化妝流程

我都知道呢香港地好多人都好趕時間出門口，簡直分秒必爭，仲有好多都喺小巴巴士度化妝化到出神入化好快手嘅靚女，我想講如果你願意係屋企早少少起身呢，咁你都可以化得個妝比較定一啲嘅，咁至於好多時候呢搵化妝品嘅時候重耐過化妝喎，所以有一個好企理嘅化妝area，或者你嘅化妝包包係好有流程咁樣執好呢，都會幫到你化妝嘅時間縮減同埋得心應手，你要嘅化妝工具好快就到手，就唔使浪費太多時間去搵你要嘅化妝品啦，咁就比大家參考一下啦！

#suecheung #化妝流程

畫眉有多重要

https://read01.com/P5m3yN.html

灰色

呢個頭以亞洲人嘅髮質去上色最少應該要漂兩至三次，先至可以又我哋亞洲人嘅黑色色素退到咁淺嘅，咁如果成日好羨慕啲外國人點解啲頭髮可以零舍淺同埋特別嘅顏色呢？

因為首先第一佢哋本身嘅膚色，同埋第二佢哋本身嘅髮質都係偏幼，第三就係佢哋嘅頭髮本身偏幼同埋偏淺色，導至佢哋漂嘅次數都可以比我哋亞洲人少就可以達到呢啲咁嘅效果啦！

其實我身邊有好多客人都好鍾意做灰色架喎，灰色會隨着唔同嘅時間階段退色嘅，至於鍾意灰色嘅客人有時間來坐一坐你都可以達到，就要睇下你嘅髮質合唔合格先！

#suecheung@haircorner #灰色

粉色

我都好鍾意一把頭髮可以轉咗顏色之後比到人一啲好新鮮嘅感覺同埋形象！

粉色其實唔係話好難染，但係粉色絕對未必係可以好持久咁逗留喺把頭髮度，所以好多時我會幫客人做得比較深少少，等佢返去可以多小小洗頭嘅次數先至達到粉色嘅效果，變咗嗰啲粉色效果能夠留喺頭髮的時間保持得比較耐，咁如果你即刻就做到個頭髮咁粉色嘅話呢，可能洗頭髮只係三至六次以內，已經個頭髮退到好似啱啱漂完未上色嘅狀態，所以鍾意做粉色嘅朋友又唔好失望，因為如果你能夠有足夠嘅時間返去salon嗰度補色嘅話呢，你嘅粉色係可以好靚嘅！

我嘅經驗有好多客人係做咗一啲紫藍色或者藍色，甩出黎嘅顏色係相當之靚，嗰個粉色係保持得好耐，有幾個月嘅時間咁長，做起一路甩色嘅時間一路都keep住靚，有唔同階段嘅靚，大家都可以試吓架喎！

#suecheung@haircorner #粉色

轉髮色

又係時候轉季啦！大家有冇諗過轉季嘅時候想用咩髮色去示人呢？唔想改變長度？其實改變髮色都係一個好好嘅提議黎架！不過呢最緊要就係要知道你依家原先有嘅基礎色先可以知道你髮質可唔可以適合新嘅顏色，如果個髮質已經係受損性或者過度進行去電染嘅話呢，就未必建議再做得咁淺色啦，因為會令到個髮質邊乾嘅！

至於一啲粉色同淺色系列呢，就係以上俾大家參考一下啦！

#suecheung@haircorner #轉髮色

男仔鬢邊仔

鬢邊仔唔一定係女仔嘅專利，其實男士髮型都可以有好多改變嘅空間，男仔有時腌尖起上嚟兩個禮拜就話要修一次頭髮，其實男士嘅整潔度已經大大提升，比起以前嘅要求度都有唔同，因為而定嘅男仔真係特別資整，話晒要着套靚仔嘅西裝，或者有時返工見客，Casual wear, sporty佢哋都會着到好乾淨，所以頭髮真係要好好咁整理一吓做出個人嘅形象！因為稍為長啲都會比人哋論盡同埋唔夠乾淨嘅感覺嘅！

#suecheung@haircorner #男仔鬢邊仔

紮頭髮

紮頭髮呢其實係好多方法，只要用一啲簡單嘅基礎手法重複去做，都可以達到頭髮好多嘅紋理立體感，咁以下呢只需要幾個step 就可以完成咗一個髮型架啦，大家可以返屋企嘅時候嘗試一吓，因為如果自己紮頭髮呢，普遍來講都唔建議大家用太多髮夾嘅，因為髮夾自己使用上都唔容易固定得好，亦都好容易彈咗好多個夾出嚟，所以今次我今次特登比大家睇一睇點樣可以簡單用幾條橡筋，少量嘅髮夾就可以固定到一個造型，非常之適合。不過如果你個頭髮呢係太黑或者太深色呢，紮出嚟嘅紋理可能會冇咁分明架喎！

#suecheung@haircorner #紮頭髮

髮質

頭髮嘅顏色呢依附左喺髮質上， 佢會出現唔同嘅效果，譬喻話順滑嘅頭髮你會清楚見到線條係非常之柔順一條條向下直嘅，但係如果想頭髮增添豐盈立體感呢，大家可以嘗試當你做完high light或者multi color，multi color即係綜合左幾種唔同顏色嘅染髮方法，你可以嘗試將個頭髮稍為做一啲一次性嘅造型，譬如用電熱棒去捲佢或者做一啲輕微嘅燙髮，都可以令頭髮更加之豐盈同埋立體嘅！

#suecheung@haircorner #髮質

灰色

太多人問我其實染灰色好唔好，其實染灰色唔係唔好，只不過灰色實在太快太容易甩色，亦都需要飄一至兩次先至上到灰色，所以呢我就諗到一個方法其實都可以試吓用假髮㗎喎，咁所以呢我就親自示範一次俾大家睇吓，咁灰色呢其實可以試吓用假髮。

因為呢好多時做show嘅時候訂落咗好多唔同類型嘅假髮，咁我都集齊左好多唔同嘅款，如果大家有興趣可以資訊一下，你有冇一啲髮片係適合使用嘅，咁變咗就比夠彈性啦，髮片嘅好處就係可以放喺唔同嘅位置，配合返唔同嘅衣着打扮，咁出街嘅時候就有新鮮感啦！

https://youtu.be/KLChL9dxolY

#suecheung@haircorner #髮片

意大利藝術嘅色彩

太利害啦，除咗壁畫之外天花板都有住唔同嘅立體浮雕、油畫仲要保存得非常之好，真係令人嘆為觀止十分之震撼，呢一個藝術長走廊真係每一步行過都細心悅目，完全係視覺嘅享受我真係好鍾意意大利呢種藝術嘅色彩！

#suecheung@haircorner #意大利

意大利嘅街頭

喺意大利嘅街頭見到好多藝術家，徒手就可以發揮出佢哋天賦嘅藝術才華實在太利害了，喺公元前佢哋嘅祖先已經充滿住藝術細胞，喺我參觀過嘅教堂古蹟文物當中，佢哋嘅天花板牆壁都已經有好多好多年歷史嘅畫，已經係喺個場度展現咗出嚟，今次佢哋就喺地下度發揮簡直係利害，我都喺意大利當中沾咗唔少嘅藝術色彩！哈哈！

陳凱琳

今次將陳凱琳小姐大變身，因為佢終於拍完套劇啦，套劇嘅角色佢需要做一個黑色嘅頭髮造型，仲要個頭髮係染到特別黑色添，因為佢之前做過啲唔同嘅Colour啦，所以佢為咗套劇佢都冚反深色把頭髮嘅。

咁今次我可以將佢形象大翻身啦，可以將佢頭髮做返淺色做返一個鬼妹仔啦，好開心呀出到來個效果，做咗一啲Green ash， 咁呀我同佢都好興奮呀做到呢個效果出嚟。

最高難度就係冇將頭髮飄過嘅情況下，逐步逐步呵護備至咁小心將佢以前嘅顏色慢慢退返出嚟，因為凡係做過紅色或者深色嘅頭髮都係幾唔容易可以做到呢啲色嘅，咁啊我哋都非常之有耐性逐步逐步終於到度位啦，可以做到呢個效果我都非常之滿意。

#suecheung@haircorner #陳凱琳 — 標籤︰張珮慈。

巴黎鐵塔

巴黎鐵塔，巴黎黃昏，巴黎日落，醉人景致畢生難忙！好高興人生去到睇到好多唔同嘅風景，走過好多唔同嘅地方，欣賞自然生態最美麗嘅一面！

抽象畫

原來同一件事係可以好抽象咁用唔同形式表達出嚟嘅，最緊要就係你有足夠嘅空間足夠嘅彈性足夠嘅思路去創作，大家睇吓原來抽象起上來最後都可以去到同一件事。

專業模特兒

模特兒嘅工作真係一啲都唔容易呀！你睇吓喺一個曬到眼都擘唔大嘅狀況下，我望住個鏡頭都覺得辛苦，而佢依然着住一套咁靚嘅裙，再加上其實沙灘上面係有水份嘅，佢着住呢條裙一路行係有啲重有啲辛苦，但佢依然係可以擺出啲咁自然咁有型嘅甫士簡直係犀利，最開心嘅呢就係呢個model非常之好，由防油防水防乾一路咁嘅環境下，佢個妝依然冇溶保持得好好，佢就係上次介紹金箔妝嗰個模特兒啦！