真係精心傑作啊，因為整一對眉都要一啲時間同客人溝通，但我發現做眉嘅成功感就係喺邊度來呢？就係覺得好開心在乎於有陣時收咗人錢幫人化咁個妝，啲靚女返到屋企都會落妝變咗灰姑娘變返原形，但係當幫客人去做眉毛反而幫到佢地喺生活上可以快捷好多，咸省咗化妝嘅時間，最感動嘅就係啲客人話以後同小朋友去玩水唔使靜雞雞去更衣室嗰度畫番條眉先至出嚟影相，我真係覺得呢啲係好真實嘅分享！令到我都非常之感動！
咁同大家分享一下先啦，你會見到before客人嘅眉毛比較薄弱啲嘅，每日都要撞手神同埋花時間去畫眉，到到完成當日會比較深色少少，當佢甩晒色之後嗰啲眉毛你會見到係好自然，同埋你會見到有啲空氣感，斷斷續續，因為佢唔係一條好長嘅線，我亦都唔係要將成條眉毛打密晒佢，而我係要一筆一筆去仿真眉毛，好似佢嘅眉毛咁樣有返啲方向同埋一條條嘅效果就會非常自然，同埋將來轉眉形嘅可能性就會高咗，咁如果大家想做眉就歡迎查詢！時間是需要個半鐘你就可以擁有一條好自然嘅眉毛啦！
#suecheung@haircorner #韓國半永久化妝
沒有留言:
張貼留言