染髮色條

喺上海總部Schwarzkopf公司完成咗染髮嘅一啲色條，係用一啲真頭髮嚟到上色，嘗試用新嘅顏色，希望新嘅顏色能夠帶返黎香港比大家去嘗試。因為始終德國公司佢中國總公司設立咗喺上海，而有啲顏色未曾真正帶入到香港，咁我有幸先睹為快感受一下今季嘅顏色，咁所以就喺度同大家先分享一下啦。

今季特別多傾向一啲淺色嘅顏色，亦都比較啞色嘅。國際品牌做到日本嘅色彩，可以一次有退到淺色嘅效，當然都要視乎返客戶本身嘅顏色底色，先至為準確。

咁如果本身客人都係淺啡色嘅話，咁就有更加多顏色可以選擇到。可以未必一如以往咁去做過去可以嘗試嘅顏色，新嘅色調我比較喜歡綠色同紫色呢一個系列，因為佢帶出來都做到一啲比較粉色嘅效果。

#上海Schwarzkopf