呢個小妹妹其實我識左佢好耐，因為我係識左佢媽咪好耐，喺佢未出世我已經係識得佢啦，因為佢媽咪大住個肚已經嚟搵我整頭，唔好講話大住個肚，佢媽咪未識佢爹哋嘅時候已經嚟咗搵我整頭髮啦。哈哈哈哈！其實係好多年！
因為我自己都有好多客戶都升左呢做咗媽媽啦，咁我都知道佢哋成日都好唔夠時間來整頭髮，咁所以我都同佢地安排翻個最快嘅時間，譬如話喺平日嘅下晝絕對係可以好快包搞掂嘅！
咁至於呢個小妹妹就好開心啦我幫佢剪頭髮啦，都係一個好樂觀好開心嘅小朋友嚟嘅，充滿住笑容，大家睇一睇，你睇吓佢個眼幾大，簡直係靚靚大眼妹，見到佢咁可愛我都忍唔住要幫佢紮頭髮啊！咁由Sue姐姐送上我幫佢襯好嘅頭飾一套幫佢紮埋條孖辮，你睇吓佢嘅表示都好滿意啦，起碼佢送我一個V先啦！
#suecheung@haircorner #kidshaircut
沒有留言:
張貼留言