不要放棄，成功在望

做Junior嘅時候，遇上好幾次樽頸位，好想放棄。其中一次係捲Basic Perm，好辛苦，手指捲到抽筋，好難捲；又有一次要學吹太太Look Set頭，唔明點解要吹，明明以後都唔會興呢種頭……心入面有好多唔服氣嘅矛盾；又有一次係剪One Length，剪完師傳拎住塊鏡照下頭髮底部，再照番上黎睇下齊唔齊，仲要逐層揭起睇，仲嚴過驗屍……心情好難過，每次都膽顫心驚，因為有時唔係考功夫，仲要彩數，Model一個唔該撓起腳令到One Length條線唔balance都係你嘅問題，就好似考車咁，有好多環境因素控制唔到。
但呢啲就係基本功，一個全能嘅髮型師一定要識，所以過完一關又一關，痛苦卻又令你成長。
所以我都好鼓勵新入行的朋友或自己的仔仔女女，要好好享受Model Night，享受學習的機會，畀自己去完成呢啲看似不能跨越最終都可跨越嘅台楷。不要放棄，成功在望！

‪#‎suecheung‬