粉色

我都好鍾意一把頭髮可以轉咗顏色之後比到人一啲好新鮮嘅感覺同埋形象！

粉色其實唔係話好難染，但係粉色絕對未必係可以好持久咁逗留喺把頭髮度，所以好多時我會幫客人做得比較深少少，等佢返去可以多小小洗頭嘅次數先至達到粉色嘅效果，變咗嗰啲粉色效果能夠留喺頭髮的時間保持得比較耐，咁如果你即刻就做到個頭髮咁粉色嘅話呢，可能洗頭髮只係三至六次以內，已經個頭髮退到好似啱啱漂完未上色嘅狀態，所以鍾意做粉色嘅朋友又唔好失望，因為如果你能夠有足夠嘅時間返去salon嗰度補色嘅話呢，你嘅粉色係可以好靚嘅！

我嘅經驗有好多客人係做咗一啲紫藍色或者藍色，甩出黎嘅顏色係相當之靚，嗰個粉色係保持得好耐，有幾個月嘅時間咁長，做起一路甩色嘅時間一路都keep住靚，有唔同階段嘅靚，大家都可以試吓架喎！

#suecheung@haircorner #粉色