新鑽轉

新版鑽轉已經火速登陸Hair Corner發售中啦，如果大家想做到Natural嘅髮型，都可以向我查詢點樣利用鑽轉做得到，如果想訂購，歡迎Whatsapp：6614 1441，全港免運費。

新鑽轉主要特點係較輕身啦，速度同熱力都有改善，而且兩方向旋轉，配合左右兩邊髮型，可以好快咁做到一個持久造型。

Styling product

#SueCheung #Hair

一個Hair Cut覺得悶嘅時候，就係時候用你嘅Styling product打造不同感覺嘅線條啦～

New Treatment in Hair Corner

#Suecheung #Hair 

陸逐有更多新Treatment嚟到Hair Corner，如果大家想試新Treatment都可以過黎搵我，我都建議大家可以做多啲唔同類形Treament，畀把頭髮休息抖抖，等秋冬季到就可以做更多唔同線條同顏色啦。

簡單Set頭

如果大家想簡簡單單學點Set頭，想有啲新鮮感，都可以黎問我㗎，因為我都有教個人DIY髮型班，或者開小班都得。呢到就同大家Share一個簡單嘅Step，黎緊轉季想頭髮輕啲，就可以用呢個方法啦，兩條橡筋、三隻髮夾就可以做到一個特別髮型啦～

2016 婚禮造型

歡迎預約2016年婚禮造型服務，包括本地及海外婚攝，除咗頭髮同化妝，我地亦都有證婚律師啦，專業攝影師同司儀，歡迎查詢婚禮相關嘅服務，請Whatsapp : 6614 1441。

秀髮保護

請大家特別留意，好多客人問點解可以保護一把秀髮，其實除咗用啱洗頭水、護髮素之外，飲食都可以幫到手㗎，同你分享呢張相啦～

Hair in Violet

Hair by #SueCheung@Hair Corner K11

呢個係今年其一個Hair Show的作品，將Model頭髮造成漸變顏色、一層層，帶有一啲好Pale Violet，一啲pink，一啲low light嘅元素，營造出冷漠嘅感覺。好多謝香港一位好著名嘅Stylist Ingrid，將好多不同時裝元素都放喺呢個Hair Show到，令到今次Hair Show咁成功。

細心周到嘅

施華蔻真係一個細心周到嘅品牌，完成上海Training之後，有一個Surprise Party，順道慶祝埋MIB六週年慶典，驚喜一環接一環，仲精心設計咗好多獎項畀我地，呢個牌子真係好用心，除咗市場推廣產品鑽研之外，仲走入每一位髮型師腦袋，設計出配合現今髮型師造型需要嘅產品，真心佩服。

鎖橋

Paris鎖橋都係一個熱門嘅婚照攝影地點，如果你都想擁有一攝難忘又靚嘅婚照嘅話，咁就要快啲報名啦，因為我地已經組成咗Open Your Eyes 2016歐洲Pre Wedding trip，有興趣請Whatsapp : 6614 1441 或PM我都得。我地會即刻幫你Tailor Made 一個專屬於你嘅婚紗攝影。

老師

作為一個老師，最開心莫過於見到自己團隊入面識得互相溝通、學習、分享同進步，最開心梗係見到佢地自己識Auto Run啦，頭髮都識得互相剪，咁我就真係可以抖下啦，不過最緊要都係佢地有目標，知道條路點行，作為一個師傳，好明白呢個過程唔容易，但亦都係一個好好嘅鍛練，希望佢地都識得珍惜呢個過程，將來將學到嘅都運用出黎。

England Bath

‪#‎SueCheung‬ ‪#‎Sharing‬ ‪#‎England‬ ‪#‎Bath‬

好記得一次因工作關係去到英國嘅University of Bath，好難忘嗰一遍大草地，一望無際到好似天空咁遼闊，你隨時都可以大字型攤係到冇人理你，我真係覺得好舒服，如果可以靜靜地喺到睇一本書，你話幾好呢。
有時工作將我帶到去唔同地方體驗唔同文化，我都真係好感恩㗎。

吸收

Hair & Make Up by ‪#‎SueCheung‬

作為一個髮型師，靈感題材好多時候都係天馬行空，為左可以創作更多獨特的原創，公餘時間真係要睇好多唔同外國嘅造型，上網搵到好多唔同資訊，再跟貼番潮流時裝整合，先可以做到唔同類型嘅作品。

除咗睇到一個髮型嘅造型外，有時都要睇堆色澤襯托、攝影燈光配合，所以攝影師嘅配合都好影響出黎嘅整體效果㗎。

整容

‪#‎SueCheung‬ ‪#‎Makeup‬

整容係修正本身嘅輪廓，但我覺得化妝更加重要，女士們真係唔好懶，只要願意打開化妝袋5至10分鐘，都已經有一個好整齊、簡約嘅輪廓妝，最緊要都係我地願意花心思去打扮一下，因為化妝都係好重要嘅禮儀～

如果想預約個人化妝班（一小時為一個Session），都可以Whatsapp我：6614 1441。

第9屆施華蔻專業大中華美髮大獎賽

#SueCheung #Schwarzkopf

第9屆施華蔻專業大中華美髮大獎賽又開始接受報名啦，大家準備好未呢？

一杯水

#SueCheung #Learning

學習就好似一杯水咁，如果想自己可吸收到更多知識，我有一個個人經驗同睇法就係--嘗試將自己原有杯水倒咗佢，重新打開個心去聽一啲聽過式未聽過嘅知識，喺呢個時候先可以真係感悟到課堂，如果繼續帶住固有嘅判斷同思維模式，就未必可以做到徹底吸收啦。

改良鑽轉

#Suecheung #zuanzhuan 

好嘅產品不斷有新版改良，亦都證明咗有好多Fans支持，就好似iPhone一樣。
今次改良係速度、重量同發熱溫度，仲有雙方向轉動，令到頭髮麟狀表層受熱得更好更持久。

如果有興趣購買改良版的鑽轉，歡迎Whatsapp:6614 1441 

MIB

#SueCheung #Schwarzkopf #MIB 

好高興成為施華蔻嘅大中華區冠軍，成為MIB嘅一員，MIB即係Men in Black，有黑人頭（施華蔻）嘅意思，當中委員會就係歷屆嘅冠軍，同時加入佢地嘅教學隊伍，幫品牌教學同培訓工作。

剛剛就喺上海完成咗今季Essential Look新派台造型風格，我就學咗今季嘅新季風，嚟緊即將會大力推廣，遲啲同大家分享2015秋冬季造形。

施華蔻講課

#SueCheung #Schwarzkopf #Avantgarde

8月中旬成功同國際美髮牌子施華蔻完成咗一場深圳講課，當中講咗四季色彩學，市場定位同整體造型，反應好熱烈，我都好相信我呢個Avant Garde都可以畀到幾多另類講課畀學生，當然都好多謝施華蔻畀呢個機會我成為導師，讓我可以同咁多人分享髮型知識。

貼紙

#SueCheung #Makeup

真係好強勁啊呢個貼紙，好記得細個認識TVB嘅化妝師教落，如果遇到面皮好鬆，就要鬢條辮仔，拉起啲皮，先去Set頭或化妝，呢個古裝化妝術竟然畀我喺日本見到佢嘅變奏，仲要係現化Modern改良版，真係佩服。

呢啲來自大戲嘅化妝術真係幫到唔少人，真係可以剔高面皮，加上Set頭同化妝幫手，就唔使再驚面皮鬆啦～

使命

#SueCheung #Mission

Sue Cheung 事業上嘅使命係，相信每一個人都有變靚嘅機會，致力影響香港及中國個人整體形象文化。我好希望兩地嘅人都擁有適合又專業嘅髮型化妝工具同產品，每個人都識得專業髮型同化妝技巧，每個人都會愈黎愈美麗，將扮靚成為重要文化，追上韓國同日本！

長命功夫長命做

#SueCheung #Sharing #life #teamwork 

人類壽命愈來愈長，所以真係要努力畀心機做野搵錢，唔係到時通賬就大件事啦。不過正因為咁，都要學識「長命功夫長命做」，所以而家都慢慢學識，慢下來工作，做得更精，食野慢啲，細嚐味道，多啲休息，享受生活。當然我仍然會緊守崗位，大家繼績黎搵我或介紹朋友啦，雖然我有時會走咗去Outjob，但我仍然心繫Salon㗎。

所以真係好多謝Salon嘅客戶咁支持我，令我可以出外走走，增長眼畀，亦都感謝我嘅團隊，每次番到Salon Work都好趕好急，好多謝佢地一路以黎接受我嘅挑戰！

組織力同演講能力

#SueCheung #Sharing

以前細個，把口快過個腦，經過咁多年嘅學習同教訓，發覺組織力同演講能力，真係需要好好訓練，亦都對教學同工作處理都好有幫助。所以急性嘅我，因為教學要準備教案，多咗好多機會去訓練自己嘅組織力同演講能力，學習咗「慢下來」，因為Salon work係分秒必爭，但到教學一堂有兩至三個鐘，所以都令我可以好好追求教學內容嘅結構同層次，等學生好好吸收。

年紀煩惱

#SueCheung #Sharing

無錯，每個年紀都有佢嘅煩惱，但其實咁又代表緊有新Project去展開，都係好消息。近來多咗時間同自己相處，同個心溝通，多咗靈性交流，雖然平時工作係好Chur，但而家每日都會自己30分鐘去照顧自己嘅需要，有冇唔開心，有冇鬱結，有冇情緒垃圾，如果有，就會清空咗佢，畀自己放低，再上路。

好彩自己都係樂觀的性格，都容易過日子，雖然人人都覺得我冇所謂，其實我都只係本住「本死無大礎」嘅態度姐，都要好多謝我Daddy Mommy遺傳咗咁好嘅性格畀我。

馬雲

#SueCheung #Sharing 

近來去咗一個北京交流團，估唔到竟然有馬雲嘅現場分享會，真係好震撼，佢係一個非常有魅力嘅演說家，一個好特別嘅男士，佢用咗一個鐘頭分享左佢成功之道，一個鐘頭入面觀眾爆笑咗10次以上，佢好識得幽自己好多默，讓大家好輕鬆咁聽佢講野，佢嘅另類同逆步思維，真係不得了。

聽完佢講Speech後，真係有好多靈感，佢講到事業成功3個重點，亦同我地後輩講事業上必須具備嘅創新、創意同創業，亦提醒我地，必須要做自己喜歡的事、要有自己覺得輕鬆容易做到嘅事，亦都要有優秀嘅團隊Backup你，一班你鐘意同佢做野嘅人。馬雲先生呢一番話真係刻入我個心入面，我會好好記住，繼績努力努力！