2016年2月29日 星期一

婚禮小知識‬



【‪#‎婚禮小知識‬】Big Day前一晚會有上頭儀式，第日朝早就要Set頭，咁頭髮最好是甚麼狀態？ 
如果上頭前已經沐浴洗頭，第二朝起身後仍然通爽乾淨，咁就已經OK!；但如果你習慣朝早洗頭，要記住只需落少少護髮素落髮尾就OK! 咁樣造型先可以last足全日。
如果要改善頭髮狀況，都要留意喺Big Day一年前就可以開始逐步改善，定期到Salon做Treatment，如果臨急抱佛腳前一晚先狂落護髮素，咁會令頭髮太“立”，有反效果。
早上的打底時間非常重要，所以要好好同髮型化妝師溝通好到場時間啊！
張貼者： 於 沒有留言:
標籤：

2016年2月25日 星期四

我的背包

我的背包～～作為一個海外婚攝的造型師，周遊各個大大小小城市同小鎮，上上落落無可避免，所以背包最係最好幫手，裝齊化妝品、頭髮造型品、頭飾，同婚攝窩心寶物暖包！其實海外攝影真係好考執行李功夫，喺有限的準許重量入面帶齊三四位準新娘所需的化妝品及裝飾品，極具挑戰性！
如果你有意成為一位專業髮型化妝師，或大日子即將來臨即物色婚禮造型及婚攝服務，歡迎查詢：6614 1441

張貼者： 於 沒有留言:
標籤： ,

2016年2月24日 星期三

享受每一次時裝拍攝


享受每一次時裝拍攝，接觸最靚嘅時裝，與最出色的Styling、攝影團隊合作！金睛火眼睇住個Mon係大家的指定動作，需要touch up 可即時做，直至大家都滿意！ 所以我特別享受Studio工作，因為可以即時睇到作品。

張貼者： 於 沒有留言:
標籤： ,

2016年2月23日 星期二

100分

每一次的創作都一絲不苛，都由髮型師、造型師、攝影師用心經營，先可以令作品滿分💯
每一次創作都可以令自己吸收到最新最潮的品牌資訊，寓工作於學習！
【歡迎查詢Sue Cheung 形象造型服務】 預約或查詢：6614 1441

張貼者： 於 沒有留言:
標籤：

2016年2月15日 星期一

Hair Tips

【Sue Cheung・教室】又一個非常簡單的髮型同大家分享，好適合所有夜晚的飲宴場合，加條One Piece裙就行得！
1. 首先將頭髮分為4個部份，前兩份，後兩份
2. 後面擯成兩束三手辮垂落（你亦都可以擯成魚骨辮）
3. 然後好似盤玫瑰花頭方法咁，盤起一個低髻，用髮夾固定
4. 左右兩邊的頭髮擯成鬆手的貼頭辮，再將佢地撓在低髻上，咁就大功告成啦！
【Sue Cheung團隊服務】
如果想學個人髮型、小班教學、或公司專業髮型班，歡迎Whatsapp 查詢：6614 1441
張貼者： 於 沒有留言:
標籤：

2016年2月14日 星期日

BNI 業務探訪－餐酒貿易

剛去了探訪BNI 會友Bonnio Lee 的餐酒貿易生意，一去到就見到幾個酒窟，全都用指定溫度，儲存住來自不同國家的餐酒！有一件事令我好surprise，就係一去就見到一支同我同年的紅酒！原來Bonnio除咗好擅長幫人宴會活動配酒外，仲好在行於幫你搵到出生年份的紅酒！用嚟送禮留念都非常有意思！
年尾我就試過佢嘅4色酒，每隻色代表唔同人生成功領域，例如財富、愛情、事業等，好飲亦都好有意思。Bonnio亦都成日舉辦餐酒Workshop，同你分享佢對餐酒的知識、熱情同品味，如果你嚟緊有宴會、公司活動、私人派對，或想舉辦試酒會，都歡迎搵Bonnio：6093 3622 可以親身去到酒窟試酒，揀選最適合你口味的餐酒！
張貼者： 於 沒有留言:
標籤：

2016年2月13日 星期六

新剪刀

唔買唔買，最後都係買！好記得第一把較剪係2003年時買，買到今次都已經係2016年，咁多把較剪一直陪咗我咁多年，點解今次要買呢把較剪呢？因為呢把較剪有兩個定風位，可以剪一到啲特別的角度，呢把較剪仲拎過日本嘅「貢獻獎」，因為可以幫髮型師改善手腕握剪舒適度，亦都令資深髮型師可以有特別的角度剪Outline位！
張貼者： 於 沒有留言:
標籤：

2016年2月12日 星期五

DIY 1 To 1 Make Up Class

DIY 1 To 1 Make Up Class—一對一化妝課程賣技術不是賣產品！叫客人帶齊屋企所有化妝品，再因應客人需要而設定課堂目標，例如有咩現有化妝品啱佢地用，用得啱繼續用，或者邊啲可以再發揮得更好；又或者平日對妝容已控制得好好嘅佢地，就再教下佢地對顏色、線條同輪廓的掌握，點樣日妝轉晚妝等，點樣令妝容更出色。
甚至冇乜化妝品及化妝技巧的客人，都可以focus 多啲喺輪廓妝、韓妝等，所以嚟緊新一年想日日化個靚妝畀自己，歡迎查詢以下電話：6614 1441
張貼者： 於 沒有留言:
標籤： ,

2016年2月11日 星期四

一個今天勝過兩個明天

回望過去的工作生涯，令我好自豪的是第一天決定在髮型行業發展，直至今天仍然熱愛，並視為終身事業，路上遇上不同人的支持，客戶、老闆、伙伴、家人都令我不斷堅持下去，所以新年流流都同大家分享下呢張信念圖，尤愛「一個今天勝過兩個明天」－好好把當下的事情做好，完成當天交給自己的使命，例如整好客人的頭髮，努力不懈便能無愧於心！大家共勉之！
張貼者： 於 沒有留言:
標籤：

2016年2月10日 星期三

Magazine Shooting

Magazine Shooting Hair by Sue Cheung @Hair Corner
Chanel今年都多咗中性顏色，所以化妝用咗Cool tone，而髮型上就善用鬼妹的髮質，非常易控制，而顏色就幫model紮咗個實髻，整個基本線條先，再喺髮際搓一搓，製造一點毛毛鬆鬆的凌亂美，簡單又natural！
張貼者： 於 沒有留言:
標籤： ,

2016年2月9日 星期二

王浩信



王浩信 Hair by Sue Cheung@Hair Corner K11
幫Artist整髮型，有時因為拍劇的關係，都要幫佢地做番連貫的髮型，不過有時劇與劇之間，佢地都會想喺髮型上突破一下！所以上次就幫王浩信整咗呢個灰色髮型，加上佢自己靈活運用灰色髮泥，令效果更突出，感覺煥然一新！
因為要營造官仔骨骨的感覺，所以今次訪問個Hair Cut就幫佢做番乾淨整齊，fit晒啦！
張貼者： 於 沒有留言:
標籤：

2016年2月8日 星期一

Fashion shooting

Fashion shooting Hair by Sue Cheung @Hair corner K11
幫一本雜誌影Fashion Shooting，主要服飾係Chanel今季服裝。雜誌總編輯特別想要個Model有時尚又輕盈感覺，共識之下就做咗呢個髮型，構圖簡單，但都要髮型厚薄輕重、質感、弧度同線條，啱啱好唔累贅！
張貼者： 於 沒有留言:
標籤： ,

2016年2月7日 星期日

Sue Cheung化妝課

化妝可以幫人，但識得化妝更可以明艷照人，令人睇上去更年輕， 大家屋企可能有好多化妝品，但未必識得充分善用，所以上一堂DIY Make Up Class就可以令你知道現有化妝包入面工具係咪適合！$800一小時課堂，課堂入面有教授亦都有實習，Sue Cheung 會親自教授！
【Sue Cheung化妝課】 預約或查詢：6614 1441
張貼者： 於 沒有留言:
標籤：

2016年2月6日 星期六

髮夾小知識

【髮夾小知識】
呢到有3隻髮夾（Pins），最底的就係我地常用的中式髮夾(Chinese Pins)；中間的短身的係日本髮夾，可以做到細緻位，你見到尾段翹起的，方便用家直接唔使打開都可以直接插落頭髮；而最高的係美式髮夾（American Pins），定力強，適合粗厚頭髮、面積較大的髮型。
其實呢啲髮夾都唔易搵到，不過有時去開髮品店或日本髮品專門都會買到，大大包仲唔貴添！
張貼者： 於 沒有留言:
標籤：

2016年2月5日 星期五

女神花圈頭

【Sue Cheung・教室】女神花圈頭是如何練成的？
呢一個咁靚嘅女神頭最緊要係長同厚！最好係One Length頭髮。適合外景婚照拍攝，或姊妹伴娘都好啱！
1. 首先將頭髮分兩個Section，將十字Section後置部分先處理
2. 用左邊頭髮從前面開始，沿鬢間擯五手辮，喺中間垂落位置開始摻入右邊頭髮，做一個三手辮埋尾
3. 將前面右邊頭髮擯一條三手辮，然後從右向左跟喺個頭繞一個圈，經過後尾枕時穿過大辮子，再用髮夾固定髮圈，好似有皇冠嘅感覺
*仲可以加上少少碎花或裝飾，咁就會有好濃厚的歐陸效果啦！
張貼者： 於 沒有留言:
標籤：

2016年2月4日 星期四

進修

成日都話髮型師要多去進修，因為學到的都是補品，多多都唔怕補，最重要係有足夠的時間畀自己去歸零，咁就可以拎到更多的靈感！
今次學習對象好厲害！Hair Corner請到日本殿堂級髮型師－伊藤五郎黎為我地做一個史無前例的示範，先到生產力中心進行一個晚間課，第日早到Hair Corner總店進行實習課，學習到日本的元素之餘，仲學到美感、角度、時尚感！
伊藤老師好愛Free Style，匠心獨運，髮型所有元素都係佢親手制作，連Model的衫都係佢設計，日本人的細膩真的好值得學習，就算教學示範亦都加有劇情，令人印象深刻！
張貼者： 於 沒有留言:
標籤： ,

2016年2月3日 星期三

新年髮髻



【Sue Cheung・教室】呢個髮髻好適合新年拜年襯傳統服裝！大家可以學下～
首先將頭髮前後分為兩部份，額前頭髮分兩個Sections，並將佢梳直，後面就紮一個高嘅馬尾。
1. 先拎前面的頭髮，加入馬尾的頭髮做一個貼手辮
2. 先由左邊開始（即係額前頭髮），左放中間，加入右手辮，再加入左邊，然後再加入右邊
3. 每一次都用一個小分區加頭髮，逆時針擯，造出一個鎖鏈包住嘅髮髻。
張貼者： 於 沒有留言:
標籤： ,

2016年2月2日 星期二

Hair Corner 中國小孩髮廊



近來忙於準備Hair Corner 中國小孩髮廊的培訓教材，幫手喺成都做髮型師training，講解現今小孩髮型趨勢，小孩剪髮心得同注意事項。
幫小朋友剪頭髮唔單止要眼準手定，亦都要同家長好好溝通，因為好多時小朋友的頭髮唔係剪一次就會靚，可能要修剪到二三次先會去到理想的髮型；而用的較剪都要短身一點，髮型師的機動性要高一點，因為小朋友耐性較少，鐘意周圍郁，所以要不斷鼓勵佢、讚美佢，咁先會令佢地乖乖合作！‪#‎kidshaircut‬

張貼者： 於 沒有留言:
標籤：

2016年2月1日 星期一

剪幾多寸？

成日都唔知點同髮型師點溝通自己心目中的髮型？唔知要剪幾多？更重要係你把尺同髮型師把尺又係唔係一樣呢？
其實一寸大約等於一個港幣$5，寸半即係一個半$5幣，下次用呢個標準同髮型師溝通，咁就唔怕剪錯啦！
不過都送上一張髮型長度圖，等你都有個標準去量度自己頭髮，記住剪髮時係講「剪走幾多」，唔係「剪剩幾多」呀！
張貼者： 於 沒有留言:
標籤：
訂閱： 意見 (Atom)