頭髮天生毛燥

髮質改善工程，係呢一兩個月都密鑼緊鼓🥁🥁話說都係香港錄得最潮濕天氣嘅月份。呢一兩個月非常之潮濕，嗰啲少少捲捲地、暗捲、好難吹頭、吹極唔乾、頭髮好大把、面層好多蓬鬆感、好多毛毛絲，令到頭髮好難打理嘅朋友，歡迎嚟到進行你嘅頭髮治療，做完後令到你個頭髮順得嚟易梳，吹頭時間最少起碼快咗兩倍，自己易打理，梳到吹到👏👍

朝頭早想用夾夾個頭都快好多，由平時夾頭髮嘅時間大約十幾分鐘縮到五分鐘唔洗👏👍就可以自己set返個微捲喺髮腳，簡直係supergood👏👍大家遇到頭髮毛躁嘅煩惱就快啲解決咗佢啦。如果唔係你點整個頭靚靚嘅顏色，人哋最後都會覺得係無梳頭😫因為頭髮天生毛躁感真係好討厭好難搞。

呢個過程係加熱夾，夾走咗啲毛燥感，但係沖完水，洗完頭出嚟把頭髮就會冇咁硬直㗎啦，非常之軟熟。髮質嘅改善，真係好順滑，一把梳，梳到尾都唔會打撠👍☺

Hair@suecheung#hair#hairstyle#hairstylist#hkhairstylist#頭髮天生毛燥#髮質改善

Whatsapp appointment:66141441

Hair Corner K11 Creative team Hair Stylist & Make up Artist 星級髮型化妝師/飄眉師Welcome Appionment 

⬇立即點擊🤳🏼🤳🏼🤳🏼預約⬇直接對話

https://api.whatsapp.com/send?phone=85266141441

巴塞隆拿-Art Hotel

話說跟老公嘅巴塞隆拿之旅就係住咗喺呢間Art Hotel 藝術酒店，都非常之高呀，喺個城市當中算係比較林立喺city嘅正中心點。你會見到一個非常之長嘅海灘，海灘裏面啲而且確都好多人喺度打下波呀⛹玩下沙，玩下水🏊真係真真正正係畀遊客喺度歇息🏖歇腳嘅海灘，而至於海灘週邊都已經係有好多酒吧餐廳，完全係外國風情呀，望住海慢慢歎，我哋係臨上機之前都喺嗰度飲咗杯果汁🍹之後先至再上機，

咁係呢個酒店裏面呢感受到係喺一個好現代化同fashion嘅結合，我發現成個旅程裏面，西班牙呢個地方都係非常之乾淨嘅👍佢哋嘅垃圾分類真係處理得好好，之前睇嗰啲電視係講話佢哋嘅垃圾桶下低都係啲輸送管道直接就落咗去地下層㗎啦，啲垃圾就進行分類👍我哋香港其實都要進步好多，我哋喺垃圾分類方面真係好落後👎真係不能不發表一吓☹️

今次旅程裡面overall係好開心😊睇到好多景點因為其實我哋honeymoon嘅時候都有去過呢個地方兩日，咁我都去過教堂啦去過球場啦。今次係真真正正有四五日喺呢度stay，變咗係慢慢行慢慢嘆，有一日係好集中去睇下啲名牌店😍因為西班牙始終都係歐洲國家裏面嚟講係購物退數比較多，但最後都只係window shopping係冇shopping但係都覺得啲款好新，叫做大飽眼福。至於喺第二個方面就係藝術感方面，其實我哋都有去咗唔同嘅建築物參觀去睇，咁仲抽咗一日去深度遊，去咗睇一個1551年成立嘅酒莊遊歷。過程都係覺得係好特別嘅，同之前喺德國嗰邊參觀嘅葡萄酒莊都係有好大嘅唔同，各有各嘅特色。我覺得有陣時候真係恨心放低工作，出走一個禮拜，眼界同埋喺生命上嘅領域都可以闊咗好多😉因為覺得原來好focus咁樣去一個travel 裏面enjoy慢慢玩慢慢睇每樣嘢都係新奇嘅，都係會令到自己學習到好多，喺工作裏面嘅賣命，咁其實換嚟都有啲時間畀自己去暢遊吓都係好正，特別寫意嘅☺

#西班牙巴塞隆拿#Art Hotel

眼睛畫

係呢行程裏面，做咗一個好特別嘅決定，係我老公主動提出，不斷咁同我講不如做啦、做啦⋯我話做乜鬼呀🤔我冇位放呀，真係冇位呢⋯跟住佢話但係眼睛👁係靈魂之窗，每個人嘅眼都真係獨一無二，如果有幅畫係用自己啲眼球嚟到去做，都係好值得嘅。

當我去進行呢個動作嘅時候，老闆當然會指引我點樣去讓眼睛擘大影相，原來佢不斷咁影，我就問你可唔可以畀我揀呀？佢話你唔使揀㗎啦，我幫你影十至十三張相，我將你嗰個眼相片不斷咁去重疊做咗一啲立體嘅效果出嚟。因為眼睛唔係平坦嘅，眼睛應該係有立體感同有層次㗎，所以呢老闆就用咗佢嘅藝術感完成，但我想講其實入到呢間舖頭見到圓形圓形嘅一張張相呢，一啲都諗唔到原來係眼珠嚟㗎，仲要係嚟自唔同國家唔同國籍嘅人嘅眼，真係相當之特別👍

#眼睛畫

西班牙巴塞隆拿-西班牙海鮮飯

較早前拍攝，話說係西班牙巴塞隆拿日日都會食海鮮飯🦀🦐🍚返到香港突然之間又掛住。喺嗰度可能話曬都係中國人，我鍾意食飯🍚日日食、日日食⋯嘩，真係食過返尋味，因為我覺得係最適合口味，最適合脾胃嘅一個飲食，係西班牙必定要點嘅菜式。

有一日上網學吓了解人家嘅風土情，原來一啲做得好西班牙炒飯嘅舖頭，只會開晏晝大約可能兩三點鐘先開門直至做到晚上🌙因為做一個西班牙炒飯事前期功夫好多，如淆湯底、準備飯、執同處理海鮮🦀🦐逐步逐步，到最後先至可以再整合埋成為一個熱辣辣上枱有速度嘅西班牙海鮮炒飯🦀🦐🍚。

嘩，呢件事簡直係犀利，篇文章係話所有喺舖裏面工作運作幫手煮飯嘅員工到收工嘅時候佢哋都會筋疲力盡，因為佢哋係需要用耳仔👂去聽入面炭嘅聲音，要聽到好準確，知道個火候係去到咩指數，佢哋再做一啲決定。因為佢哋去煮呢個飯🍚嘅時候，係需要不斷咁用人手去處理嗰個鑊，亦都要不斷咁去炒，係非常之有耐性嘅一道美食😋

#西班牙巴塞隆拿#西班牙海鮮飯

西班牙巴塞隆拿-酒莊

教早前拍攝，世界之大，話說上次喺巴塞參觀1551年成立嘅酒莊，你👀睇吓個酒桶幾大😲發現我同我老公嘅身材頓覺變咗細碼，有一個自我滿足😆😂即係‘正’😆

一路遊歷酒莊，當去到唔同嘅地區都會聞到唔同嘅味道😋譬如話經過葡萄釀製嘅走廊會非常重葡萄味。酒莊裏面係要坐卡車，由人手操作嘅電卡車，好似過山車咁，好多行好多座位，一行都起碼有三十個人左右，可以坐喺卡車嗰度，兩個人一架，一卡卡咁，帶我哋穿梭咗用公里計算嘅酒莊地下層。嘩😲簡直大開眼界😲原來去做一啲葡萄汽酒嘅程序都好複雜，當適當時候就會將汽酒樽調轉去轉，等嗰個氣體可以發酵，會做到更好嘅效果，佢哋釀製嘅過程都非常之專業。我覺得今次旅程真係大開眼界。

#西班牙巴塞隆拿#酒莊

俾啲幕後花絮同大家分享一下-苟芸慧

Hello👋又俾啲驚喜大家，俾啲幕後花絮同大家分享一下😉短片上載至苟苟Instagram，非常之鬼馬，一邊幫佢扮靚一邊喺度影making of非常之開心☺又同佢轉咗個新造型😄

Hair@suecheung#hair#hairstyle#hairstylist#hkhairstylist#苟芸慧

苟芸慧同苟先生

同大家分享一下苟小姐同苟先生😍呢個咁可愛嘅小朋友係苟姑娘弟弟嘅仔仔，非常之可愛😍佢完全真傳到苟家嘅皮膚白白、眼仔碌碌、笑容甜美仲要鼻仔高高😍😍

嘩⋯🤣好開心，嗰日佢嚟salon幫佢Gel個頭，chok到佢Gel完個頭隔離位嘅客人問返佢做咩，佢咁細個都要gel頭？我話係呀，因為佢要去影相📸所以就幫佢Gel個靚頭仔😉

Gel完佢都好開心，瞇瞇嘴咁笑😄好乖仔喎，去到studio影相，隔咗咁多個鐘，我睇返張相，都見到佢真係冇摷亂個頭，果然乖仔👍👍

睇住佢大，佢細細個成為佢第一個髮型師到家陣，剪吓剪吓都咁大個仔。佢又活潑、又開心，佢係一個暖笠笠嘅暖男，小男孩，好可愛，好鍾意佢😍😍見到佢就由心發自內心咁笑出嚟😘，佢真係帶到好多快樂畀人，呢個男孩相當之可愛，好鍾意佢😍😍

Hair@suecheung#hair#hairstyle#hairstylist#hkhairstylist#苟芸慧

龔嘉欣

美麗呢個詞語，我聽得最多就係喺龔嘉欣身上，每一次我同佢整完頭髮佢都會開心咁講美麗，每次佢講出嚟都係發自內心♥️最緊要開心😍扮靚最緊要就係開心😍扮完靚之後，又有自信啦、又有喜悅開朗嘅一面比到大家見到，咁呢個就係在髮型師最開心♥️嘅一個工作上嘅使命。

每一次event，都可以同佢地打扮唔同嘅造型，非常之開心♥️成日當佢哋係Barbie咁，成日轉款，有陣時長頭髮有陣時短頭髮，唔同方法嘅扎頭。配合返而家嘅時裝，我覺得最緊要係簡約、自然，由一個簡單嘅氣質帶出，有清新感就得，千祈唔好做啲太複雜嘅頭髮，反而越複雜，個構圖就會混亂咗，所以我係兩至三種唔同嘅紋理擺喺個頭髮度完成做一個finishing the styling😊

Hair@suecheung#hair#hairstyle#hairstylist#hkhairstylist#龔嘉欣

麥貝兒

Hello😀麥貝兒long time no see😉一日佢需要出席一個活動，咁我就梗係嗱嗱臨幫佢set番個靚頭仔啦，set完頭成個人精神晒靚靚👏希望你嘅工作順順利利，做自己鍾意做嘅嘢，最緊要每日都開開心心🥰活在當下，咁就已經最重要㗎啦😊

Hair@suecheung#hair#hairstyle#hairstylist#hkhairstylist#麥貝兒

西班牙巴塞隆拿-玫瑰花

較早前相片，巴塞隆拿嘅🌞陽光真係好好、天氣好好、風景冇得彈，大家睇吓連路邊嘅玫瑰花都開得零舍大，歐洲嘅🌹玫瑰真係靚，我試過喺公司樓下Hyatt嗰間花店訂嗰玫瑰花🌹一個冧都要八十蚊呀🤑呢啲咁大個冧嘅玫瑰花🌹真係好靚😍個價錢係非常之昂貴🤑但係我覺得乜嘢都唔重要，最重要就係風景好心情靚😍😍

#西班牙巴塞隆拿#玫瑰花

西班牙巴塞隆拿-Chanel

嘩😍你都咪話唔吸引😍😍西班牙我就梗係有行過去睇下啲名牌啦，話晒都到此一遊呀嘛🤣雖然行程有啲趕，但係我點都去左幾個牌子睇一睇，呢個就喺Channel度影咗張相，行過就想影📸你睇人家的Channel是有三層的啊！真誇張、利害。

我入到去睇到，香港Chanel同西班牙巴塞隆拿Channel有咩分別？一佢哋嘅款係好齊、好新。好似係早三個月前我貪得意喺網上見到一條link睇介紹Chanel嘅一個粉藍色好似Tiffany Blue嘅顏色嘅Chanel袋，我入中環店度問佢先至攞到一至兩個出嚟就話香港唔齊款咁樣答我，但當我去到巴塞嘅Chanel，嘩⋯👍好犀利呀，佢到有8-10款唔同嘅size一目了然😍有啲款係網站見到，但香港見唔到，係巴塞都會見到，歐洲國家果然利害👍

到最後我用左手㩒住右手🤤我朋友教㗎呢個方法，令到自己唔好亂咁買野。當我想買嘅時候再諗一諗屋企嗰手袋櫃發現入面其實都仲有袋用，所以我都忍住，結果都無買，我用欣賞角度睇我是非常開心同滿足☺

#西班牙巴塞隆拿#Chanel

頭髮輪狀表層

健康嘅頭髮輪狀表層係會好順滑，大家諗翻平時我幫大家吹頭或者髮型師幫大家吹頭嘅時候風筒嘅風都係會由上而下咁樣吹，又頭殼頂向地下方向吹，咁先至會吹到頭髮係順滑嘅。
又試幻想下，記唔記得平時去salon 拉直啲頭髮，髮型師係咪會順住由上而下幫大家將個頭髮夾到順滑呢？呢個方向係正確嘅👍👍但係如果萬一個風筒由下面吹上嚟，低炒呢😱嘩⋯😱真係大件事，頭髮一定會係好蓬鬆、好混亂。輪狀表層亦都會因為咁，變成左手邊受損😱好容易開叉、折斷、粗、乾旱、混亂，打理唔到、打撠、乾住打撠絕對係一件好恐怖嘅事😱😱😱

大家買一個靚靚風筒，如dason 風筒或者係一啲風筒好猛烈嘅風，你一定要用返岩角度去吹。我聽到有啲人話，我買咗dason風筒都吹頭唔好，咁只要你專心啲、留心啲去聽一聽呢個解釋，其實你已經可以解決一切問題，頭髮一定會順滑返晒。

記住記住，頭髮一定要順住吹，如果你反方向吹，只會係得鬈頭髮或set鬈咗頭髮，電鬈咗頭髮嘅朋友先知會由下以上去吹。至於淨係吹鬆啲髮根係冇問題，但係整把長頭髮都係低炒，真係會絕對恐怖😱😱大家記住記住。

好似魚嘅skin咁樣，順方向的話，魚嘅skin 係滑到跣手，反方向魚嘅話，嘩大家都摸過，又撠又嚡又唔順伏，絕對唔會順滑。記住頭髮嘅輪狀表層就好似魚嘅skin，咁講大家就會記入心、記得清楚。留意留意吹頭一定要用岩方法😉

#吹頭髮方向#健康頭髮

含二噁烷洗頭水

呢個post我記得好耐以前有出過，不過因為有陣時客人遇到嘅問題都係重重複複咁樣，要不斷咁解答，所以決定出多次呢個post。

呢三張相都係喺上網搵到嘅資料，以上嘅資料都係話喺市場上，超級市場或者零售店裏面買到嘅洗頭水好多時候都未必百分百啱閣下使用😰因為依家越來越多洗頭含量嘅物料係會超標😱或者佢用完之後係會影響咗染髮同電髮嘅效果😖因為一層又一層嘅化學劑包住咗頭髮，令到頭髮接觸電髮藥水同染髮劑都無咁敏感😖將整個chemical時間拉長咗，令到效果無咁準成，用洗頭水都會有關係，咁呢個係關於扮靚方面唔好嘅副作用。

再真實啲咁講，客人做唔做chemical 都未必係最重要，而係用咗呢啲洗頭水長時間係頭皮到，而又洗唔乾淨，個啲化學物料，連電髮水染髮劑都打唔開或者比較遲緩嘅反應，試問放咗係頭皮到，健康指數我相信都會非常之差😱所以客人揀洗頭水，可以問返你身邊髮型師或者我，我會建議我啲客戶唔同階段用適合洗頭水，啱嘅洗頭水係最基本比到頭髮健康頭皮清潔咁呢樣先係最重要護髮嘅第一步。

#洗頭水

淘寶-暖水袋

等我又講吓，日常淘寶淘到啲咩好嘢啦🙂呢一個係一個暖水袋嚟嘅，佢係一個條狀U型，可以放喺膊頭同頸到。我就好鍾意暖吓個肚，又覺得好舒服☺尤其是女士保養個子宮溫度係非常之重要，我試完用覺得非常之好👍咁所以就同大家介紹。

係入水嘅時候我就會安全啲啦，會帶住洗碗嘅手套，然後近洗手盆方向慢慢倒落去，因為我好驚咁樣而辣親手。我以前試過用透明玻璃杯倒熱水，嘩😱結果起咗一個好高嘅水泡成個太空館咁😨真係好影響工作，所以大家記住用暖水袋入水一定要好小心。

我覺得呢個暖水袋嘅溫度大約20至30分鐘可保持一定嘅溫度，但喺啱啱用嘅時候會太熱，我就會攤凍佢大約10鐘左右先放上身，佢餘下嘅餘溫太約可維持20分鐘左右，相當不錯。敷完先瞓覺，覺得好舒服😊所以同大家推薦，如果易M痛嘅女仔值得去買👍

#淘寶#暖水袋#暖宮

減少白髮-黑色食材

我想講我發現有啲客人真係幫襯左好多年，都有十幾年，佢會突然之間，兩三年間嘭一聲出多咗好多白頭髮😱咩叫出多咗呢？可能佢平時平平均均成個頭嘅白頭髮覆蓋可能得10至15 percent，嘭一聲佢就出到個頭髮有一半係白頭髮😱咁就真係多咗好多。呢啲客人我發現佢哋係一啲比較勤力嘅奮鬥形客戶💪佢哋成日都長時間工作有啲甚至有份正職之餘再去創業，有啲就係因為工作環境，工作時數極長，壓力極大😴瞓覺時數勁短，缺乏休息，沒有均衡飲食，工作上比較繁複，需要好精算，用腦用得好緊要，呢類客戶白頭髮都會突然之間生長非常之誇張😱大家想減低白頭髮出現，均衡飲食，適當準時休息非常重要。

#黑色食材#均衡飲食#減少白髮

令到白頭髮減少-黑色食材

好多客人都會問究竟邊方面飲食會令到白頭髮減少🤔係黃帝內經裏面都有提過，中國人其實最主要都係每一日最好吸收啲黑色嘅食材，咁都係會對養生係相當之好。針對白頭髮，黑色食材都係好緊要，咁岩上網我就搵到呢張圖片，同大家分享一吓。

黑芝麻好多時候係國貨公司或者萬寧、超級市場等地方都會有一啲現成可以沖嚟飲，再簡單啲啦，有陣時食完日本料理餐佢會送餐後雪糕，你可以揀黑芝麻😋咁黑豆通常攞嚟煲湯用，海帶亦都係一啲煲湯或者間中做一啲炆燉食材都有機會加入去。如果大家發現白頭髮多嘅話，不妨參考一吓進食一啲呢類型食材，都係對頭髮有好處亦可以減少白髪👍

#減少白髮#黑色食材#黑芝麻#黑豆#海帶

布拉格-古姆洛夫

睇吓睇吓啲相簿，呢張相真係好鬼死靚😍古姆洛夫係距離布拉格大約兩個鐘頭左右嘅車程，一個小鎮。用一個迴旋處嚟形容佢，因為正中央似一個圓形，中間有個城堡，周邊嘅屋仔都好多顏色㗎，如果行到去大街小巷裏面會見到好多colorful嘅屋仔，就有少少以為自己去咗威尼斯，顏色非常之靚😍

超恐怖用iPhone就咁影，影完張相都咁靚係好恐怖😆因為係有攝影師親自影，我覺得應該係有關係。其實一切都好靚好靚，唯獨是你睇吓👀嘩...😱頭髮幾乾。

因為歐洲地方，啲頭髮真係零舍乾，大家記住如果去歐洲、加拿大或澳洲旅行都好一定要先用護髮素或treatment 過咗水先，然之後先至落洗頭水再用返護髮產品咁嗰頭髮先至會靚㗎。即係頭尾都要用護髮素焗油中間用洗頭水，如果直接就咁開水沖個頭髮已經會打撠啦，嗰度嘅水質酸鹼度比較高一啲令到個頭髮呢越洗越幼越洗越乾，所以必需要帶備足夠嘅護髮產品先至好出發呀🛩

#古姆洛夫#護髮素#treatment

德國寶旅行式暖水壺

我真係好想講呢一個旅行式德國寶暖水壺無得輸👍去到外地旅行帶住佢真係乾淨好多。因為我要沖中藥飲，又鍾意帶住一兩包麵係身，咁用返自己嘅暖水煲真係無得輸👍

我發現去到外地嘅酒店或者去到香港嘅酒店，有陣時用暖水煲去洗手間加水煲完都有好多白色嘅沉澱物😨我試過上網Check呢啲都係因為暖水煲裏面嘅氧化導致😨而家我用自己暖水煲煲水簡直係一流，快、靚、正乾淨整齊，仲極度容易收藏，收藏完佢只會得番最底層白色咁高啫，非常好用👍

#旅行式暖水壺#德國寶

巴黎求婚

睇到呢張相我真係好想去旅行🛩好想好想去多次London 。時間真係過得好快，呢一個旅程，係我同我老公第一次歐洲旅行，亦都係畀佢嚇死😲喺巴黎嗰度求咗婚，好開心好難忘😍仲同我班中學同學仔一齊去。

#歐洲旅行#London#巴黎求婚

我表妹GEL GEL 去慶祝生日

張相係同我表妹GEL GEL 去慶祝生日🎉，之後就送咗紮花🌻畀佢，諗都冇諗過呢個小女子收完紮花之後係驚喜萬分，非常之開心。佢嘅開心完全無野能夠掩蓋。我哋飽飽咁食完咗個打邊爐喺條街度忍唔住都要留影一番，我覺得呢一張相隔咗十年睇都非常有回憶嘅味道，簡簡單單開開心心嘅生活就係美好。

好多謝我身邊嘅一切所有人，非常之感恩😘

#GEL生日

關島旅行-煮飯

時間真係過得特別快，我頭髮都長咗好多。嘩...呢一輯相係關島旅行同我班反斗百厭星一齊去，旅行仲要做埋保母晏晝朝頭早首先要揸車，夜晚黑返嚟仲要煮飯睇住佢哋飲洒，然後之後自己沖涼瞓覺。日復日咁嘅經歷咗呢個關島之旅不過都真係相當之開心😄

#關島旅行