回味一下幾年前我喺上海做咗一個hair show，要將呢一個假髮先喺香港做好然之後再帶過去上海，個過程都真係幾艱巨，因為經過飛機嘅濕度、氣壓唔同，落到當地我差唔多要將個假髮重新再做60%，咁呢個都係一個難忘嘅經歷嚟嘅，呢一個過程都係一個幾好嘅經驗，最後個show都非常之順利好開心！
其實每一次去到個舞台到完成一個作品，喺後面係需要200小時嘅苦心經營，最後先至可以有個model企喺台到幾分鐘，所以真係一個藝術品！
個過程裏面不斷去做假髮啦，咁每日做假髮都好似做工廠咁樣，放咗工之後喺公司嘅位置到將假髮做好，做好之後又要搵個角落頭位去將假髮收好，等到開show嘅時候再將假髮整合，咁呢個過程真係一啲都唔容易，但當然做好咗嗰個作品之後係好有成功感！
#suecheung@haircorner #上海hairshow
沒有留言:
張貼留言