「做到」定「做好」

我成日都話你係「做到」定「做好」呢？其實「做好」好簡單，你只要識點做，你去做完成咗，就會做到，但「做好」當然係更高層次，每日做同一件事，但你堅持做到後做好，就係一種優化，一種昇華，技術經驗人人都有，但我成日提自己，好似以前做Junior時，都會覺得日日洗頭好悶，但堅持將每個部驟都做好，就會變咗係一種追求，亦令過程更有樂趣，時間變得有更價值。

每一個行業都一定有重複要去做嘅事情，但如果可以喺番工8個鐘頭入面搵到可以進步嘅空間，就係樂趣亦都係檢視點，我好相信無論事情幾細，但一點一滴都絕對可以優化你嘅事業。

所以我好重視點可以「做好」，因為要做好之前，都要先學習，經歷好多，到自己有能力去做好嘅時候，就係證明咗自己有好好去享受呢一課，呢一個項目。By #SueCheung #hairstyling #haircorner #hairstylist #hkhairstylist #k11