加油王浩信

以後嘅路你就專心拎住個獎，我就專心做好你嘅頭髮，我哋之後仲有好多個頒獎禮會同你上台一齊去鼓舞，因為我知道你喺嚟緊你嘅事業裏面會再以萬分嘅努力去繼續出發。加油💪！王浩信！

#suecheung@haircorner #加油王浩信

出爐視帝王浩信

視帝喺頒獎禮攞得獎杯🏆之後，直接就要行過去另外一個廠嗰度接受海外及本地傳媒嘅訪問，咁我哋一齊經過個巷裏邊，我哋又去返我哋嗰個我們的死角位，喺廠與廠之間嘅出入口，佢話如果你哋唔同我影呢張相我嬲㗎，非常之調皮嘅出爐視帝咁樣同我同亨利講，我哋梗係急不及待，你睇吓我哋嘅眼神？我哋之間嘅交流真係盡在不言中，非常激動感動同埋為視帝浩信鼓舞，加油💪！前面嘅路大家一齊繼續努力💪！

當然自拍🤳係佢嘅強項啦！因為自拍🤳嘅角度佢點影都係影到咁靚仔，始終比最高嗰個拎住個相機自拍🤳影出嚟效果真係最靚嘅！真係細心啦視帝！

#suecheung@haircorner #視帝王浩信

視帝王浩信

王浩信先生攞完視帝第二朝一早就出席活動啦！當然我都有出動去幫佢做髮型啦，佢新嘅裝束都有啲新鮮感，佢呢個顏色嘅西裝都特顯到好fresh嘅感覺，再加埋佢着埋new balance運動鞋成個感覺呢比較輕鬆啲比較Sporty啲，希望大家嚟緊都會去留意佢嘅劇集兄弟，兄弟呢一套劇集佢都好俾心機去演出，如果大家有時間嘅話記住多多支持去捧兄弟呢一套劇集啦！

#suecheung@haircorner #王浩信 #兄弟