日本驚為天人化妝品篇1・眼線筆

剛剛過去嘅幾日假期，去左一趟日本北海道，行程中最唔可以錯過的一定係佢地既藥房，因為眾所周知，日本的藥房就係化妝品嘅基地，而今次我主要都係行「激安」嘅舖頭，一來因為價平，二來夜收，等我有去完一日行程之後仲有足夠嘅時間慢慢行，而呢個Trip所行過嘅藥房、見過嘅化妝品，真係令我大開眼界！黎緊幾日將會同大家分享呢趟行程所見過嘅日本出色化妝品同護膚品！敬請密切留意！

日本驚為天人化妝品篇1・眼線筆

我自已的眼線筆加埋眉筆超過30支，但呢趟行程我都認唔住手買左幾十支！原因？

日本眼線筆嘅細緻度極高！眼線可以去到2mm，呢個極細闊度係可以幫女仔係畫眼線時提升準確度同幼細度，有更好拿捏。

液體眼線筆其實都好普及，只要有少少化妝根底，其實都冇難度。有時癡完假眼睫毛，液體眼線筆就可以用黎填補睫毛間嘅空位，有時想伸延眼線，就可以好似細個學寫書法時用科學毛筆嘅方法，集中用筆尖，將眼線幼幼地延仲，又準確又幼細。仲有，幼身眼線筆亦係畫眼頭好幫手，唔使怕重手。

By #SueCheung

#Japancosmetics #Sueproductinfo