【#大日子】呢位新娘子係溫太，其實係我表哥的太太，表嫂阿Wing本來的造型都非常多變，所以對結婚造型都好有要求，咁我當然都一視同仁，試妝試頭做足，最高興佢當日都好滿意！
表嫂大日子個造型好特別，同大家分享下啦：佢當日早上出門口，用咗鳳冠，新郎未到前，鳳冠前面的珠簾都係放落黎，到新郎到埗接新娘時，就將佢地拉起，好似有一種古代大紅花橋打開門接新娘的喻意；鳳冠其實好重，所以個髻要紮得好實淨，令個鳳冠可以Lock實喺個頭到，但又唔可以令新娘子太辛苦，當中要有技巧處理；而西式造型方面，就幫佢做晒Up and Down，亦有half head，主要跟襯番佢啲衫的出場次序設計番髮型。
當日有個小插曲，就係當我地做緊Finger wave時酒店突然停電！好彩大家處變不驚，拎晒手機出黎打燈，先順利完成個finger wave，仲要非常靚添！當時真係黑到連衫條拉鏈都見唔到，不過我地都係專業團隊，互相合作，就算停電都可以捉緊現場每一秒！
【Sue Cheung婚禮化妝造型服務】 預約或查詢：6614 1441
沒有留言:
張貼留言