係我嘅工作生涯入面，我覺得要有突破並唔係每日都做住固定嘅工作，無錯，做得耐做得熟，的確會「進步」，但唔算係「突破」。
認識Angelababy係緣於一次洗頭水Styling的工作，做佢的Stylist，幫佢搵廣告合適嘅衣服，係平時好少做的工作範疇。
但呢次真係學到好多嘢，過程中同國內團隊溝通、聯絡，又見識到專幫大品牌拍洗頭水廣告嘅攝製團隊，大開眼界，先知道原來好多洗頭水廣告嘅秀髮飄逸效果唔係完全單靠電腦特技，亦都好靠現場工作人員用唔同嘅道具令到頭髮好似瀑布咁柔順。
要突破自己，就係要做自己少做或未做過嘅事，在Comfort Zone以外，才可以有更多學習！
沒有留言:
張貼留言