布拉格結婚相

六月份已經出發去布拉格為新人去影結婚相，做髮型化妝嘅項目，布拉格呢個地方以前嘅我從來都冇踏足過，但係一踏足之後就不停咁去，因為近年來布拉格呢亦都係婚禮攝影嘅其中一個大熱點，自從周杰倫同佢太太喺布拉格影完結婚相之後都多咗客戶去要求，而自己亦都好好彩，喺結婚之前老公嘅公司旅行亦安排咗去布拉格呢個地方，令到我都有機會自己喺布拉格呢達地方留低咗美好回億嘅一輯結婚相。

地方雖小交通方便好容易掌握，我自己嘅經驗呀，其實影結婚相未必真係要8至10個鐘先知影完架，因為我隨行嘅布拉格團呢只需要大約4，5個鐘就可以做晒所有造型，兼且喺布拉格裏邊我已經熟習晒所有地理環境知道晒啲路線，只需要4，5個鐘頭時間已經可以行均晒必須要影嘅點知外，個老公仲可以喺蜜月期裏邊完成個攝影呀嘛，有陣時男仔真係未必有咁好耐性架！

#suecheung@haircorner #布拉格結婚相