2016年5月19日 星期四

不同造型

其實一個髮型，有唔同造型絕對唔係女仔嘅專利，只要剪啱髮型結構，加上適當技術同產品就可以有唔同效果，我好歡迎嚟搵我整頭髮的朋友問我點整造型，因為令佢地有最適合的造型係我嘅工作使命。

張貼者： 於 沒有留言:
標籤： ,

2016年5月18日 星期三

每一幕

每一幕都教識我更加認真，每一步都叫我要繼續向前行進步，就算經歷咗幾多個Show，接受咗幾多培訓，完成幾多個MV廣告製作，在Salon做咗幾多個客人，我都知道最緊要嘅係心態同狀態，心態我知道只要自己繼續有熱誠同態度，都一定可以做到，但狀態就好睇身體狀況，所以而家都好重視工作後嘅休息時間，因為近年參加咗商會嘅關係，睡眠時間提早咗好多，呢啲調整亦都令身體更健康，冇咁易攰，所以之後嘅日子都會好好進行同享受Work Life Balance。

張貼者： 於 沒有留言:
標籤：

商業訪問


年初和施華蔻做的商業訪問，和大家分享。
張貼者： 於 沒有留言:
標籤：

After chemical l頭髮，要點用洗頭水？


好多客人頭髮做過特別處理，番屋企都會用番平時用開的洗頭水，其實Virgin hair同after-chemical hair所需要的洗頭水都好唔同㗎！
頭髮天生攣，做咗負離子，要用幫助順服、重身的洗頭水，令直髮效果更持久，而新生頭髮亦都冇咁易攣。
電過髮的，就要用輕身洗護髮髮系列，令線條更固定。
染髮後的洗頭水，就要選擇酸鹼度較溫和的，泡泡較幼細的，咁先可以幫助鎖定顏色！

張貼者： 於 沒有留言:
標籤：

2016年5月17日 星期二

休息睇書


屋企樓下嘅泳池開咗啦，放假休息下，會睇番以前睇過嘅書，當年睇有學習，今日睇有全新的睇法。我唔希望「時間唔夠用」，只係想好好安排，做好每一樣想做的事。
張貼者： 於 沒有留言:
標籤：

頭飾


其實有時候髮型除咗講求結構、線條、掌握Styling技巧之外，其實都要識得加入潮流元素，頭髮accessories都好反映到當季大熱嘅色彩同圖案。想有Refresh感覺，不同就從「頭」開始啦！
張貼者： 於 沒有留言:
標籤：

2016年5月16日 星期一

天馬行空

作為一個髮型師，靈感題材好多時候都係天馬行空，為左可以創作更多獨特的原創，公餘時間真係要睇好多唔同外國嘅造型，上網搵到好多唔同資訊，再跟貼番潮流時裝整合，先可以做到唔同類型嘅作品。
張貼者： 於 沒有留言:
標籤：

油頭




大熱的「油頭」大約三至五日層次就會開始變得唔分明，所以要修剪得密啲，先可以Keep到造型。

張貼者： 於 沒有留言:
標籤：

2016年5月15日 星期日

溝通


細個做Junior時，好記得師傳講過，當你學剪頭髮，係你諗到個構圖時，你隻手要有呢一個技術，最後你點樣將佢磨合到真正做到，有時同客人做consultation時，好多時都要同客人分析頭髮的情況，話番畀客人知邊啲做到，邊啲做唔到，最後客人同髮型師嘅期望是否一致先係終極目標，所以髮型師都要識得同客人溝通，定位短期同長期目標，咁先做到最客人心目中最理想髮型。

張貼者： 於 沒有留言:
標籤：

通透灰色


要做到一個通透灰色真係唔易，不過咁多年嘅訓練，都令我好有信心做到呢件事，而且近年推出漂粉愈黎愈好，唔會有太多化學物質係空氣入面漂移，重點係，漂完後頭髮會好順滑，而頭髮韌度都仲係到。
想做Crazy color，揀選好嘅產品好重要，如果為咗個灰色而要頭髮漂3次以上，令頭髮折斷，我寧願放棄個顏色。我要做到嘅係，頭髮又健康又上到色，咁先係正確嘅態度！

張貼者： 於 沒有留言:
標籤： ,

2016年5月13日 星期五

對頭髮有益的食物



[‪#‎HairTips‬] 想要頭髮靚靚，冇白頭髮，食序啲呢幾種對頭髮有益嘅食物啦～
張貼者： 於 沒有留言:
標籤：

Better version of yourself


成為一個更好的你，你會由邊方面著手先？
張貼者： 於 沒有留言:
標籤：

2016年5月12日 星期四

繼績努力

我知道我仲有好遠路要走，要繼績努力！
張貼者： 於 沒有留言:
標籤：

走佬Box

冇錯，呢個就係傳說中的Out Job走佬Box，裝備十分完善，可以極速起壇，將Styling product擺得妥妥當當，做野時得心應手，最緊要係有蚊怕水，唔怕畀蚊圍咬！
張貼者： 於 沒有留言:
標籤：

2016年5月11日 星期三

順應去做好

成日都覺得，有些事已經安排咗，就應該順應去做好佢，例如突如其來嘅job啦，既然大家都選擇咗呢個行業，我覺得成功之道就係專心一致，將事情做好。無論係興趣或者專業，只要畀心機去做，你都一定會做得好，仲可以畀到自己自信心添！如果你都揀咗美髮美容界，畀心機做一定得，最緊要多分享多練習，準備好，機會永遠都留畀有準備嘅人。
張貼者： 於 沒有留言:
標籤：

追緊

製作的過程入面，每一分每一秒都要追緊，因為每一分秒都係錢，各製作單位的同事都在等待，所以真係要快快手手！
張貼者： 於 沒有留言:
標籤：

成日甩頭髮，係唔係有脫髮問題呀？

[‪#‎HairTips‬] 成日甩頭髮，係唔係有脫髮問題呀？
我地梳頭、沖涼、就連睡覺，都會甩唔少頭髮，感覺上會愈甩愈少，不過唔使擔心，一般情況下的甩頭髮係正常的！人嘅頭髮約有10萬條，平均一日會掉落50~60條。女生的頭髮壽命通常係6~7年，男生只有3年，頭髮每日有0.3~0.4cm生長，如果Keep住唔剪，可以生到90cm長㗎！ 
圖片來源：http://bit.ly/1H6Bsri
張貼者： 於 沒有留言:
標籤：

2016年5月10日 星期二

己立立人

我相信，樹仁的心係「己立立人」。教學呢條路真係一啲都唔容易，一直有機會遇上不同類型學生，從呢班學生身上學到嘅，令我覺得佢地先係我嘅老師，因為唔同性格、資質、進度，都令我學識點樣去調整教學手法。
但作為一個導師，就一定係令學生學到野，而我的強項就係造型、美髮、化妝，遇過不同類型的學生，好似專業髮型化妝師、Wedding planer、中六學生、亦有正職又想入行的人，我好想做到深化香港扮靚文化，令更多人學到化妝造型知識，改變整個美容文化，令更多人愛上扮靚。因為令人變得靚，唔單止係自信心提升，亦可能會為職場同愛情帶來更多幸運機會，所以在教學路上，我還要繼績努力。
張貼者： 於 沒有留言:
標籤：

更多「髮」展

Hair Show做完又做，要跑不同地點，在當地留2至3日做準備：pre done 髮型、試衫、教Model行Catwalk、進場、整個Presentation……到On Show那天，真係打仗，要極短由0到100幫Model裝嵌出場，對體能同心理狀態都係好大挑戰。
但好珍惜每次上台的機會，因為一位髮型師可以去到做Hair Show，一定係走過唔少路。首先你要入行，由洗頭做起，然後成位師傳，然後成為一位被認同的髮型師，再到你肯定自己，你先有信心上台，所以在Hair Show的舞台上，的確可以令髮型師發光發亮。希望未來可以繼續參與多啲Hair Show，有更多「髮」展。
張貼者： 於 沒有留言:
標籤： ,

2016年5月9日 星期一

Be your own kind of beautiful

很相信能隨心做自己，你一定會有一股力量時刻推動你前行。
有人問我，為何能在一個行業做咁多年，因為我覺得我每日都可以賺到一點點的成功感，每日都可以幫人扮靚，每日都可以遇到開心事，好似客人結婚、頒獎禮，都可以感受到別人的喜悅；或者客人見工，又會搵我幫手搞好造型，甚至有啲好急忙，一落機衝黎整頭髮都有。髮型師可以每日都對住最靚嘅田，用心默默剪，最後見到一個滿意的笑容，呢一切都係組成正面能量、推動我前行的元素。
張貼者： 於 沒有留言:
標籤：

出外走走

可以出外走走，做做Out Job，對我來說絕對是很好的課外活動，因為在Salon做髮型對我來說真係唔滿足，我都好鐘意可以多出外表接觸最新的Fashion Trend，好慶幸一直有機會同不同雜誌合作，可以早一步知道各大品牌最新最流行的色彩、物料、服飾等，呢啲都係我做「課外活動」的原動力。
張貼者： 於 沒有留言:
標籤：

2016年5月8日 星期日

Hair Show後台

Hair Show後台係一個好神聖的地方，既係髮型師最專注的時刻，亦係最「刀光劍影」的時候，因為大家都要施展渾身解素，將髮型做得最好，展現自己的功架。
張貼者： 於 沒有留言:
標籤：

電髮

[‪#‎HairTips‬] 夏日氣溫高又潮濕，電髮可以幫男士係令頭髮更有彈力，減少頭油，減少造型產品用量，夏天處理就最啱啦！
張貼者： 於 沒有留言:
標籤：

心有多大

第一次在台灣看見這個牌，心想「有冇咁誇張啊。」
但原來，是真的。
當我最後帶這個牌回家時，我決定要將它放在家中當眼處，就算之後搬家多少次，也無損它「當眼」的位置，因我要用強制性洗腦方法，令它每日至少要在我眼底出現3至4次，然後慢慢發現，這句說話，令我的胸襟闊了、目標感強了、心壯了，沿途有多少高高低低，有多少考驗，有多少「想放棄」，但想起這句話，又會堅持下去。
世界上有好多大的舞台，要是想去踏足，首要是勇氣。所以，這句說話在近幾年一直陪伴著我，勉勵自己放膽去試。
張貼者： 於 沒有留言:
標籤：

2016年5月7日 星期六

守望

我相信，守望事情就會出現，所以等待都係一種期盼，正因為咁，每一步都充滿力量，都能大步踏前。
每次吃飯前的祈禱，好多時都係我感恩生命所得的一切的時候──工作順利，又不斷有工作機會和學習。每次感恩，都令內心充滿能量。
張貼者： 於 沒有留言:
標籤：

染髮色膏

呢堆咁奇怪嘅嘢其實係大家好常接觸嘅染髮色膏，想同大家講，要染一隻靚的啡色真係唔簡單，好多時都要溝好多隻顏色先可以做到客人想要的啡，有時仲要加埋Color Treatment，先可以令你的啡色變得更加透徹、通透。
張貼者： 於 沒有留言:
標籤：

劉海攸關！




[‪#‎HairTips‬] 劉海攸關！
剪瀏海唔可以草率了事，因為瀏海會直接影響臉型、髮流同整體髮型輪廓，專業的髮型師幫你剪劉海絕唔係單純修剪額頭上的毛髮咁簡單，而係需要配合你的輪廓做修剪，唔同嘅劉海，都會有截然不同嘅感覺。

張貼者： 於 沒有留言:
標籤：

2016年5月6日 星期五

不必要成個頭去整

成日都覺得整頭髮係不必要成個頭去整，有時整一Part一個Section都可以演繹出嗰份味道同感覺。將成個頭髮機械式做均每個section其實唔係我杯茶，因為客人的工作、身份、崗位都唔同，所以我都會因應呢啲因素而安排，就算做Color都可以有不同Size的覆蓋，一小撮頭髮都可以做幾隻顏色。
張貼者： 於 沒有留言:
標籤：

如何將髮型吹得又鬆又有彈性？

[‪#‎HairTips‬] 如何將髮型吹得又鬆又有彈性？
最緊要先將髮根吹乾！係屋企洗完頭，用毛巾抹乾後，將頭摀低，一邊用五指以Z字型來回撥弄髮根，先將髮根吹乾，再吹埋其餘頭髮，咁髮型就可以變得好蓬鬆！進入潮濕季節，呢招幫到少少㗎！
圖片來源：http://bit.ly/1q0TNV9
張貼者： 於 沒有留言:
標籤：

2016年5月5日 星期四

革命仍須努力



革命仍須努力。髮型創作就好似革命咁，要不斷創作、革新，將原有的東西透過科技潮流改革，而我的技術都要夠紮實先可以作出改變，所以話，基本功非常重要，後輩們不要心急，往後的路都係交畀你地㗎！
張貼者： 於 沒有留言:
標籤：

令人變得更靚

工作是精彩的！有時可以在Salon拎住把鉸剪幫人剪頭髮，有時又可以可以拎住化妝品出去Out Job幫人化妝或幫人Set頭，從事呢一個「令人變得更靚」的行業，係一件好幸福的事。
每一次見到客人滿意開心咁離開，的確會增加我的快樂指數，當然，當中的難度就係同時間競賽！我好明白大家生活忙錄，要抽空一兩小時出黎整頭髮都要好好安排，所以我都會盡我所能，令客人在難得抽空的幾個鐘頭內將佢扮到最靚。
張貼者： 於 沒有留言:

審美角度

人的審美角度怎會一樣，在髮型師的工作生涯入面，少不免面對不同人對同一事物所抱的不同態度，事實上，一個髮型會有不同方法做到，有時做大型Hair Show，雲集不同髮型師，真係各師各「髮」，各有優點，不過難得的是，大家都會專業地向住同一個目標，互相配合，做好件事。
張貼者： 於 沒有留言:
標籤：

顏色表

[‪#‎HairTips‬] 學識睇顏色表，幫你染靚髮！
有冇試過染髮時唔知點同髮型師溝通，講唔到心目中想要嘅顏色？柒髮顏色數以千計，不同色系再分不同色度，大概平時講到啡色偏暖、偏啞色、偏銅、偏紅已經好叻！如果想再表達得更接近理想髮色，不妨參考呢張色表！
但要留意：color chart上的毛髮都係纖維，好難100%準確。所以要染一個心目中的顏色，除咗要表達得清楚，專業又經驗的髮型師都好重要。
張貼者： 於 沒有留言:
標籤：

2016年5月4日 星期三

第一個髮型獎項

2014年獲得這個人生第一個髮型獎項，而呢個獎項一直都係心目中一個很高的殊榮。
仲記得仲做緊Junior的時候，有一個好尊敬的髮型師，當年佢都拎咗一個接近呢個獎項嘅獎，嗰時覺得佢真係好厲害，做咗咁多年髮型師，都願意繼績進步、向前、挑戰，加上佢平時的工作表現，真係我嘅偶像！但點都估唔到自己有一日可以做到偶像做到的事……
張貼者： 於 沒有留言:
標籤：

幾分鐘的MV

有時幾分鐘的MV，拍攝隨時都要用上一個通宵式十幾二十小時的製作，仲未計後期製作！所以一個好的MV，真係靠各方嘅合作。不過當真係拍攝時，我地的戰鬥力都會提升，例如唔係所有外景都有電力提供，只好靠經驗去判斷髮型點先可以持久，環境點樣配合先可以令髮型更突出，有時都要靠秘密武器。
張貼者： 於 沒有留言:
標籤：
訂閱： 意見 (Atom)