都好多謝JCI海港青年商會頒青年領袖奬項比我，令到我去回顧過去，俾我自己知道我前面應該要做得更加好。透過自己行內嘅技能，服務咗唔少嘅有需要人士。

用剪頭髮呢個技術，教識咗智障學校嘅媽媽學識咗點樣幫小朋友剪頭髮。去到老人院幫老人家剪頭髮，因為佢哋有陣時連落床都有困難。亦都曾經參與過一啲大型嘅剪頭髮義工項目，亦都自發喺歐洲街頭剪髮義務籌款，將所得嘅損款都捐去兒童癌症基金，因為我相信小朋友而家身體唔好，只要有勇氣去面對呢個疾病，將來一步一步去康復，佢哋都會有美麗嘅頭髮。我亦都將頭髮捐去香港癌症基金及台灣一啲需要假髮嘅受惠機構。

#suecheung#jci海港青年商會

POLYU訪問

作為髮型師真係鍾意有陣時出門走走，出門出得多，其實香港之大好多地方都未認真正感受過，呢次呢就係去咗做訪問，接受左JCI嘅獎項之後，預約喺PolyU入面接受咗一個行內經驗嘅訪問，我發現PolyU入邊都有好大好靚好空曠，令人好舒服嘅地方。

#suecheung #JCI#polyu

韓國半永久化妝

早前我喺韓國學習咗半永久化妝，當中一個項目係我最感興趣嘅就係髮線，因為喺市面上好多客人都出現咗髮線比較淺色、薄、幼同埋唔夠厚。而呢個方法就係好似做眉毛嘅效果咁一筆筆咁抅畫落去延長返髮線，亦都做到韓國化妝，就係可以令到外線outline比較豐厚啲，望落去改善面形，同埋呢改善咗比人望第一眼嘅印象，就係令到頭髮都稍為改進，視覺上會比較豐厚咗，歡迎查詢呢一項服務！

#韓國半永久化妝#髮線

DIY Make up班

化好一妝其實都好需要好多內功嘅，首先要了解自己嘅皮膚質地啦，手頭上嘅化妝工具是否適合，另外呢最重要就係要搵到自己嘅色彩同埋化妝嘅程度，每個人能夠接受到化妝嘅程度都唔同，而每一個人喺自己認識化妝階段手法都有所不同，所以我都特設咗一啲DIY Make up班，歡迎組團或者個人參加，歡迎查詢！

#suecheungmakeup

刺繡

刺繡喺中國已經有好多年嘅歷史，咁嚟自藏族嘅楊老師呢亦都係我公司老闆嘅好朋友，佢哋藏族係用口傳嘅方式嚟到將歷史記載嘅。而佢最拿手嘅就係刺繡，曾經我有見過楊老師真人呢佢係喺Y-3嘅恤衫裏面刺繡咗好特別獨特嘅圖案。
而楊老師呢位女士佢依然着住好特別嘅古裝藏族嘅服飾嘅周不時都，佢自己喺成都嗰度都有一個展覽館，好利害嘅老師佢同shu uemura 都合作左一系列嘅藏族花紋，成為咗shu uemura其中一個系列嘅圖案同形狀，榮幸嘅佢幫hair corner亦都進行左一啲刺繡嘅圖案可以同大家分享。

#刺繡藏族花紋#shu uemura

GUCCI女神風出現

Gucci喺今季都展現左好多唔同嘅顏色啦！相對來講呢都係非常之豐富嘅比過往。同埋佢哋手袋嘅款式都比較誇張一啲，嚴格來講係已經少咗好多classic 嘅pattern。多咗唔同嘅質料，融合左好多唔同嘅物料放在手袋上，做出嚟真係與別不同。

髮型方面呢我們取用咗唔同比較輕盈，外景之餘我哋都可以call到女神風出現喎！

#gucci #suecheung

Marc Jacobs jack lock頭

Marc Jacobs今年用咗色彩豐富嘅元素，加上超級勁高嘅高踭鞋嚟到整合咗。

而今季佢哋嘅國際線當中係用咗好多唔同類型嘅質地放落個頭髮度嘅，咁包括咗比較誇張嘅jack lock頭啦，而今次我哋呢做返一個比較輕盈版，所以就用咗好多先線啦繩啦嘅質料落咗落個頭髮度，令到個Model呢更加有唔同嘅質感喺嗰個頭髮度表現。

#hairsuecheung@haircorner

Schwarzkopf 大家庭

好開心加入咗Schwarzkopf 呢個大家庭，因為過去喺一四年得到冠軍，再入圍成為咗香港區嘅代表出賽然之後再攞咗大中華嘅前衛風格冠軍。

喺呢個Schwarzkopf 公司裏，好開心認識到喺香港上上海工作嘅女同事YY，你真係一個非常極度能幹嘅女士，佢一個人可以做十個人嘅嘢，原全係理直氣壯做嘢超級爽手，多謝你哋喺show嘅時候都超級照顧我哋。

#Schwarzkopf— 標籤︰張珮慈。

染髮色條

喺上海總部Schwarzkopf公司完成咗染髮嘅一啲色條，係用一啲真頭髮嚟到上色，嘗試用新嘅顏色，希望新嘅顏色能夠帶返黎香港比大家去嘗試。因為始終德國公司佢中國總公司設立咗喺上海，而有啲顏色未曾真正帶入到香港，咁我有幸先睹為快感受一下今季嘅顏色，咁所以就喺度同大家先分享一下啦。

今季特別多傾向一啲淺色嘅顏色，亦都比較啞色嘅。國際品牌做到日本嘅色彩，可以一次有退到淺色嘅效，當然都要視乎返客戶本身嘅顏色底色，先至為準確。

咁如果本身客人都係淺啡色嘅話，咁就有更加多顏色可以選擇到。可以未必一如以往咁去做過去可以嘗試嘅顏色，新嘅色調我比較喜歡綠色同紫色呢一個系列，因為佢帶出來都做到一啲比較粉色嘅效果。

#上海Schwarzkopf

DHT

 

DHT
正常情況下頭髮是不會脫的!!!

因人體分泌5α-R還原酶和荷爾蒙分泌失調!!轉變為DHT!!!DHT進入毛囊後導致毛囊萎縮，並且圍繞著毛根產生一種蠟性物質.男性及女性典型脫髮的主要原因，正是因為在毛囊及毛根內聚積DHT所致!!!!
⋯⋯
髮線上升是很難解決的問題!!!!
阻止:
自然方法:食芝麻糊(有效的), 能加強血液循環,頭髮烏黑不易斷,但不能清DHT!!
自然方法:多做運動流汗會生頭髮!!! 可以清少少DHT!!

#DHT

男士脫髮

 

男仕脱髮

資料來源：蘋果新聞
2014/3/12
⋯⋯
【本報訊】現代男士越來越注重外表，對脫髮問題尤為敏感，不少廿多歲青年因髮線輕微後移便驚慌求診。香港大學內科學系臨床助理教授陳俊彥表示，逾九成脫髮患者屬家族遺傳的荷爾蒙性脫髮。他提醒患者要趁早醫，透過生髮水或藥物治療，以防毛囊「瞓着咗」停止運作。至於坊間指蒸氣焗頭並無喚醒毛囊作用。
記者：伍雅謙

近年因脫髮求診的數字有年輕化趨勢，陳俊彥指，20至30歲年輕男士「見到有甩髮已經好緊張」，未有明顯脫髮症狀經已求診。他指出，目前超過九成脫髮患者屬家族遺傳的荷爾蒙性脫髮，患者多為男士，頭髮自20至30歲起開始脫落、髮線後移，到30至40歲便呈現「地中海」情況。女性也受家族遺傳影響，惟情況較少，多是頭頂髮量變得稀疏。

食藥不會導致陽痿

陳俊彥表示，醫生會為脫髮患者處方外塗生髮水（Minoxidil），增加頭皮血液循環，令毛囊細胞獲得更佳營養，一般使用四至六星期已有成效，除非未能改善脫髮情況，否則會建議患者長期使用；嚴重者除生髮水外，會加以口服荷爾蒙調節藥控制病情，並每四至六個月接受醫生評估。有患者指服藥後出現陽痿，他強調，此藥或令患者出現作嘔作悶等副作用，惟無數據顯示會致陽痿。
他強調，及早診治可防止脫髮情況惡化，若發現頭髮停止生長達半年，「毛囊會好似瞓着咁，唔會再生髮」，即使用藥效果也未必理想。他提到，曾有20歲出頭的男病人，頭髮在短時間內脫落，頭皮出現五元硬幣大小的圓洞。男病人以為受家族遺傳導致脫髮，後證實因自身免疫系統失調，患上俗稱「鬼剃頭」的斑禿，處方生髮水及類固醇後已痊癒。
除常見的荷爾蒙性脫髮，陳俊彥指，都市人生活壓力大，因心理因素而脫髮者日增，但待壓力舒緩後，脫髮問題便得到改善。一些疾病如癌症、中風、嚴重感染等患者也會脫髮，康復後頭髮亦會再生。

蒸氣焗頭效用成疑
要防止秀髮脫落，他教路只需維持健康生活，不煙不酒，保持適當運動及休息便可。他提到，現時仍有男士以為用白蘭地塗抹頭皮能改善脫髮；坊間也有傳焗蒸氣可「喚醒」頭皮。他強調以蒸氣及酒精治療脫髮並無醫學證據，反會刺激頭皮，高濃度酒精更會令患者感覺好「揦」，可致頭皮痕癢和紅腫。

#男仕脫髮

BNI早餐會Work life balance

 

Work life balance! Work life balance!

完咗逢星期四早上BNI商會嘅商務早餐會之後呢，就同左班會友一齊去咗玩音樂，其中一個會友個朋友係張崇德先生，咁我哋就去咗佢嘅Studio一齊去上堂學音樂，連續學兩三堂，希望學完之後真係有改善。

因為我嘅音樂情操實在太低啦，細個冇機會去接觸音樂，阿媽話去學跳舞啦，學鋼琴呢喺屋企彈琴嘈生晒喎，所以呢我一路都冇機會去接觸音樂，咁今次有機會去上堂呢，仲要一班朋友一齊上真係太開心啦，因為一個人去上呢，一定會覺得怕羞同好面懵嘅，咁有咁嘅機會我都會好好珍惜。⋯⋯

今日就上咗第一堂非常之搞笑啊！呢個Peter張先生，佢係非常之風趣幽默搞笑，令到成堂大家都有好多嘅笑點位，佢係好互動生動，用咗好多生活化去解釋，呼吸運氣語音同埋聲樂嘅一啲基本知識俾我哋，亦都教我地點去吸氣呼氣，點樣喺支咪嗰度講說話用聲，都真係獲益良多，好開心有機會喺嗰度上堂！

#worklifebalance #BNI早餐會 #張崇德

布拉格影結婚相

重要嘅事情係需要重複講嘅！因為即將會喺今年嘅六月份，我會同影呢一輯相嘅攝影師，係一位女嘅外籍攝影師，佢都幫我去操刀咗我嘅婚禮相片，俾我喺布拉格嗰度有一個難忘嘅Pre-wedding旅程。

如果大家想嘅輕鬆又愉快簡簡單單用幾個鐘頭就可以影一輯咁靚嘅相，就我可以向我查詢啦，因為而家最後召集！

六月份，六月份我哋就會出發去布拉格度影結婚相啦！因為已經有香港嘅客人confirm咗會一齊出發每一對新人都會用一日去影嘅咁！快快脆脆佢同我地查詢啦有興趣嘅話！

#布拉格影結婚相 #suecheung

布拉格最後召集

今年六月份我會再一次去布拉格，搵幫我結婚嘅外籍女攝影師幫我嘅客人去影結婚相。

如果你或者你朋友都準備結婚籌備婚禮，好想有一輯難忘又浪漫嘅結婚相，歡迎你join我哋一齊係六月份出發去拉布拉格影一輯屬於你嘅結婚相。我覺得外國人影相都幾特別同埋佢哋嘅角度都好好。

最後召集最後召集！

#布拉格結婚相#suecheung

布拉格結婚相

呢一輯相係有由我喺布拉格影相嘅婚禮女攝影師操刀，佢幫佢客戶去影嘅相嚟嘅。咁我特登係呢度想同大家分享一下。

因為我係2017年6月我已經準備好同一對香港嘅客人去到布拉格影結婚相啦，咁如果大家都想有一輯難忘嘅結婚相喺布拉格，我都歡迎大家可以去查詢因為我哋喺三月左右就會準備機票架啦。

#布拉格結婚相 #suecheung

香港變靚啲

世界上係冇唔靚嘅女士嘅，只係有貪靚嘅女士嘅啫，咁如果懶嘅女士呢咁就可能呢同貪靚就會越嚟越遠，同靚呢一個字眼呢就可能好難掛鉤到，點樣可以煥然一新，俾人有一個賞心悅目嘅感覺。

其實主要每一日俾多少少時間去打扮自己，去準備好自己嘅服裝儀容咁你就可以靚啲架啦！香港變靚啲呢個Channel呢已經出架啦，較早前呢就好多謝Visual Media嘅支持啦，去協助拍咗啲YouTube Channel，咁因為制作公司相當之多工作嘅關係啦，遲咗少少，現在啲片已經放咗上網啦，會同大家分享關於扮靚嘅心得！

#香港變靚啲 #Visual media #youtube channel

愛美的女生

 

 

 
 

女仔扮靚係常識吧！愛美的女生，其實只係有勤力嘅女人就冇懶嘅女人，所有女士呢都係有機會可以變得靚，令人賞心悅目嘅！

#sue cheung. #愛美的女生

Work hard play hard

咁呀古語有云Work hard play hard，我真係好開心，因為呢我都係一個好投入做嘢嘅人啦，咁我身邊嘅團隊啦大家都係好投入做嘢嘅，咁今次呢就同Nicki啦同佢女朋友呢喺一六年我哋去咗一個trip嘅，我哋去咗一個快閃黨，去咗泰國玩，咁好多謝Nicki 咁多年同我出身入死啦，其實我哋嘅關係呢親密於屋企人般架啦！因為呢無論想做啲咩，或者有時想帶佢去啲餐廳呀，或者想同佢去多啲人生體驗，想同佢去多啲唔同地方旅行玩啦，咁呀Nicki都係一個好好嘅腳嚟嘅!
咁呀Nicki呢做嘢就絕對爽手啦，髮型嗰方面就唔使講啦，做得非常之好，好多謝Nicky同我走過咁多嘅路，同埋Nicky嘅靚靚女朋友一齊去旅行，咁真係好開心，呢個泰國之旅完全實踐左我哋嘅飲飲食食同埋逍遙自在hea 嘅感覺!

#work hard play hard #泰國旅行#Nicki

髮型Sue

 

Hello! Welcome! 歡迎Call me髮型Sue！髮型Sue呢個名係好多年前我一對婚禮嘅客人同我改嘅，其實髮型Sue呢個名我覺得都幾親切同埋覺得幾特別嘅。有陣時我自己諗起呢都覺得好搞笑，我都真係好鐘意頭髮架，我記得呢點解鍾意頭髮呢，點樣講起.....應該係話我細個呢成日剪頭髮啦，個髮型師就係我屋企嘅媽咪，咁我剪完呢就話襟呀嘛，剪完就去影學生相啦，點不知呢每一次呢我啲學生都會發現點解成日都會嬲爆爆嘅呢？因為我手冊嗰個學生相就會睇足一年一個學期啦，原來問題就嚟啦，原來就係佢每次都會話剪短少少個劉海啦會襟啲嘅，跟住就會捉咗人哋去影學生相，咁我太短真係好核突嘅，咁好核突嗰陣時就影咗學生相，結果嗰陣時我都有啲唔耐煩同埋有啲唔妥架啦覺得，覺得冇可能係咁嘅，咁嗰陣時都未曾有對髮型果份熱誠，就係細個反而好有印象係我八九歲嘅時候，我阿媽係有成日落salon洗頭嘅阿太嚟嘅，我八九歲嘅時候佢已經帶我⋯⋯落salon做hair treatment ，仲要指定一個肥姐姐幫我洗頭，喺嗰個階段裏面呢我就開始發現嗰個地方好特別，好多人同香噴噴同埋個個整完都好似好開心咁，坐喺度俾人整嗰個又覺得好舒服，覺得所有野都好新奇，跟住嗰段時間呢我就對salon呢好似指定動作成日去嘅關係，咁亦都有個意識呢就成日去嗰度搵同一個人嘅關係，我就知道髮型師應該搵來搵去都係同一個嘅概念啦，跟住就慢慢總有一個總結種咗入個心裏，跟住呢喺一個偶然嘅關係啦，係一個大我兩年嘅姐姐，一個朋友黎嘅，佢帶我咗去暑期工喎，點不知我就開始咗，開始咗之後我就慢慢越嚟越投入啦，結果我就做咗一個髮型Sue啦！

#髮型sue #hair corner #sue cheung 查看更多

萬千星輝賀台慶

呢一張相就係萬千星輝賀台慶TVB跨半世紀50周年晚宴嘅時候影嘅，咁我哋就幫陳凱琳整頭髮啦，我身邊隔離嗰個呢就係阿Lam啦，我嘅得力助手，咁佢同我都走過好幾個年頭架啦，咁我今次就同佢一齊入去後台同陳凱琳小姐扮靚靚， Grace呢真係一個非常之Nice呢好親切嘅女仔呢嚟嘅，好開心同佢一齊都會成日笑嘅，所以同佢做嘢真係覺得好開心嘅！

#陳凱琳 #萬千星輝賀台慶

私人時間

平時返工做嘢食嘢呢就9秘9，而家呢好享受呀，因爲呢朝頭早呢就幫位artist 呢set完個頭呢我就放假啦。因為我就可以休息吓有啲私人時間，話晒我屋企嘅老闆都返咗大陸，因為佢要做野啦佢要工作，所以呢我就有啲私人時間出嚟呢度慢嘆慢活啦，原來我發現呢食舊壽司都已經好開心個喎。
自從呢跟咗我屋企呢個老細冇食肉之後呢，我發現原來食素食呢，雖然我地唔係全素食只不過係冇食肉同海鮮，但我都發現我啲皮膚好咗同埋腸胃又好咗啦，令到我呢個人都簡單左，因為我冇用好多時間要諗啲究竟我要食啲咩啦我要煮啲咩食啦，或者我有冇D咩特別好想去食，可能啲錢呀時間呀精神呀都冇特別去放咗喺啲大魚大肉裏面，咁我覺得個人都清醒左啊，同埋呢原來冇乜點食肉呢個人都會係平靜啲嘅，可能冇咁多毒素或者啲血都比較清啲，冇咁容易令到自己嘅情緒急或者容易發脾氣嗰啲都冇，咁所以覺得個人更加之冷靜同平靜嘅，咁我都覺得呢段時間啦呢年幾係好啲嘅，皮膚冇以前咁乾，因為以前好記得呢到年尾做到忙，啲荷爾蒙瘡或者係壓力瘡就會爆曬出嚟，咁宜家食咗素食嘅關係都有影響，就算幾忙嘅時間裏面呢，都冇咁容易令到皮膚出現啲敏感左狀況，同埋我覺得好嘅即可以環保啲食少啲，咁當然有陣時出去食飯，朋友夾到埋黎我都會食兩舊，但我就唔會好主動咁樣去買好多肉類或者買啲海鮮返嚟食，咁我就覺得呢個生活覺得幾自在，因為簡單左輕鬆左冇俾自己咁多選擇反而仲輕鬆啦！

第一份工作

剪頭髮呢份工呢的而且確係我做得最耐嘅一份工因爲係我第一份工，咁我又99年暑期工入行啦，然之後呢就係喺2004年我就正式成為髮型師喎，咁過程裏面呢暑期工就經歷咗兩年嘅part-time啦，其他時間就係full time嘅 Junior, 由2004年到而家計起升職做咗髮型師都10幾年啦，咁喺呢10幾年裏面好多謝我身邊有你你你你嘅照顧啦同支持啦同比機會啦。

咁呀我身邊嘅客戶都真係跟足我咁耐，因為係啱啱起步嘅時候呢我係喺屋企幫人剪頭髮嘅，冇錯我做junior嘅時候就係喺屋企空檔嘅，咁呀有啲朋友仔嘅支持啦，真係去我屋企度搵我轉頭嘅，咁我都好特別感恩啦，喺我屋企嗰度搵我剪頭髮嘅朋友都經歷咗好幾次我搬屋嘅，到咗今日喺salon我仲係見到嗰班咁支持我嘅朋友，所以喺呢度再次好衷心咁覺得自己好Lucky啦、好感恩有呢班咁好嘅朋友，一路以來從我細細個未做髮型師已經有你哋嘅支持多謝多謝！

#第一份工作 #sue cheung

我的入行經歷

冇錯冇錯因為我係暑期工就入行架啦，然之後就完成咗中學嘅旅程，之後呢就正式入咗呢個行業啦！做美髮行業呢係我第一行亦都係我人生唯一一個行業喎，咁過程裏邊我都有比自己伸展嘅，我都有學下化妝啦，亦都有教下化妝啦，亦都好慶幸係2009年就成為咗一間wedding planner學校裏面嘅婚禮形象導師啦，然之後喺2009年開始就展開左我教育旅途啦，咁去到2012年呢我就再去咗進修喎，喺嗰段時間我就考左一個國際導師牌嘅高級認可啦。

完咗之後呢我就再繼續進修喎，咁我就成功喺嶺南嗰度完成左一個管理嘅美容美髮嘅管理課程，咁算係對父母係有個交代啦！咁再攞咗個學位佢哋最開心架啦，咁過程我都經歷左要返學要比心機一take過，當經歷半工讀嘅階段其實真係會好攰，因為好記得呢我係閒日啦，逢禮拜二禮拜四都要去上堂當其時，跟住然之後堅持完成左呢個課程係兩年嘅時間啦，跟住有無限多嘅論文啦功課啦，小組討論啦，真係經歷左好多野，咁好記得每一次放工返學呢都係附近買少少小食零食或者麵包跟住放支烏龍茶係枱面就開始上堂啦，有時放學先至食嘢就真係食到嗰排真係肥晒，因為個人好忙身上好多工作之餘啦，又要兼顧功課，我直頭放學走去啲拉面鋪度食到飽飽，所以果斷時間我真係人生最肥，咁但係都好慶幸啦，比我都經歷咗過渡咗成功攞到個學位啦，咁我都喺度特別感恩我嘅父母啦，成日都陪我去經歷，亦都放手讓我去感受下呢個世界，比好高好高嘅自由度我，令到我今日有少少少少嘅成績比自己。

其實呢，呢張相呢都已經唔係新架啦，只不過係我前排準備緊結婚嘅成長片段嘅相，又搵返出嚟咁呀又想記錄低呢啲小小人生嘅點滴啦！

Paris Pre-wedding

我呢喺2015年嘅時候呢同我未婚夫去咗倫敦同Paris旅行，個過程呢就係我係Paris嗰度預約左一位當地嘅攝影師，好特別嘅佢係香港人嘅女士，佢同我地去喺Paris 嗰度就影咗一輯片Pre Wedding嘅相啦，其實呢咁啱喺影呢輯相之前嗰日原來就係李生神秘求婚啦，咁我哋開頭諗住影吓啲拍拖相架，點不之佢比咗咁大嘅驚喜我，喺我哋影拍拖相之前嗰日呢就去咗求婚喎，成功比佢求到婚啦當然，咁我成功升職做李太，然之後第二日呢我哋去咗影拍拖相就就變咗Pre Wedding啦，佢真係非常之成功果然係金融界嘅才子啊。

其實呢巴黎呢個地方係好浪漫好適合影結婚相嘅，因為我過去都試過幫啲新人喺嗰度影結婚相做造型，咁我都略有了解當地影結婚相嘅路線，其實最主要都係得幾個地標，大約需要呢四個鐘頭左右呢就可以影一輯好靚嘅結婚，相其實巴黎都好值得去影結婚相，係度同大家推介一下，如果係五六月有興趣去外地影結婚相嘅呢，都真係有一啲歐洲影結婚相嘅心得同大家陸續分享嘅！

Hair :Sue Cheung @Hair Corner K11
#suecheung#hairstylist#

婚禮項目

婚禮項目呢都係我工作嘅其中一個項目啦，幫一對新人做一個婚禮其實都係幾開心嘅，始終都係件喜事，啱啱最緊要就係了解新娘子嘅性格啦、喜好啦、亦都最緊要都係所有頭妝都係符合到佢嘅衫，同埋場地環境都會令造型有所不同，做wedding真係做咗好多啦，2017年2月15號就係我嘅大婚日子啦，我都好努力為我嘅結婚造型花好多心思，可能我係有少少臨急抱佛腳，不過唔緊要我已經準備選擇咗我最信任嘅髮型化妝團隊，我發現呢做新娘子真係幾緊張架喎！

Hair :Sue Cheung @Hair Corner K11
#suecheung#hairstylist#

Girl talk

忙裏偷閑！其實有陣時呢做嘢做得耐呢放工都想去飲吓嘢傾吓計，有一晚呢就約咗一個姊妹呢就去飲吓嘢。我發覺原來呢發現喺佐敦嘅博文街呢有一間酒吧呢原來可以唔使飲酒，夜晚黑兩個女仔可以飲下花茶又真係幾得意架，我真係覺得呢夜晚黑飲番啲暖嘅嘢份外滋味同埋窩心，當然啦girl talk 最緊要就係係睇腳啦，我最鍾意同埋啲girl friend飲吓嘢，而家又多咗一個地方可以飲下花茶啦!

呢未來李太同李生嘅pre-wedding

 

我開估啦！冇錯呢一輯相嘅主角呢就係我同我嘅未婚夫啦！即係呢未來李太同李生嘅pre-wedding！我哋去咗布拉格嗰度影相，因為呢我之前都有去過布拉格工作所以地理環境都比較熟悉一啲，去咗一間教堂仔裏面啦，用最快嘅速度完成咗影完相啦，因為我哋要把握教堂嘅人流同埋要肅靜，我地最緊要快手先至可以影到一輯靚靚相。

一入到去呢完全比佢哋呢啲遠古歷史嘅建築裝修完全吸引到，同埋裏邊嗰種氣場係好肅靜好嚴肅令到我哋都好感受到嗰重歷史嘅氣氛，其實我真係好夢寐以求有一張結婚相可以喺教堂裏面影嘅，今次真係完成咗我嘅心願啦。

嚟緊呢2017年6月呢我又會再去多次布拉格啦，因為我老公嘅同事會去影一輯結婚相，咁我都會呢好開心再去呢個地方多一次，如果有新嘅朋友有興趣我地都可以join埋一齊去架。⋯⋯

Hair :Sue Cheung @Hair Corner K11
Mack up: Sue Cheung@Hair Coner K11
#suecheung#hairstylist#

升職嘅日子

2017年2月15號就係我升職嘅日子啦，即將升為李太，咁呢我都好難忘啦喺上年有機會去到布拉格同未婚夫一齊去影咗一輯Pre-wedding，我哋用咗外國嘅攝影師啦，同埋我book咗自己去做髮型師化妝師啦，影咗一輯靚靚嘅Pre-wedding相。嗰度嘅日頭簡直係無敵，日長夜短，五六月係好適合喺布拉格影結婚相嘅，所以呢係2017年呢我都約好咗同客戶呢進行布拉格嘅結婚相，如果有興趣都可以同我聯絡。

Hair :Sue Cheung
Make up: Sue Cheung
#suecheung#hairstylist#

早班計劃韓國半永久化妝

無錯我嘅專業領域係髮型師，咁我喺行內已經有10多年嘅經驗啦，咁呀都好感恩好慶幸啦，咁多年啲客戶大家都好支持好包容我，因為有陣時我都出咗去做唔同嘅job，譬如有陣時幫啲artist 做廣告雜誌，或者有陣時又出左去教班，甚至乎會做埋婚禮嘅形象，有陣時教班有陣時擔任婚禮髮型化妝師都有。
咁呀我近年來呢就返工前呢就實行呢個早班計劃啦，有陣時朝頭早七八點開始幫客人去做韓國半永久化妝，做好咗我先至返salon工作，salon正常工作時間都係11-12點到嘅，咁就唔會影響咗我喺salon裏面嘅工作啦，咁我都好多謝客人一路以嚟嘅支持啦，比到好大嘅自由度我，我嘅工作可以我自己去選擇，同埋安排時間。喺度希望大家呢都帶着歡欣啦恩典啦開心啦愉快啦健康啦咁去迎接更加豐盛嘅2017年！
你哋嘅髮型師Sue Cheung上！

Hair :Sue Cheung @Hair Corner K11
#suecheung#hairstylist#artist#

新嘅形象新嘅髮型

各位大家如果想喺來年有個新嘅形象新嘅髮型，都可以預約嚟到Hair Corner尖沙咀K11分店搵我Sue Cheung為大家去打造髮型㗎，咁Salon嘅髮型服務呢好多時候都係透過客介紹客，不斷咁去累積返嚟嘅咁！

Hair :Sue Cheung @Hair Corner K11
#suecheung#hairstylist#

全國最大形嘅Hair show

好記得呢個舞台Show呢係上年飛去國內嚟到準備嘅，一個全國最大形嘅Hair show，整合左時裝界達人阿Ingrid嘅服裝啦，呢個舞台Show裏邊我地都用咗好多心機花咗好多心思，我地去到上海完成左我地一幕又一幕嘅Job，真係帶動到一個潮流必須要係由髮型化妝同埋服裝三個元素整合到出嚟先至有一個咁與無倫比嘅效果出到嚟！

Hair :Sue Cheung @Hair Corner K11
#suecheung#hairstylist#

GUCCI 2017

Gucci 2017年嘅潮流已經喺我哋早幾個月前已經影低咗啦！咁就雜誌亦都出咗街啦，咁呀希望同大家分享一下今季充滿住色彩嘅感覺！

Hair :Sue Cheung @Hair Corner K11
#suecheung#hairstylist#