顏色其實真係有好多種

顏色其實真係有好多種，顏色用唔同嘅雙氧度用唔同嘅雙氧奶用唔同嘅顏色層次，深淺度嘅色膏，就算你用同一個色系佢出到來嘅效果都有唔同。

咁所以染頭髮都真係好視乎客人本身現在髮質嘅深淺度同頭髮質素，嚟到決定到染出嚟嘅效果係可以染到咩色，同達到嘅通透度可以去到咩色嘅！

因為實在太多人需要蓋白頭髮，咁所以要蓋白頭髮嘅朋友呢一堆顏色真係幫唔到你啦，因為當你要冚白頭髮又加過一啲蓋白頭髮黑色素落去個頭髮度，就算你做出嚟係一個啡色，你入邊都係有溝過黑色嘅話呢，都係冇咁容易做到呢啲色嘅，因為呢啲先係需要漂，而漂嘅過程係因為你溝過啲黑色，所以你漂出嚟都冇咁通透，所以就真係做唔到啦！

咁如果係一啲virgin hair，即係從來都冇驗過頭髮嘅原始髮質呢，咁就有機會退完色之後可以做到呢啲後果，咁仲要講緊視乎佢係乖乖一路都用緊正常嘅洗頭水，而唔係用緊一啲有coating有一層膠包住令到影響上色。

所以做到一隻咁通透嘅顏色都係幾講究同埋唔簡單，呢啲都係講緊做之前咋，如果做完之後你想keep得好，仲有一啲專業嘅洗頭水，用返啱顏色一隻色對一隻色先至可以令到啲頭髮可以keep得來啲。

#suecheung@haircorner