這一趟去日本，和前幾個月去韓國，我都振興左當地既美容產品業不少，哈哈，雖然買到傻，錢使左唔少，但都學到野番黎，叫做抵番！
我發現，日本係任何東西上面，追求嘅細緻度、完美度，真係無人能及。上次去韓國，發現佢地嘅眼線已經好細，但原來天外有天，日本嘅仲幼細，2mm真係同條頭髮差唔多。而佢地嘅假眼睫毛更加贏好多條街，由濃密度、細緻度、粗幼度、放射程度、顏色、一條條或交叉式等等等等，選擇極多（我幻想有選擇困難症嘅人如何活係日本？）。
當然我亦明白，韓國化妝求真，追求「化左等於冇化」，所以會用多D 睫毛液，多過假眼睫毛，但呢個發現，亦令我更懂得係以後點樣配合客人的化妝要求，因為韓妝日妝，家家有求。
值得一提，韓國嘅粉底液、CC Cream、BB Cream甚至壓力粉，其實都做得好好，佢地係無瑕底妝嘅追求其實都係去到神級狀態，係呢個境界，同日本有得Fight!
我以後將會寓旅行於介紹產品俾大家，請多多支持，密切留意！
By ＃SueCheung
#Japancosmetics #Suemakeup #Sueproductinfo
沒有留言:
張貼留言