新版鑽轉

新版鑽轉的優勢真係太多，唔怪得之咁熱買啦，如果大家想擁有一支捲髮神器，又想半握使用技巧，歡迎查詢：6614 1441，全港免運費，鑽轉2代定價為$1980。

慶功食飯

每一次完成工作，最期待莫過於慶功食飯啦，每一次慶功都會review番整個創作、製作過程，每一次我十分感瀲每一位共同努力做好件事的Teammate! 今次最特別就係呢間餐廳係第一次同Suki開Essential Look會時的地方，估唔到慶功都喺呢到食，有始有終，感覺美好～

新婚試妝

冇花冇假，一張係年幾前，客人來Salon 試妝時的相片，另一張係on stage的相片。試妝嘅溝通真係好重要，客人黎相黎做參考，我都會分析面型同服裝配搭風格，亦都要考慮埋新娘當日唔同環節時的裙裝同飾物，而決定適合佢嘅造型。

查詢婚禮造型服務：6614 1441

創作

創作真係要付出時間和心機，做一張相的確一點都不容易，首先要有專業model啦，model情緒、狀態、Body Language啦，都要配合得好好，呢張相髮型同化妝都係我的原創作品：我刻意係model身上加上oil，製造超時空膚質立體感。

我亦都要再次衷心特別鳴謝專業攝影師Patrick Lam，每每抽出寶貴時間同我完成一幕又一幕時裝作品，多謝你！

2016婚禮／婚照化妝髮型造型服務

請各位留意，現已接受2016婚禮／婚照化妝髮型造型服務，項目包括海外或本地婚禮，同時，亦都有周邊的服務提供，團隊包括：婚紗、Wedding planner、攝影師、MC、證婚律師、餐酒等等。

如果想有一條龍又專業的婚禮服務，歡迎聯絡：6614 1441

Wedding Job

幫新娘子做咗呢個敬酒的造型，幫佢做咗個french roll，頭髮洗咗兩次之後，顏色非常非常靚。

上面張相，就係佢送客的造形，佢用咗Cocoon的Wedding gown，Lace好輕柔，所以特別tailor made一個頭飾畀佢，加上髮網同少少details，突出佢髮型同顏色，後面紮咗一條Pony tail，完成整個髮型。

好多謝新娘子的信任，早在一年前已經揀咗我做佢形象設計師，幫佢做髮型同化妝項目。

歡迎查詢婚禮造型服務：6614 1441

做唔到?

在髮型工作事業入面，我從來都唔敢同自己講「做唔到」，因為「做唔到」就係自己決定咗事情的結果，「做唔到」就係因為自己冇足夠的嘗試，「做唔到」其實有更好多的選擇，就係「做多一點」，做多少少，諗多少少，角度多一點，空間多一點，不要太死板，將基本功加上新元素，在適當的時候停手，因為髮型師就忌就係多手、過火，搞壞咗個結構，離開咗個concept，所以有時學習點樣拿捏，都係好緊要。

有時做Salon Work，我成日覺得應該做客人需要做的位置，所以好多時都唔會大副修剪，所以不同客人的髮質、顏色，都好講當刻的決定，先做到一個穩定的髮型，其實溝通都好緊要，有時真係好似同個客一同經歷生活，有時轉公司，轉工種，轉換身份，都會令髮型有唔同要求，開心事有，唔開心的事都有，心情不好，剪個新髮型重新開始，又或成為客人人生中最後一位髮型師……所以我覺得有幾多工作量都好，都係時刻定下心神，做好眼前的工作，才能無愧於心。

Essential Look by MIB

成為施華蔻的MIB之後，真係一幕比一幕更加精彩，早前喺上海接受咗Essential Look的Training後，由香港Director Kelvin Chan演繹德國Director的所講的潮流風格，學完之後，就由我地帶來香港發佈，黎緊11月就會去蘇州發佈。

Essential Look for Baby Boomers

今季施華蔻Essential Look系列真係好特別，主要係幫一班40＋至50＋ 嘅女士、戰後出世的Baby Boomer，佢地差不多退休，消費能力高，亦都有空閒時間去扮靚，所以時裝界早已推出更多適合佢地身型的剪裁。今季呢個Collection放在後生女身上，都會有另一番味道，既有英倫氣息，如果糅合埋亞洲人嘅風格，咁更具時尚美啦～

Hair style for Big Day

‪#‎Bridal‬ ‪#‎Weddingjob‬

每次見到新娘子朝化完妝之後都好精靈，真係幾早起身都係抵。
一個wedding job之前一晚，要好好管理工作時間，不能太夜休息，要精神飽滿為新娘子扮靚，好多時天黑就出門口，完成第一個妝好多時都仲係早上8、9點鐘，其實一日入面要做到幾個轉妝同髮型，打底技術都相當講究㗎！

如果黎緊2016年，身邊有朋友結婚，或者你即將成為新娘子，歡迎預約試妝：6614 1441

等開Show

‪#‎Sharing‬ ‪#‎schwarzkopf‬ （早前工作）

我喺到等緊開Show！大家見到個Mon，個Show已經開始啦，好多謝施華蔻香港團隊，好take care我地髮型師團隊，令到過程非常順利啦，亦令我再一次感受到施華蔻團隊的上下一心。

好感恩今次好順利，雖然係第一次，不過因為可以用母語廣東話，所以我心情放鬆好多，因為之前係國內做潮流風格或產品發佈，都要用我好普通嘅普通話去講，今次感覺好唔同。

當晚喺台上講解，眼球都不停Look黎Look去，因為我見到台下有好多熟悉面孔，我見到好多以前的舊同事、舊老闆，真係好開心，既可以幫施華蔻發佈產品訊息，又可以同老朋友短聚，多謝施華蔻畀我踏上MIB之路。

施華蔻發佈會

‪#‎Sharing‬ ‪#‎schwarzkopf‬

今次施華蔻發佈會同Suki並肩作戰，台上的兩個鐘，台下準備功夫數千分鐘，經歷咗好多，由開會、討論、揀Model、決定呢個Trend用咩顏色色澤，從而貼近而家香港髮型師想捕捉眼球嘅需求，當然又唔可以離別Essential Look呢個大題目。

今次有Suki的技術同顏色，好驚喜，佢用咗Essential Look顏色分區，但佢用咗最強項日本系列色彩，做咗幾個系列，好適合玩啞色同純色系的朋友。

Nicki Ting

‪#‎Sharing‬ ‪#‎schwarzkopf‬

一個成功的發佈會背後，幕後團隊都好重要，其中呢一位威廉王子Nicki Ting，一個電話就即刻到場，幫我負責後台Model Styling 打底，有佢喺到我真係放心好多！Thank you Nicki! Love you~

Schwarzkopf Essential Look

‪#‎SueCheung‬ ‪#‎schwarzkopf‬

一連兩日的施華蔻Essential Look香港站發佈會，因為之前拎咗施華蔻郗大中華美髮大獎GCHA的比賽，前衛風格同網上最具人氣大獎雙料冠軍，所以今年就有機會加入MIB，成為香港第一個施華蔻導師。
8月份上完Training，消化同吸收之後，學以至用，今個月就完成咗一個香港發佈會。

過程好開心啊，因為今季Essential look非常適合Salon用，由Hair cutting到顏色區都非常簡單極緻，一路拎住書本一路剪就覺得好神奇，因為6至8個session就已經可以完成一個髮型，非常適合香港市場。

Suki

‪#‎Sharing‬

呢位女髮型師實在太犀利啦，佢係殿堂級Technician，Suki! 相信行內人士一定聽過呢個大名，佢最勁就係可以將施華蔻呢個德國品牌顏色，做到日本色彩的效果，一種粉tone同啞色系列。

真係佩服到佢不得了，竟然可以將整個施華蔻色版用真頭髮染出黎一次，因為我地髮型師好多時望住色版的纖維頭髮都可能會唔準，但用真頭髮染嘅就會準好多，果然係專業！

鑽轉第二代

#‎zuanzhuan‬

有時做髮型師，剪好一個頭髮、整好一個顏色、電好一個髮，係做好第一層工序，我好鐘意客人可以番到屋企再變化出唔同Styling，而家多咗好多唔同美髮產品，都係一個幾好的科技進步。有時見到客人識得自己整靚頭髮仲開心過自己整靚佢，因為髮型師整靚髮型係基本，但客人能夠自己吹到Styling，成功感就更大啦。

好似而家鑽轉又去到第二代啦，如果大家想知點樣準確運用呢啲產品，都歡迎你同我預約時間過黎問我，大約10至15分鐘時間，你就會好清楚點幫自己整靚髮型出門口啦～

購買及預約：6614 1441

時間有限，舞台無限

Outjob、Salon work、Magazine、廣告、mv、訪問、教學大使、品牌大使、coportate image、小班教學、演唱會、音樂會、首映宣傳、平面廣告、婚禮拍攝……通通都仕係Sue Cheung專業領域，一幕又一幕真係好精彩，過程中好多謝我的團隊，大家上下一心，用咗咁多時間，令我地有咁多美好回憶，接下來我地團隊會繼績努力為大家服務。

時間有限，舞台無限，心機係源源不絕的，態度係緣於溫度，最重要係多謝咁多年客戶支持，畀我好好安排時間，有時不在Salo工作，走咗出去，多謝你地的包容，我先可以試咁多唔同類型的工作！ 

頭紗

頭紗係好重要的環節，香港女仔比較鐘意長頭紗，覺得浪漫啲，又有唔同氣派，但其實頭紗同證婚場地大小好有關係，例如香港擺酒場地，由入門口到證婚檯，距離都唔會好遠，用番及手肘附近的頭紗就好適合啦，相反，教堂行禮，就好適合長頭紗。

頭紗入面lace多少都會影響頭紗長度，所以要固定頭紗都需要一定學問。如果對新娘髮型化妝有興趣，我地都有收專業班的學生，歡迎查詢：6614 1441

鑽轉第二代

有時做髮型師，剪好一個頭髮、整好一個顏色、電好一個髮，係做好第一層工序，我好鐘意客人可以番到屋企再變化出唔同Styling，而家多咗好多唔同美髮產品，都係一個幾好的科技進步。有時見到客人識得自己整靚頭髮仲開心過自己整靚佢，因為髮型師整靚髮型係基本，但客人能夠自己吹到Styling，成功感就更大啦。

好似而家鑽轉又去到第二代啦，如果大家想知點樣準確運用呢啲產品，都歡迎你同我預約時間過黎問我，大約10至15分鐘時間，你就會好清楚點幫自己整靚髮型出門口啦～

購買及預約：6614 1441 

Hair Treatment - Full

‪#‎Hairtreatment‬

新的洗頭水登陸啦!!! 呢套新Line率先到咗Hair Corner預售，呢套洗頭特點就係分咗唔同髮質嘅需要，而家最熱賣嗰一套呢套「Full」，因為一啲都唔「立」，又適合頭髮幼想做到篷鬆嘅效果。

呢條Line除咗洗頭水，仲可以配合相關Styling product，例如你用「Full」系列，咁就可以用同一系列的Styling product，令到髮型又鬆又輕，雙管齊下。Size唔算好大支，如果大家轉季用，都好適合。

呢排天氣潮濕，想做個頭髮鬆，都可以試下「Full」呢個系列，如果你地想查詢邊個產品適合我，都可以打個電話黎查詢：6614 1441

靜修所學

‪#‎Sharing‬

早前去廣州一條寧靜小村莊靜修，一共有8個部份，辟穀係其中一個元素。每日上堂，都會見到呢個牌匾，老師成日都話點樣讓自己轉換能量，讓自己想通，讓自己走得過，我覺得呢12個字，都已經講晒個大道理出黎。

凡事樂觀、凡事看開、凡事多試、凡事行前，成果自然會在前面，包括你對自己的身體、和其他人的關係等。

工作真的好繁忙，好彩又上到呢個辟穀班，畀自己一個靜心，同自己相處的機會。過程入面學識咗Meditation打坐，又刺激到我的創意思維，可能咁耐以黎做嘅都偏向commercial，比賽都只係參加前衛風格，好多時諗到未必放到落客人到，但今次靈修，個腦停咗，但反而多咗靈感，好多獨特斑爛顏色、新款髮型、特別建築物不斷浮現，真係幫助創作不少，我會繼續做打坐呢個活動。

王浩信

‪#‎Hair‬

Hair by ‪#‎SueCheung‬ ＠Hair Corner K11
Artist: 王浩信

請大家多多支持！

四季色彩學

#SueCheung #Hair #Styling 

色彩學--三原色係所有顏色的基礎。講到髮型設計，我地會接觸到「四季色彩學」，其實就係因應季節去分別個人色彩，每個人都可以分別為「春夏型人」或「秋冬型人」，再細分就仲可以分為「春夏秋冬型人」。
平時教班，我都會用日本人做例子，佢地頭髮顏色一般偏啡色、圓型眼珠，男仔多數具陽光感，女仔較熱情，加上眼珠顏色、膚色同膚質等，都會令佢感覺似夏天或春天型人，而相反另一個較明顯的例子就係韓國男女啦，佢地頭髮膚色較分明啦，由妝容到飾物配搭都會係偏向冷酷嘅，所以屬於秋冬型人多。

其實有時你嘅喜好，例如想剪個「日本女仔髮型」或「韓國男仔髮型」，都展現緊你屬於邊個型格。

如果大家都想更加了解形象設計，無論係為工作定係日常生活，都歡迎查詢：6614 1441 

Kids

呢個男仔小朋友好得意，因為佢一坐低就話：「Sue姐姐，我剪頭髮唔喊㗎。」結果佢真係冇喊，所以要同佢影張相留念。

點解呢，其實呢個小朋友由細到大都好乖，但愈黎愈大，小朋友character開始出黎，近呢幾次剪頭髮就開始扭計，但佢地Daddy Mommy非常有耐性，不停教佢，同佢傾計，做得好嘅就讚佢啦，畀佢知道自己做得好做得啱！ 

而女仔小朋友就係我中學同學個女嚟嘅，非常得意可愛，已經電暈咗我公司唔少Staff，可能女仔都係先天貪靚，佢地都會坐得非常定。

如果你都想小朋友有個得意髮型，都可以同我預約：6614 1441 

做學生

又完成一個階後，完成一個management嗁課程，過程真係好有體驗，作為一個在職學生，半工讀真係好需要時間管理，因為放工後要上堂，忙錄完成所有手頭工作，就要寫論文、睇書做功課，對我黎講真係一個幾大嘅breakthrough。過去幾年，放假好多時唔係教學就係用咗去讀書，所以而家間唔中有一個休閒嘅下午，都已經好滿足好開心。不過最開心都唔係自己有冇得放假，而係見到Daddy Mommy 嘅笑容，所以幾辛苦都係抵嘅！

馬雲分享

早前有幸被邀請去參加交流團，意外驚喜係馬雲現場分享會，同一班香港同國內年青人分享咗一個鐘。呢個一個小時，呢一位巨人平均8分鐘就有一個幽默位，幽自己一默，等在場人士都放鬆心情，令到氣氛好好。
諗番佢嘅成功分享，一：你要做你覺得簡單的事，二：你要做你鐘意做嘅事，三：你要有優秀團隊，四：你要同你鐘意嘅人合作。佢話，「成功」－「成」係佢去develop，「功」係佢團隊嘅功勞。
佢亦都話，無憂無慮嘅孩子較難成功，如果你係名牌大學畢業，咁你要去了解一下普通大學嘅人的生活同學習模式。
馬雲亦都分享佢曾經推翻一次公司會議全人通過的一個議題，原因係全人都支持嘅就代表呢個都係一般人嘅諗法，冇突破沒冇創新，不能接受。

佢不斷重申嘅係，做生意或創業，最重要係創新同創意，令我著晒火啊！真係獲益良多！