陳凱琳唔同嘅髮型

呢個咁靚嘅背影就係陳凱琳啦！一路以嚟幫佢整嘅頭髮記得嘅時候都會攞部電話影一影，唔記得嘅時候呢都真係唔記得咗啦🤣🤣但我都覺得幾開心😄影下後面可以記錄低佢做過嘅所有唔同嘅髮型。希望嚟緊日子可以儲更加多更加多嘅相，同大家分享我Set嘅頭。
Hair@suecheung#hair#hairstyle#hairstylist#hkhairstylist#陳凱琳#grace#gracechan

染髮顏色

喺網上搵到呢張圖片，覺得好靚所以想同大家分享一下。成日都同啲客人講笑咁講，唔好玩啦，唔好再話咩朱古力色啊、咩奶茶色，因為我都唔知你用開邊個牌子同埋鍾意邊個牌子，咁樣搞法會好容易混亂㗎。嗱！呢一個設計大師就聰明啦，終於都想盡情傾情咁演繹，所以呢就直頭放埋個杯茶嘅色係側邊，呀做出嚟嘅對比色，又真係幾正喎👍，又真係值得參考。右手邊嘅圖，咁我可以講第一行嗰種色調呢唔漂亞洲人係做到嘅，第二行染開頭髮已經係染到好淺色嘅，直接上呢隻色係做到嘅，第三個顏色有機會係用到最高度數嘅染發劑唔漂都係做到嘅，咁至於最尾個行就梗係要漂先至做到啦。 頭先講嗰啲要漂同唔漂，係講緊一啲頭髮從來無經過染黑既程序，如果染黑過好多色都做唔到。

#染髮#染髮顏色

WhatsApp appointment:66141441
Hair Corner K11 Creative team Hair Stylist & Make up Artist 星級髮型化妝師/飄眉師Welcome Appointment

⬇立即點擊🤳🏼🤳🏼🤳🏼預約⬇直接對話
https://api.whatsapp.com/send?phone=85266141441

頭髮打撠treatment

為咗堅持比最真實嘅一面客人睇👀，我都係堅持作品圖都冇去做P圖，尤其係salon嘅工作。為咗比大家睇到嘅顏色，希望減低色差，亦都想比大家睇到最真實嘅效果。左邊幅相就係客人真實嘅髮質，咁佢都好耐無嚟過打理把頭髮啦，把頭髮又天生鬈，長咗好多出嚟，非常之鬆散。右邊張相係完成咗之後，大家睇幾咁順滑，我同佢做咗一個treatment，呢個treatment除咗可以馴服咗把頭髮，減低開叉之外呢仲可以令到把頭髮增強光澤啦，入面加咗好多果酸同埋蛋白絲入去，令到個頭髮唔會有過多嘅Chemical，非常之天然。我好多客人做完，都愛上咗，啲頭髮唔單止唔再打撠之外，連吹頭都快咗好多，又唔需要再話淨係得一個選擇做負離子咁死板。所以大家想快啲將把頭髮急救好，就要快啲預約📞treatment 只需要90分鐘就可以完成。
Hair@suecheung#hair#hairstyle#hairstylist#hkhairstylist#頭髮打撠#treatment
WhatsApp appointment:66141441
Hair Corner K11 Creative team Hair Stylist & Make up Artist 星級髮型化妝師/飄眉師Welcome Appointment

⬇立即點擊🤳🏼🤳🏼🤳🏼預約⬇直接對話
https://api.whatsapp.com/send?phone=85266141441

陳凱琳simple elegant

幾時都話simple elegant係永恆㗎啦。你睇幾經典，簡簡單單嘅髮型，就算襯咩衫去咩event都係咁正👍不過最緊要都要個人靚吖嘛。鄭太心情靚靚、頭髮又靚靚、着套靚靚嘅衫出席活動，出到嚟就梗係靚啦😍
#陳凱琳#grace#gracechan

苟芸慧making of

等我又同大家分享一下喺化妝間裏面嘅making of，歡迎大家找下亮點，呢個係咩亮點呢?嘻嘻😆其實呢個係女神嘅背脊。苟芸慧小姐準備出席活動，咁我見我同佢set完嗰頭又咁靚囉，忍唔住攞部iPhone出嚟影返張相📸線條呢就非常之靚👍因為同佢簡簡單單咁去做咗個simple elegant嘅髮型，頭髮非常之馴服，梗係啦佢咁乖、咁勤力，成日嚟salon做treatment，佢真係非常之好，喺護髮個方面呢我真係要激激讚佢👍👍👍因為佢真係好勤力做treatment，所以換得來一把長頭髮之餘呢亦都可以有咁高水準。女神真係果然係女神。各位美女們記住啦，要擁有長頭髮都需要付出㗎，呢把頭髮真係好靚，啲顏色都好靚，因為啲顏色都係我做㗎嘛，哈哈🤣
Hair@suecheung#hair#hairstyle#hairstylist#hkhairstylist#苟芸慧

王浩信廣州活動時嘅造型照

等我又再出多張相啦。呢張就係王浩信喺廣州出席活動時嘅造型照啦。整體來講，我都覺得好好👍因為髮型嘅線條令到整個輪廓都非常之靚，有唔同嘅感覺比到大家。
Hair@suecheung#hair#hairstyle#hairstylist#hkhairstylist#highlight#王浩信#vincentwong#vincent

王浩信「兄弟」造型

等我分享一下視帝早前一早出巡去廣州出席活動嘅髮型啦。我一早就去到TVB幫佢完成咗嗰髮型，咁佢就舒舒服服坐住中港車直上廣州工作。今日嘅服裝造型，都係非常之簡約得來，非常之gentleman😍皮褸、樽嶺衫好多男士都走唔甩㗎啦冬天呢個感覺。咁所以亦都特登喺線條上我都做返馴服好多、順滑好多，再迎合返佢嘅劇「兄弟」造型，點呀?大家鍾唔鍾意呀?
Hair@suecheung#hair#hairstyle#hairstylist#hkhairstylist#highlight#王浩信#vincentwong#vincent#兄弟

highlight

我有個客人攞咗一啲IG嘅相嚟俾我睇👀，話要做一個咁嘅highlight。我話得冇問題，不過我解釋返，呢個係用咗一啲攝影用嘅燈，打出嚟嘅效果。雖然話就話我一早五點半喺TVB到做嘢，咁早起身做得嚟收工都成九點幾十點，不過我都會繼續做到最好嘅，所以我都摷埋盞燈出嚟，影返張相俾客人睇同佢講：「你睇吓，你個頭都做到呢個效果。」客人當然非常之開心咁離開😊咁呢我都準備咗一盞好靚嘅燈去幫客人如果有需要的話可以影多啲相，不過真係唔好意思，太忙連before都唔記得影，真係希望嚟緊日子可以多啲機會同大家影多啲before and after 嘅作品同大家分享。今次客人做咗”muit-colour “，有少少霧色嘅感覺。
Hair@suecheung#hair#hairstyle#hairstylist#hkhairstylist#highlight

Whatsapp appointment:66141441
Hair Corner K11 Creative team Hair Stylist & Make up Artist 星級髮型化妝師/飄眉師Welcome Appionment

⬇立即點擊🤳🏼🤳🏼🤳🏼預約⬇直接對話
https://api.whatsapp.com/send?phone=85266141441

蔡思貝機場特警

蔡思貝小姐為咗新一套嘅劇「機場特警」，將一把留咗好耐嘅長頭髮剪短咗💇，今次呢個event活動需要銜接返有關聖誕節嘅主題。大會就話︰「不如可以揀一啲黑色嘅服裝嚟到做配襯。」大家二話不說，即刻就走咗嗰咁有型嘅look出嚟，非常之靚嘅耳骨、耳環再加我哋啱啱完成咗個project，將頭髮剪短咗之餘仲多咗一條非常之帥氣十足嘅界，大家再睇真啲佢條裙真係好靚，緊貼到聖誕節日嘅氣氛🎉
Hair@suecheung#hair#hairstyle#hairstylist#hkhairstylist#蔡思貝

苟芸慧Tiffany event

苟芸慧出席Tiffany event 非常之靚😍估都估唔到仲要有一陣靚靚嘅女神風吹起。嘩！👀望落去當堂仙氣加分，簡單嘅順直髮，喺髮尾裏面做咗一個最自然嘅圈，方便佢著起大褸撥去後面嘅時候都有返嗰型係到，再配襯返高貴又簡單嘅Tiffany鑽飾📿靚晒，一絕👍
Hair@suecheung#hair#hairstyle#hairstylist#hkhairstylist#苟芸慧

碧咸嘉賓陳凱琳

嘩！呢一次勁呀！真係冇睇錯，今次出席活動嘅嘉賓有陳凱琳同真係冇睇錯係📣碧咸、碧咸、碧咸，重要嘅事情係要講三次😆碧咸真係好有型，雖然當日我唔係現場，但我睇返啲相，我都覺得好有型😍，真係好有男人味。下次陳小姐如果仲有呢啲活動，記住叫埋我去跟場，我真係一啲都唔介意，我真係好想有機會去目睹一下國際巨星嘅風采☺。
#陳凱琳#grace#gracechan#碧咸

Ifc聖誕節啟幕

Ifc聖誕節啟幕邀請咗陳凱琳小姐出席，當日我幫佢完成咗一個好靚嘅低髻，呢張相等我遲啲再同大家分享返。每一次同佢去做造型之前，我哋都會去睇一睇世界各地唔同嘅國際明星又或者去睇一睇👀網站裏面出現嘅一啲外國reference。參考得多，最後呢就再放返落去我哋要做嘅髮型裡面，加強咗個元素，始終亞洲人嘅髮質同外國人都係有唔同。但係最緊要就攞到個美感同埋線條，其實美感有陣時候就係需要髮型師同埋客人一齊去互動，咁當然做得多咗artist嘅工作，其實每一次工作呢，嗰美感度、觸角度都要把握得好好。
#陳凱琳#grace#gracechan#Ifc

非常之可愛嘅曾小朋友

呢位小朋友認真犀利👍佢又唔肯圍住塊剪髮布，跟住媽媽抱住佢有啲掙扎，嗰日心情可能爭啲，有少少扭計，最後竟然要投懷我送抱🤣竟然訓喺我肚腩趴喺我度跟住我幫佢剪頭髮，咁佢就坐定定，佢都可以話係歷史上第一人🤣咁搞法，我要叫佢媽媽幫手攞塊鏡喺前面，我先至睇到，我先至叫做勉強完成剪到😅小朋友真係好可愛😍呢個小朋友真係好嗲好得意，其實呢個小朋友係我中學同學個仔仔，非常之可愛嘅曾小朋友😘。
Hair@suecheung#hair#hairstyle#hairstylist#hkhairstylist#haircorner#haircornerk11

美髮業

喺我哋呢個行業 — 美髮業，當中好多時候，都會出現一啲叫做半途而廢，淨少少就無堅持落去。有陣時，可能喺過程捱唔到落去，可能係情緒智商控制或者人事嘅管理，做到半途中途就好想離開呢個行業，又或者係想結束。但係我想講做咩都好，最緊要就係堅持到底實有野睇😊。喺我哋呢個行業裏面真係需要好高嘅情商eq同埋亦都係好需要識得待人接物，因為除咗要識得同客戶嘅相處，做到好嘅頭髮質素之外，其實一間公司都有好多唔同嘅同事，大家都會有互相工作交流嘅機會，或者工作嘅接觸，其實最緊要就係慢慢去學習點樣同人相處。有陣時候可能喺前面仲係爭少少嘅，我覺得凡事最緊要就係要堅持。所以新入行嘅髮型界朋友仔，記住一定要加油，緊守住自己岡位同緊守住自己個初心♥️，目標就喺前面，最緊要係用心做好每一件事，重複的事細心做，咁就可以一點一滴累積落去，成果就會好快出現啦😊。
#美髮業

Living proof flex hairspray styling product

過去好多牌子嘅hairspray嘅味道都好重同好刺鼻😨而呢一支噴落去喺會比較soft同埋light啲。相對嚟講呢一支hairspray我好多時候會用係長頭髮set頭嘅過程裏面，又或者做男士嘅話，我就會初步定型嘅時候就會採用。最後定型我就會再用另外一個牌子既hairspray令到頭髮可以鞏固得更加好，令到成個整體性個頭髮造型可以更加持久。有需要查詢可以下次嚟剪頭髮嘅時候再問多啲我😉。
#Living proof flex hairspray#styling product

Living Proof leave-in conditioner styling product

Living Proof conditioner呢個好特別嘅。唔需要沖水，有陣時頭髮有少少乾，朝頭早想再吹下佢嘅時候，輕輕搽少少再加埋風筒去加熱，之後再用捲髮器去set，個頭髮嘅彈力都會好返啲嘅。重點：「記住一定係落返去髮尾位置。」如果大家想知道，點樣正確使用styling product，下次嚟搵我整頭髮嘅時候就記住問多兩句啦😉。
#Living Proof leave-in conditioner#styling product

Shiseido造型鹽水

喺造型打底之前，我自己呢就比較鍾意Shiseido呢一支鹽水，係可以做到蓬鬆嘅效果。只要喺頭輕輕加少少就可以做到，令到個髮型冇咁容易drop落嚟，亦都可以固定得比較好一啲。其實我自己用呢就唔係用好多㗎，淨係加少少就已經足夠。有陣時喺剪完頭髮都會教啲客人點去正確使用styling product，正確使用方法同分量，都絕對大有幫助整體嘅效果。如果有唔明，需要查詢就記住可以嚟問下我啦😉。
#Shiseido stage works#造型鹽水#styling product

Furterer呢一條line都係幾好

順便都介紹埋呢一條line，呢條line嘅洗頭水都幾好👍好多時候客人呢需要做到深層清潔呀、防脫髮呀、鞏固返毛囊，減少頭油等等... 用呢一條line都係幾好唔錯，而呢個品牌都已經有好多年嘅歷史，salon都可以買到呢種嘅洗頭水。
深層清潔呀#防脫髮#鞏固毛囊#減少頭油

Furterer產品

等我介紹一下呢支產品先。因為近年，我都發現香港人真係壓力好大又或者成日都需要出差出埠工作，好多時候呢啲情況下就會引起頭皮出現咗頭瘡，好似暗瘡咁，一粒一粒喺個頭皮嘅位置，呢啲情況下我就會鼓勵啲客人試下用👍。
就可以減輕咗頭皮出現頭瘡嘅狀況，早晚搽番喺個頭皮，大大改善。有啲客人未出到頭瘡，個頭皮已經出現咗好多粉紅色嘅症狀，咁用完呢支油之後呢都會大有改善嘅，尤其是有啲人成日好鍾意食重口味野，麻辣火鍋呀，去得國內工作公幹得多呀，太過份重口味呢，其實都會有可能會產生咗頭皮會出現咗過油又或者輕微頭瘡嘅症狀所以大家密切留意啦😉。
#haircorner#haircornerk11#頭瘡#renefurterer

對頭髮嘅專注冇變過

呢張相原來係2016年影。點解我又會搵得返呢？我就搵返我以前一個助手，我同佢whatsapp嘅紀錄，無形中就出現咗呢張相，真係要分享一下。我發現嗰陣時嘅我係比較瘦㗎☺但係其實我係有樣野無變過，就係對頭髮嘅專注，我依然係好專心咁幫王生好Chok咁整緊頭髮，到今日為止依然係冇變過呢樣嘢😍只不過係我肥咗啲😳
Hair@suecheung#hair#hairstyle#hairstylist#hkhairstylist#王浩信#vincentwong#vincent

陳凱琳廣告造型

我真係好鍾意♥️幫人set頭，呢個係幫陳凱琳拍攝廣告嘅其中一個造型。扎咗一個低髻，左右兩邊多咗啲流水，可以修飾面，亦都可以加強啲輕柔嘅女人味。令到成個效果更加之配合，佢今日需要著一套晚裝。
近年都多咗女仔著晚裝又或者喺一啲cocktail dress嘅時候都鍾意用呢一款類型嘅髮型，係非常之受歡迎👍。
Hair@suecheung#hair#hairstyle#hairstylist#hkhairstylist#陳凱琳#grace#gracechan

清水灣五廠

早前去咗清水灣五廠拍攝一個美容廣告，非常之有feel。背景音樂、佈置環境，期待廣告製作出街，同大家分享🙂
#清水灣五廠#

美容廣告

鄭太真係非常之活潑又開朗

鄭太真係非常之活潑又開朗，同佢做嘢簡直係開心😄心曠神怡，成日都幫手一齊影相，又鍾意selfie🤳。

#陳凱琳#grace#gracechan#selfie

before and after

好啦，又再一次表現吓before and after啦😀係啦⋯我終於記得，要喺做緊嘅時候影吓過程相
。呢個就係一個making of嚟嘅，咁客人嚟之前嘅髮質係比較偏黃同埋暗啞，個顏色已經係甩咗好多啦，亦都有好多黑色嘅頭髮生返出嚟，然之後呢我就幫佢大變身，做咗啲multi-color亦都融合咗幾種唔同深淺色嘅啡色突顯到頭髮出嚟嘅紋理，相當之有層次感，做完個highlight 之後再做個treatment 簡直係靚晒😍

Hair@suecheung#hair#hairstyle#hairstylist#hkhairstylist#hkig#haircorner#haircornerk11#treatment#highlight#multi-color

before and after

嘩⋯話呢個係真人真事before and after，因為我成日都唔記得去影📸客人嘅before，我呢排記性好咗少少，終於都記得啦😄所以我就可以幫客影咗before，再影埋個after。大家嚟望一望正唔正呀呢個效果?我感覺呢就係做完個highlight 之後最緊要係加返一個treatment，令到個頭髮呢更加之順滑，出嚟個效果真係好好👍，就算做完Colour嗰髮質都唔會乾，可以好放心咁嚟到做。
Hair@suecheung#hair#hairstyle#hairstylist#hkhairstylist#hkig#haircorner#haircornerk11#treatment#highlight

highlight加treatment

好開心😄，客人嚟做咗highlight加treatment，靚靚出門口。我幫佢喺頭髮裏面加咗四五種唔同嘅啡色，非常之突顯到層次感，效果豐富。簡簡單單做完個highlight再做個treatment，滑滑咁樣反晒光出門口，我非常之鍾意。就嚟到特別嘅時節，聖誕節又將至，大家快啲早啲提早嚟完成你嘅靚靚頭髮啦。為免交通擠塞，為免因人數太過集中係同一個時間嚟到，所以呢我建議大家如果有時間就快啲整左先啦。
Hair@suecheung#hair#hairstyle#hairstylist#hkhairstylist#hkig#haircorner#haircornerk11#treatment#highlight

捲髮器大比拼【星級髮型師Sue Cheung】

Subscribe My Channel - http://goo.gl/cbyFxC

Follow Me!!
Sue Cheung Instagram: https://www.instagram.com/suecheung/
Sue Cheung Facebook: https://www.facebook.com/sueimage/
#星級髮型師 #髮型 #SueCheung
﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏
Video Credit
Production Company: 玖十
YouTube Channel: http://goo.gl/xQFP91
Facebook Page: http://www.fb.com/ninetyltdhk/

https://m.youtube.com/channel/UC19JEaDeUR8ZrXzded2rvBQ…

關於這個網站

YOUTUBE.COM

Sue Cheung

星級髮型師 Sue Cheung 御用髮型師： 陳凱琳、區文詩、王浩信、胡諾言、苟芸慧，李綺雯，蔡思貝，龔嘉欣.... 現為Hair Corner妝容顧問及Creative Team Hair Stylist. 2014 Schwarzkopf 施華寇專業大中華美髪大獎賽GCHA 榮獲兩個冠軍獎項🏆🏆：...