Ferragamo

今次呢一個Model係幫Ferragamo做嘅一個Fashion Shooting，佢地嘅collection裏面，來季秋冬季嘅服飾主要都係以灰色同紫色為主。

咁個model需要着樽領衫啦，咁我想攞到啲線條輕嘅感覺，我就唔希望有太多頭髮喺頸或者膊頭位置，做返一啲輕巧嘅線條感覺，咁我見到出嚟嘅效果都好靚啊，因為佢帶嘅耳環嘅顏色剛好襯托出撞出咗Double colour嘅唇色，個效果都好特別。

咁其實有陣時我哋都要需要去到現場，睇到整體個效果我哋先可以再有更加豐富嘅元素，咁當然前期功夫都要準備好啦，因為首先都要Study吓嗰個trend，來年佢哋喺時裝上嘅展現想追求到咩嘅效果，同埋要知道佢地之前喺歐洲已經show咗出嚟嘅model ，佢哋嘅頭髮同化妝嘅效果，佢哋想追隨住一啲已經固有嘅reference，咁我哋嚟到嘅時候就會再加以精華同埋精化咗佢，將佢簡化化， 咁令到成件事可以更加match到我哋現場想做出嚟嘅效果。

點解有呢個學問呢？因為好多時候喺外國時裝周嘅model 同埋我哋喺香港搵倒嘅model，可能佢哋本身頭髮嘅數量或者本身頭髮嘅顏色都未必可以百跟返時裝雜誌周嘅展現，嚟到嘅時候我哋都會稍作修改，但主流都係跟返品牌裏面嘅元素。

#suecheung@haircorner #ferragamo