雜誌訪問 woman's mind

好開心得到一本生活雜誌嘅訪問機會，咁我就問佢哋，依其實你地係邊個介紹嚟到做訪問嘅呢？哦...佢哋原來係較早之前睇到蘋果日報青雲路介紹一啲行業嘅訪問啦，睇到我係講一啲有關於我喺髮型史上呢一個行業嘅一啲心路歷程，咁結果呢佢就搵咗我做訪問，我都想再一次多謝同埋感到榮幸可以接受到一啲唔同報章雜誌嘅訪問，咁我都好樂意去分享一下我過去喺呢一個行業裏面嘅心路歷程啦，同埋我都好樂意去分享一啲關於美髮嘅貼士嘅！

#suecheung@haircorner #雜誌訪問 #woman's mind

SD wedding

等我間唔中放下閃先，呢一張相我要特別多謝Pong Pong，佢係一個專業嘅Fashion攝影師，過去都幫一本Fashion magazine去做頭髮化妝嘅項目，過程當中就認識咗呢一位攝影師，多謝佢不辭勞苦放假都返去幫我影一輯咁靚嘅相。

咁我要多謝我嘅姊妹團之一Katy，咁佢就幫我去統籌今次呢件事啦！

咁我想講咩呢？其實我反而係想講，咦！你見到呢張相啲頭髮識郁喎！其實呢啲風係邊度黎，我地有時會叫呢啲做女神風，明明冇仙氣吹完都變靚女，呢個女神風當然就係現場有專業嘅髮型師開個風筒啱個角度，再由攝影師capture先至可以完成啦！

咁我嘅髮型師就係我嘅愛徒Nicki去幫我將呢陣愛神風放落我，我真係好榮幸有咁嘅機會，我睇見呢張相都真係幾滿意，因為起碼平時唔會有呢一個角度，睇到自己有呢一張咁靚嘅相。

咁再一次多謝我個老公啦，始終影結婚相都需要一個專業嘅男伴，咁我老公係呢件事情上都表現得非常之專業同埋我都睇到佢係投入嘅，呢張相都係回味吓嘅啫！

#suecheung #wedding#SDwedding

online marketing

哎呀！我真係頭痛啦！我真係唔係好識去運作個Facebook Marketing，究竟有冇啲網絡高手Online高手可以指教一下，究竟點樣可以做得更加好喺Online marketing上，如果有嘅請留言或者PM一下，請指教。

#suecheung@cheung #onlinemarketing

crazycolour

喺顏色上大家如果覺得成個頭好做Crazy colour會好誇張嘅呢，其實大家都可以選擇局部地區性去完成嘅，咁好多朋友都話想做啲灰色或者做玫瑰金等等嘅顏色， 其實唔係唔好，但係要知道，如果你係曾經試過家用式嘅點染髮劑，或者你曾經有cover過白頭髮嘅朋友呢，如果你要進行漂退色呢個步驟，有機會有好多顏色嘅積聚， 未必係漂一次就好通透到可以上到灰或者玫瑰金呢類型嘅顏色嘅，而你話點解有啲人又可以做到啊？

因為每個人嘅髮質嘅粗幼度，同埋佢過去顏色嘅累積嘅情況都有唔同，所以呢最好都係聽返啲專業髮型師嘅意見，如果長頭髮又曾經長期染髮，又或者係曾經電過髮再進行漂呢個步驟係好容易令到啲頭髮受損嘅，所以係一定要小心去考慮清楚。

#suecheung@haircorner #crazycolour

宮廷款婚紗

喺5，60年代宮廷嘅款式大大咁捲起左一個熱潮，宮廷嘅意思係喺腰間有非常之龐大嘅左右兩邊有支撐嘅裙款，顯露左女性嘅婀娜身材之餘可以令到佢個腰圍零舍之收晒，有一個非常之盛裝嘅效果感覺俾大家，其實走到今時今日呢，只要大家行一個非常之大嘅教堂或者近近地去咗澳門一啲嘅Casino 入面嘅Ballroom，比較富麗堂皇都可以去考慮一啲比較大型款式嘅裙，進行婚禮裏面嘅服裝。

#suecheung@haircorner #宮廷款婚紗

千禧世代婚紗

返到嚟千禧嘅世代裏面，婚紗都會有一啲元素係束，返到轉頭，mermaid 亦都行起咗一個潮流，長袖嘅婚紗亦都捲起左一陣熱潮，除此之外有半身嘅裙款都係用喱士包袱，呢一種潮流就係喺2000年千禧年嘅時候慢慢走進咗。

#suecheung@haircorner #千禧世代婚紗

布拉格Pre-weddingshooting花絮篇5

 咁相入面呢一對咁小小嘅新人呢，將會喺12月拉埋天窗結婚架啦！咁喺結婚之前都需要一輯靚靚嘅結婚相，所以呢我哋就去到布拉格完成呢一輯咁靚嘅結婚相啦。

咁隨行呢今次就特別有個男伴喎，就係我老公李生同埋李老闆，咁呢佢因為上年公司旅行都去過布拉格，咁佢對當地嘅地形都非常之熟悉，咁駕駛技術都非常之超卓，咁所以呢我就邀請左佢嚟喺我工作嘅同時幫我做司機，而其實偷笑就係因為可以同老公忘裏偷閑，有幾日可以稍為快差電出去一個地方抖抖，咁其實佢公務繁忙都唔適合咁樣快閃架啦，咁佢比我強勢嘅威逼利誘之下呢，最後都成為左我呢個Trip嘅司機，再一次多謝我嘅老公大人，同埋我都好開心可以幫到佢公司嘅靚女同事同佢嘅男朋友去影一輯咁靚嘅結婚相。

#suecheung@hairconer #布拉格Pre-weddingshooting花絮篇

布拉格Pre-weddingshooting花絮篇4

嚟到呢個回合其實想分享吓，其實髮型師化妝師有冇野做？其實都有嘢做啊，就係攞個電話出嚟影小小花絮啦！因為始終主機主角都係個攝影師，咁我冇理由影到同攝影師一樣咁多架。

有陣時我都會capture一啲比較特別同埋輕快嘅畫面啦，幫攝影師影返一啲Making of去留念，佢都同我講好多謝我去share啲best stage嘅photo俾佢，咁呢個攝影師我都覺得佢好隨心隨行㗎！佢捕捉光嘅造詣都幾好，因為我見好多時去到歐洲已經環境咁靚，日光咁充裕嘅時候，仲要拎多盞燈去影嘅時候唔係唔好，如果可以盡量採取到自然光，咁我都覺得係一個最好嘅效果，可能我個人嘅風格就係，要現場做到最好都唔打算去做太多嘅後期執相，所以佢哋都會係運用返當地嘅自然光，同埋當地嘅景觀，同埋景觀嘅比例去完成每一張相嘅構圖，咁我同客人都相當之滿意，因為佢真比到好多驚喜我地！

#suecheung@hairconer #布拉格Pre-weddingshooting花絮篇

布拉格Pre-weddingshooting花絮篇3

靚人靚景布拉格的早上晨光一線，其實我都係用iPhone影嘅咋，完全冇執過相，我覺得一個歐洲嘅地方如果可以採用到現場嘅效果，其實成輯相已經可以好自然好柔美。

咁一對新人都好多互動，同個攝影師溝通都溝通得好好，如果大家都想有機會去布拉格影輯靚靚嘅結婚相，可以同我地去聯絡喎，因為我哋都部署希望一年都有機會5或者6月嘅時候去到歐洲嘅地方，譬如英國、巴黎、布拉格、佛羅倫斯、威尼斯等等...去幫新人影靚靚難忘嘅結婚相。

#suecheung@haircorner #布拉格Pre-weddingshooting花絮篇

布拉格Pre-weddingshooting花絮篇2

實在太靚啦個畫面，我真係忍唔住影咗好多Making of，今次外籍女攝影師帶咗佢嘅女助手嚟到去，咁再加埋我呢一位髮型化妝師真係全女班，非常之開心亦都好有默契。

佢個助手都好醒目，好到位，好快就幫佢做咗好多平時要我做嘅嘢，哈哈！譬如執好條裙或者拉頭紗，咁我就可以好好咁係側邊嘆啦，睇下佢哋影靚靚嘅婚紗相，準備一輪又一輪嘅轉造型！因為呢我哋去到唔同嘅景點，我都會為新人睇返佢嘅婚紗啦，同埋唔同嘅場景我都係為佢哋紮返唔同嘅髮型嘅。

咁至於化妝嗰方面就梗係要持久啦，但都唔建議太厚嘅妝，因為防曬反而比較緊要，因為喺呢個歐洲嘅太陽真係比較熱情啲，曬黑咗都唔覺。但係真係放上面部嘅防曬我就唔願意放得太多啦，因為都驚厚嘅。咁至於身膊頭嘅位置呢，我有時間都會為新娘子搽返啲防曬嘅，慎防佢個皮膚會曬得太乾。⋯⋯

咁當然之前嗰日都會播放一啲愛心嘅溫馨提示訊息啦，提醒佢 Final 一定要去做返啲mask啦，酒店房間側邊要擺放杯水啦，早啲休息啦！盡量將準備影相嘅物資都pack好，令到第二日出門口嘅速度都比較迅速等等。

#suecheung@haircorner #布拉格Pre-weddingshooting花絮篇

苟姑娘

苟姑娘大美人，笑容非常之甜美，簡直係心地善良，地球上嘅美女。

啱啱完成咗過去林敏聰演唱會嘅嘉賓，喺呢個演唱會裏邊呢都粒粒巨星，咁苟姑娘一出場拖住林敏聰繞場一周，令到全場嘅觀眾來一場又一場嘅歡呼聲，非常之難忘！

Hair: suecheung@haircorner #苟姑娘

電鬆髮根

好開心好興奮呀，因為自從我上次自己出trip去韓國買咗啲電髮夾返嚟之後，就陸陸續續開始幫客人去電鬆髮根及提升髮根，呢個係韓式電髮，完全係冇咗粟紋嘅後遺症，因為粟米紋一路電完一路會跌落跌落嚟嚟，跟住之後啲粟米紋就會令到啲頭髮容易打click啦，冇時間返嚟洗走呢一part粟米紋嘅客人呢，咁頭髮就會有一啲唔夠通透又冇咁容易梳亦都容易click嘅後果。

咁呢而家絕對改善咗呀，因為用呢一個提升髮根嘅電髮夾，非常之方便好好用，那呢個頭就係我之前嗰晚洗完啦，然之後吹乾然之後第日接直返工， 乜都冇搽冇落過鹽水冇落過hairspray冇用過風筒再朝頭早吹嘅效果，第日直接返工，我覺得好開心，所以真係要影返張相同大家分享一下，電鬆髮根真係好方便。

#suecheung@haircorner #電鬆髮根

multi-colour

我都好鍾意一啲唔同色彩嘅顏色放落啲頭髮度，長頭髮嘅女士如果都已經唔會打算電髮，又想去頭髮裏面增添啲色彩呢，我都幾建議大家做一啲multi-colour喺個底裏便，可以突出啲長頭髮啦，有陣時set頭有返啲線條顏色會更加之突出。

#suecheung@haircorner #multi-colour

髮尾嘅顏色

我認為喺髮尾嘅位置去增添一啲色彩我係非常之同意嘅，因為髮尾嘅位置放咗喺鎖骨位或者鰓骨位或者胭脂位，即係面部嘅狀況邊間有啲跳脫嘅顏色或者新嘅顏色或者layer嘅顏色都係非常之贊成嘅， 因為可以令到成個髮型提升左唔同嘅感覺啦，亦都可以飽和度膚色度亦都可以比到新鮮感客人，咁唔鍾意可以輕輕修吓修吓剪吓剪吓，又可以轉左另外一組髮型囉。

如果要成個頭去Carry一啲Crazy colour 呢唔係唔得，但我相信我好多客人嘅行業反而係唔得，咁如果想成個頭做到一啲好豐富嘅Crazy colour或者比較 sharp嘅colour呢，冇問題，但係第一個條件就必須要有一個穩定健康嘅髮質先至可以進行嘅！

#suecheung@haircorner #髮尾嘅顏色

靚靚Model

靚靚Model，好鍾意幫靚靚Model去set 頭，其實我都覺得我應該要長高一點，因為有陣時要幫佢哋輕輕執一執個頭我都要稍為拮高一點架哈哈！

最鍾意就係有時出去做嘢嘅時候會遇到唔同嘅靚人靚景靚品牌去合作！

Hair: suecheung@haircorner #靚靚Model

韓式電髮夾

冇錯我所有嘅工具都係私貨野黎架，我已經準備咗韓式嘅電髮，咁呢個電髮既優勢係咩呢？呢個係令到發根位置有空氣咁可以泵泵，有提升發根嘅功效，如果身邊嘅朋友你嘅髮根好扁，你想提升你嘅髮根，歡迎嚟到電髮，好快只需要個半鐘快靚正，包你就已經可以完成架啦，佢亦都冇咗第一代粟米蚊嘅後遺症，因為呢個夾唔係一個粟米夾，因為呢一個弧度係一個C型，亦都可以提升到發髮根減低咗電髮根嘅後遺症，令到髮根一來可以鬆二來時間短暫就可以電到，而持久度就要睇每一個人嘅生長速度而定。

#suecheung@haircorner #韓式電髮夾

布拉格Pre-weddingshooting花絮篇:布拉格之教堂

找亮點！找亮點！當一對新人好嚴肅好壯麗咁喺度影緊結婚相嘅時候，我都靜靜坐喺最後排感受吓氣氛，我親愛嘅攝影師佢係同一時間咩住兩部相機，好似槍把一樣，佢係非常之專業同埋好有速度咁去完成咗客人影Pre-wedding嘅婚紗照之旅，因為佢嘅專業啦佢嘅速度啦令到客人都好滿意，咁去到歐洲國家就梗係要影下教堂先至得㗎啦！

因為教堂都樹立咗好多宗教嘅文化啦，背後亦都好有意義，教堂嘅裝修，教堂嘅建築每一個Area 都好有佢嘅特色同埋意義，咁喺布拉格之旅我地將教堂放咗喺尾站。

#suecheung@haircorner #布拉格之教堂

布拉格Pre-weddingshooting花絮篇1

布拉格Pre Wedding shooting工作篇花絮分享，好開心完成左2017年布拉格工作之旅，同親愛嘅客人喺布拉格呢個咁浪漫嘅城市度影一輯浪漫嘅結婚相， 今次用咗我自己影結婚相嘅攝影師，係一個外籍嘅女攝影師，佢非常之拿手採用天然光，所以去到當地簡直又輕鬆愉快，只係用咗五個鐘頭左右就完成咗一輯好豐富好豐富既精彩嘅結婚相啦！

#suecheung@haircorner #布拉格影結婚相

唔夠高

我都知道我唔夠高，我都知道我成日要'拮'高，但係我真係已經係Mami生到我最高，出去同model 做嘢我真係要著得靈活一啲，唔排除有陣時要擔櫈仔先至可以幫到我到去Touch up返佢哋嘅造型，實在係我都明白我只有咁高，哈哈！

#suecheung@haircorner #唔夠高

婚妙文化

過去大家都可以睇到唔同嘅婚紗款式，見證着婚禮文化裏面嘅潮流趨勢， 一個燈籠袖、束手同埋企領樽領嘅婚紗裙款就係過去大約100年前左右喺西方國家帶出嘅婚紗文化。

#suecheung@haircorner #婚妙文化

10幾年的婚禮經驗

做咗婚禮行業都有好一段時間啦，由我10幾歲跟師傅出去跟婚禮到到我自己出嚟做婚禮都有10幾年經驗，咁喺呢10幾年裏面呢都見證咗唔少一對對嘅新人，非常之幸福美滿，甚至乎有啲已經抱埋兩個小朋友嚟。

咁呢位客人呢就係我之前所講好幸福咁嫁咗俾一個外籍嘅男士啦，咁喺個婚禮裏面呢都非常之開心簡單，我見到佢奶奶呢見到佢着住呢套裙褂都非常之Exciting 覺得好興奮，因為可能佢哋始終都唔係相當之熟悉我哋中式文化，咁我喺過去嘅婚禮歷史當中有中日結婚啦，有中國香港同埋巴西啦，同埋有香港嫁到去歐洲國家啦，亦都有香港嫁到去法國啦，有唔同國籍既一對新人去進行結婚儀式，我非常之開心，都見證咗佢哋當中唔少嘅習俗同埋文化。

#suecheung@haircorner #10幾年的婚禮經驗

完美簡約嘅婚禮

其實冇話唔得嘅 Merry Christmas，呢個客人呢就係鬼妹仔性格，嫁俾一個鬼佬仲要係喺聖誕節嗰一日，咁我嗰日係帶住過聖誕節手帶諗住應下節架咋，點不知就放埋落個頭度，有聖誕老人陪佢出嫁啦，其實冇話唔得架。

呢一個客人只有兩套衫出嫁，第一套就係中式裙褂斟茶出門，第二套呢佢就選擇左白色One Piece嘅長裙，非常之簡單，咁進行左註冊就完成咗完美簡約嘅婚禮啦！

#suecheung@haircorner #完美簡約嘅婚禮

chanel新產品

每一季都有好多唔同嘅新產品去嘗試，每一季都有好多唔同嘅新色系嘅組合，每一季都可以有好多驚喜，如果大家想嘗試用啱你嘅化妝品嘅，不妨去預約個人或者小組嘅化妝班，帶你哋嘅化妝包包嚟，等我哋可以教你點去幫自己化個靚裝，重點係會視乎每個人嘅進度，如果有興趣去學化妝，而唔好浪費化妝品嘅，就預約以下嘅電話出去上化妝班啦！

#suecheung@haircorner #chanel新產品 #66141441

冷淡淡嘅色系

近來我就係熱愛冷淡淡嘅色系，入面蘊含咗灰色同埋柔和嘅啡色系列，咁大家都想更換髮色嘅話呢就抽時間預約嚟坐吓啦，好快你就會有煥然一新嘅形象啦！

#suecheung@haircorner #冷淡淡嘅色系

立體效果

染完頭髮紮頭髮係嘅福利就係可以有更多嘅立體效果啦，無論你入面貫穿嘅係咩顏色都好，只要你有兩至三個唔同嘅colour混合咗喺你把頭髮度，你扎出嚟嘅頭髮都會相當之突出。

#suecheung@haircorner #立體效果

灰啡色

呢個客人實在太耐無打理過把頭髮啦，因為佢個頭髮已經退到金黃色殘餘嘅色素偏黃，所以我就佢特意幫去選擇咗灰啡色嘅效果。

拿！唔敢講每個人都能夠做到， 必須要睇髮質嘅粗幼度同埋藏殘餘顏色嘅色素系列先至可以做到，因為呢個客人係唔需要漂染亦都可以達到咗灰啡地色嘅效果十分之開心，不過如果大家想做灰啡色嘅話，個頭髮非常之深色都可以稍為輕輕退走啲顏色，都可以做到嘅，咁如果大家想做一啲新嘅顏色呢，歡迎打以下電話去預約，比自己有個新嘅感覺！

Sue Cheung: 6614 1441

#suecheung@haircorner #灰啡色

Undercut

 

大大家有冇諗過去做一個under cut呢？under cut其實都唔係新嘢黎架啦，好多時候頭女仔頭髮過長過厚想有啲中性效果感覺，又想紮條辮，有啲特色，不防可以考慮去一下under cut，我過去都幫唔少嘅女仔，都好勇於嘗試啊呢班女仔，因為佢哋係比較中性同爽朗形，去嘗試under cut嘅效果。

當然啦其實做後面剷青嘅效果都好嘅，因為流長嘅階段都唔會太養眼同撐咗出嚟，始終可以將頭髮冚返落嚟，咁盡快做到連接嘅效果。

#suecheung@haircorner #undercut

漸變效果

染一個頭髮要做到漸變嘅效果，髮型師嘅分區都非常之講究同埋有要求，因為我哋攞出來每一片嘅分區都一定要做到層疊嘅效果，比頭髮有一個movement ，因為頭髮係唔會永遠喺同一個狀態，就必須要做到好自然跟返入修剪嘅頭髮層次結構去做挑染嘅，咁大家呢如果你想有新嘅髮色想去做，亦都可以帶你心目中嘅效果圖俾我睇吓，我再話俾你知俾啲專業意見你，睇吓你能能夠做得到！

#suecheung@haircorner  #漸變效果

丸子頭

我都真係好熱愛鐘情頭髮嘅顏色好多紋理嘅分布，如果大家想紮丸子頭嘅話呢，我都好建議大家做唔同顏色嘅漂染，當然啦未必可以做到以上圖片咁誇張嘅朋友，因為好多時要返工嘅原因，但係如果做唔同嘅 multicolour顏色組合都可以達到丸子頭更加多紋理，譬如話你可以啡色系列或者啡綠色系列，什至乎可以紫色系列，你都可以做到更加多唔同嘅配搭！

#suecheung@haircorner #丸子頭

陳凱琳

大美人陳凱琳啱啱完成左一個Event，咁好多謝佢send咗返俾我，咁今次我嘅責任就係幫佢做髮型師。

幫佢做咗一個鬢邊嘅效果，咁呢個鬢邊我做咗好立體同埋做咗一啲紋理出嚟係配合返， 我見佢帶來嘅服飾係一啲比較直身嘅紋，咁that's why我就想做一啲唔同嘅效果就係可以match到個pattern，今次係去參與一個由汽車嘅設計師去design 嘅樓宇活動，非常之講求效果同埋線條，所以我特別同佢做咗呢個髮型啦！

#suecheung@haircorner #陳凱琳

新產品

咁開心係因為咩呢？係因為我用左一啲新嘅產品去幫客人去做一個挑染。

用咗呢一種棉質嘅隔棉去幫客人做挑染好快就可以退到色上到色，而且唔會因為過度加熱而令到頭髮去到受損嘅效果，非常之方便，亦都方便咗我哋好快可以預測到客人嘅頭髮退淺進度，非常非常之舒服，頭髮唔會有好重嘅負擔，好快捷就可以做到退淺染髮嘅後果啦！

咁如果大家都想新嘅髮式呢， 就歡迎預約以下呢個電話去搵Sue Cheung，去為大家做一個新嘅造型啦。⋯⋯

Sue Cheung：66141441

#suecheung@haircorner #新產品

 

潮濕天氣

左手邊就係客人充滿住好多好多髮絲嘅頭髮，而且佢仲話要染番深啲，我就話如果你純粹淨係將頭髮染番深啲其實個效果唔會好突出個喎，因為當你頭髮染返深啲你冇去修正啲髮絲個頭出來俾人個感覺都會好混亂。

而潮濕嘅天氣就係香港做髮型師嘅大大敵人同對手，咁我就建議客人先將個頭髮用最快捷嘅方法好 natural嘅straighting，令到個頭髮有柔潤而簡單嘅拉直效果，咁個頭髮就唔會做到好扁亦都唔會有非常之死直嘅效果，非常之自然，咁客人都非常之滿意，咁如果大家都發現潮濕出現好多髮絲嘅情況，就麻煩快啲過嚟搵Sue Cheung急救啦！

#suecheung@haircorner #潮濕天氣

Fendi

好開心又再一次同雜誌去合作，今次我哋影嘅牌子係Fendi，除此之外我哋即將會影一啲關於Pre-wedding嘅shooting ，今日有啲作品同大家分享，咁你記住好好去瀏覽Sue Cheung 嘅Facebook ，如果有興趣都可以將Sue Cheung 嘅Facebook share比身邊更加多嘅朋友，吸取更加多扮靚嘅資訊！

#suecheung@haircorner #Fendi

有意思, 很好的對話

chanel

話說親愛嘅編輯朋友佢呢同我揀咗一個飾物，但係呢我發現原來擺擺下又可以擺喺個頭喎，咁結果我哋就做咗呢個造型啦！

咁都好享受啦，可以先睹為快咗Chanel 嘅fashion、時裝、配飾，每一次可以咁有先睹為快嘅感覺簡直係我嘅享受，咁有陣時我都會喺工作之間出咗去做一啲嘅廣告雜誌，咁都好多謝客戶一路都非常之配合啦， WhatsApp去預約我喺salon嘅工作時間，咁令到我有空間去做我鍾意做嘅項目，咁如果大家有興趣都可以打以下呢個電話預約嘅，66141441

#suecheung@haircorner #chanel

all back

有時候都想俾啲新鮮感自己，做下啲中性嘅造型all back，橫掂頭髮近排都染深咗，係一個墨綠色，咁亦都想造型上有啲唔同，恨咗好耐可以用男仔嘅gel嚟到gel頭，做一個我all back嘅感覺，嘩真係好方便，返屋企洗頭嘅時候都真係好快就洗完，亦都有啲cool cool中性嘅感覺都幾特別，因為其實gel頭都唔一定男仔嘅福利嚟嘅，女仔有陣時都可以試吓，尤其是轉左唔同長度或者剪短咗個劉海都可以有唔同嘅新感覺呀嘛！
#suecheung@haircorner #allb有時候都想俾啲新鮮感自己，做下啲中性嘅造型all back，橫掂頭髮近排都染深咗，係一個墨綠色，咁亦都想造型上有啲唔同，恨咗好耐可以用男仔嘅gel嚟到gel頭，做一個我all back嘅感覺，嘩真係好方便，返屋企洗頭嘅時候都真係好快就洗完，亦都有啲cool cool中性嘅感覺都幾特別，因為其實gel頭都唔一定男仔嘅福利嚟嘅，女仔有陣時都可以試吓，尤其是轉左唔同長度或者剪短咗個劉海都可以有唔同嘅新感覺呀嘛！

#suecheung@haircorner #allback

   

丸子頭

因為近年來嘅時裝都多咗好多運動裝好Sporty, 簡單輕便嘅服裝，自自然然髮型都比較隨和啲，個性啲，同埋比較活潑啲，至於呢個丸子頭呢，嘩簡直係大熱好多人鍾意，而你又想唔想知道點扎呢？

想嘅呢不妨去搵Sue Cheung 去請教一下，去搵佢整頭髮嘅順便可以等佢教你點樣扎呢一個丸子頭啦！

#suecheung@haircorner #丸子頭

轉髮色

有冇諗過又係時候轉下髮色或者轉下化妝品嘅顏色呢？稍為少少化妝品嘅顏色改變左或者頭髮嘅顏色改變呢都會俾人煥然一新嘅感覺。

當然呢一個黃色唔係係人都Carry到啦！呢一個黃色真係好sharp，但係尤其是放喺外國鬼妹嘅皮膚膚色裏面呢，真係有一種好Flash嘅感覺，但係我哋都有試過放喺亞洲模特兒嘅身上，有一樣野係好重要嘅就係我哋未必會全頭做，可能會放一啲短頭髮嘅Model啦或者一啲髮尾嘅位置或者分區去做，就甚少會全頭做，呢一個都係比視覺上刺激大家，提醒大家係時候又要轉髮色啦喎！

#suecheung@haircorner #轉髮色

magazine shooting

冇錯啦做髮型師真係要一絲不苟尤其是攝影，雖然攝影而家有一個好勁嘅科技Photoshop，但係如果作為現場喺髮型師身上嘅角度，作為一個專業嘅髮型師應該比自己力求做到最好一絲不苟，減輕後期嘅workload, 比攝影師都可以好快好爽咁做好一輯嘅作品。

喺咁多年嘅工作裏面，magazine shooting 都係一個幾開心嘅體驗嚟嘅，每一次都好似去課外活動咁，可以遇到唔同類型國籍嘅Model, 着唔同大品牌嘅時裝，好快咁可以享受到各個時裝周最新一轉嘅產品作品，可以先睹為快，仲可以幫Model去做髮型，呢個都係我一大享受嚟嘅！

#suecheung@haircorner #magazineshooting

布拉格結婚相

六月份已經出發去布拉格為新人去影結婚相，做髮型化妝嘅項目，布拉格呢個地方以前嘅我從來都冇踏足過，但係一踏足之後就不停咁去，因為近年來布拉格呢亦都係婚禮攝影嘅其中一個大熱點，自從周杰倫同佢太太喺布拉格影完結婚相之後都多咗客戶去要求，而自己亦都好好彩，喺結婚之前老公嘅公司旅行亦安排咗去布拉格呢個地方，令到我都有機會自己喺布拉格呢達地方留低咗美好回億嘅一輯結婚相。

地方雖小交通方便好容易掌握，我自己嘅經驗呀，其實影結婚相未必真係要8至10個鐘先知影完架，因為我隨行嘅布拉格團呢只需要大約4，5個鐘就可以做晒所有造型，兼且喺布拉格裏邊我已經熟習晒所有地理環境知道晒啲路線，只需要4，5個鐘頭時間已經可以行均晒必須要影嘅點知外，個老公仲可以喺蜜月期裏邊完成個攝影呀嘛，有陣時男仔真係未必有咁好耐性架！

#suecheung@haircorner #布拉格結婚相

轉季轉髮型

其實轉季都係一個轉髮型嘅一個氣氛同埋季節，除咗大家會轉一轉服裝嘅衣櫃整理一下之外，其實轉髮型都未嘗係一件唔好事喎。

因為由冬天帶到呢夏天嘅髮質有機會會係乾或者受損，如果趁住呢個階段呢比髮型師去修剪一下，做一啲修護唔同嘅顏色，出到嚟你都有一啲煥然一新嘅感覺，比到身邊嘅人有啲新鮮感之餘呢，自己見到自己嘅新面孔都可能會零舍充沛活力就好似新嘅開始一樣！

#suecheung @haircorner #轉季轉髮型

漸變色

近年來呢都好火熱呀！呢個漸變色真係好火熱打得好火熱啊！漸變色好多唔同嘅combination, 佢可以配合到唔同嘅效果。

咁至於呢我自己大前提要睇返客人唔同嘅性格啦同埋佢嘅工作性質啦，因為漸變呢你做得靚就靚喎，如果唔係你一做到稍為唔連接呀，或者頭髮稍為偏黃退咗色嘅效果，就真係好似人哋呢好耐冇染頭髮兩節色嘅效果，如果真係想擁有一把好靚嘅漸變效果呢，咁都可以抽一抽時間呢到搵Sue Cheung去進行染頭髮，去考慮一下比自己嘅髮色有所不同，因為做咗漸變色之後個頭髮嘅光澤度都會有唔同， 至於紮頭髮之後個頭髮都會層次分明！

#suecheung@haircorner #漸變色

化妝流程

我都知道呢香港地好多人都好趕時間出門口，簡直分秒必爭，仲有好多都喺小巴巴士度化妝化到出神入化好快手嘅靚女，我想講如果你願意係屋企早少少起身呢，咁你都可以化得個妝比較定一啲嘅，咁至於好多時候呢搵化妝品嘅時候重耐過化妝喎，所以有一個好企理嘅化妝area，或者你嘅化妝包包係好有流程咁樣執好呢，都會幫到你化妝嘅時間縮減同埋得心應手，你要嘅化妝工具好快就到手，就唔使浪費太多時間去搵你要嘅化妝品啦，咁就比大家參考一下啦！

#suecheung #化妝流程

畫眉有多重要

https://read01.com/P5m3yN.html

灰色

呢個頭以亞洲人嘅髮質去上色最少應該要漂兩至三次，先至可以又我哋亞洲人嘅黑色色素退到咁淺嘅，咁如果成日好羨慕啲外國人點解啲頭髮可以零舍淺同埋特別嘅顏色呢？

因為首先第一佢哋本身嘅膚色，同埋第二佢哋本身嘅髮質都係偏幼，第三就係佢哋嘅頭髮本身偏幼同埋偏淺色，導至佢哋漂嘅次數都可以比我哋亞洲人少就可以達到呢啲咁嘅效果啦！

其實我身邊有好多客人都好鍾意做灰色架喎，灰色會隨着唔同嘅時間階段退色嘅，至於鍾意灰色嘅客人有時間來坐一坐你都可以達到，就要睇下你嘅髮質合唔合格先！

#suecheung@haircorner #灰色

粉色

我都好鍾意一把頭髮可以轉咗顏色之後比到人一啲好新鮮嘅感覺同埋形象！

粉色其實唔係話好難染，但係粉色絕對未必係可以好持久咁逗留喺把頭髮度，所以好多時我會幫客人做得比較深少少，等佢返去可以多小小洗頭嘅次數先至達到粉色嘅效果，變咗嗰啲粉色效果能夠留喺頭髮的時間保持得比較耐，咁如果你即刻就做到個頭髮咁粉色嘅話呢，可能洗頭髮只係三至六次以內，已經個頭髮退到好似啱啱漂完未上色嘅狀態，所以鍾意做粉色嘅朋友又唔好失望，因為如果你能夠有足夠嘅時間返去salon嗰度補色嘅話呢，你嘅粉色係可以好靚嘅！

我嘅經驗有好多客人係做咗一啲紫藍色或者藍色，甩出黎嘅顏色係相當之靚，嗰個粉色係保持得好耐，有幾個月嘅時間咁長，做起一路甩色嘅時間一路都keep住靚，有唔同階段嘅靚，大家都可以試吓架喎！

#suecheung@haircorner #粉色

轉髮色

又係時候轉季啦！大家有冇諗過轉季嘅時候想用咩髮色去示人呢？唔想改變長度？其實改變髮色都係一個好好嘅提議黎架！不過呢最緊要就係要知道你依家原先有嘅基礎色先可以知道你髮質可唔可以適合新嘅顏色，如果個髮質已經係受損性或者過度進行去電染嘅話呢，就未必建議再做得咁淺色啦，因為會令到個髮質邊乾嘅！

至於一啲粉色同淺色系列呢，就係以上俾大家參考一下啦！

#suecheung@haircorner #轉髮色

男仔鬢邊仔

鬢邊仔唔一定係女仔嘅專利，其實男士髮型都可以有好多改變嘅空間，男仔有時腌尖起上嚟兩個禮拜就話要修一次頭髮，其實男士嘅整潔度已經大大提升，比起以前嘅要求度都有唔同，因為而定嘅男仔真係特別資整，話晒要着套靚仔嘅西裝，或者有時返工見客，Casual wear, sporty佢哋都會着到好乾淨，所以頭髮真係要好好咁整理一吓做出個人嘅形象！因為稍為長啲都會比人哋論盡同埋唔夠乾淨嘅感覺嘅！

#suecheung@haircorner #男仔鬢邊仔

紮頭髮

紮頭髮呢其實係好多方法，只要用一啲簡單嘅基礎手法重複去做，都可以達到頭髮好多嘅紋理立體感，咁以下呢只需要幾個step 就可以完成咗一個髮型架啦，大家可以返屋企嘅時候嘗試一吓，因為如果自己紮頭髮呢，普遍來講都唔建議大家用太多髮夾嘅，因為髮夾自己使用上都唔容易固定得好，亦都好容易彈咗好多個夾出嚟，所以今次我今次特登比大家睇一睇點樣可以簡單用幾條橡筋，少量嘅髮夾就可以固定到一個造型，非常之適合。不過如果你個頭髮呢係太黑或者太深色呢，紮出嚟嘅紋理可能會冇咁分明架喎！

#suecheung@haircorner #紮頭髮

髮質

頭髮嘅顏色呢依附左喺髮質上， 佢會出現唔同嘅效果，譬喻話順滑嘅頭髮你會清楚見到線條係非常之柔順一條條向下直嘅，但係如果想頭髮增添豐盈立體感呢，大家可以嘗試當你做完high light或者multi color，multi color即係綜合左幾種唔同顏色嘅染髮方法，你可以嘗試將個頭髮稍為做一啲一次性嘅造型，譬如用電熱棒去捲佢或者做一啲輕微嘅燙髮，都可以令頭髮更加之豐盈同埋立體嘅！

#suecheung@haircorner #髮質

灰色

太多人問我其實染灰色好唔好，其實染灰色唔係唔好，只不過灰色實在太快太容易甩色，亦都需要飄一至兩次先至上到灰色，所以呢我就諗到一個方法其實都可以試吓用假髮㗎喎，咁所以呢我就親自示範一次俾大家睇吓，咁灰色呢其實可以試吓用假髮。

因為呢好多時做show嘅時候訂落咗好多唔同類型嘅假髮，咁我都集齊左好多唔同嘅款，如果大家有興趣可以資訊一下，你有冇一啲髮片係適合使用嘅，咁變咗就比夠彈性啦，髮片嘅好處就係可以放喺唔同嘅位置，配合返唔同嘅衣着打扮，咁出街嘅時候就有新鮮感啦！

https://youtu.be/KLChL9dxolY

#suecheung@haircorner #髮片