話說渣打馬拉松啱啱過去咗，同啲跑步友嘅客人傾開計，咁佢係一位男士嚟嘅。佢同我講，身邊有個男士朋友跑完步返嚟，雙眼好澀好辛苦😱就以為自己係咪體能透支覺得好辛苦🤔要不停咁用水洗眼，後來find out原來係因為gel頭嘅gel😰 max咗啲汗水，流到額頭到再流落隻眼到😱係相當之危險嘅一件事。
我就同佢講，其實我自己身邊都有啲客人係跑馬拉松，而佢哋gel完個頭跑去終點個頭都可以一樣咁靚仔👍咁又真係好有竅門💡其實好多時候男士gel頭個手勢唔啱咗喺邊個位呢?就係啲gel落得太近髮根、太近個頭皮嘅位置，如要gel all back至需要咁樣。
其實啲gel掃喺條頭髮嘅三分二或者一半嘅位置咁已經可以相當之固定，唔需要捽落個髮根或者頭皮到，因為咁樣捽真係好危險，只要啲汗水一出、加熱、體溫上升😰gel溶咗之後流落嚟😰真係相當之危險這件事😱
我聽完個客人分享之後我都急不及待出呢個post同大家分享返，所以記住呀男士去跑馬拉松或跑步要gel頭都好，記住千祈唔好將造型產品咁近個頭皮，一定要離開髮根去咁就絕對安全冇事😉
#跑馬拉松#跑步gel頭竅門
沒有留言:
張貼留言