眼睛畫

係呢行程裏面，做咗一個好特別嘅決定，係我老公主動提出，不斷咁同我講不如做啦、做啦⋯我話做乜鬼呀🤔我冇位放呀，真係冇位呢⋯跟住佢話但係眼睛👁係靈魂之窗，每個人嘅眼都真係獨一無二，如果有幅畫係用自己啲眼球嚟到去做，都係好值得嘅。

當我去進行呢個動作嘅時候，老闆當然會指引我點樣去讓眼睛擘大影相，原來佢不斷咁影，我就問你可唔可以畀我揀呀？佢話你唔使揀㗎啦，我幫你影十至十三張相，我將你嗰個眼相片不斷咁去重疊做咗一啲立體嘅效果出嚟。因為眼睛唔係平坦嘅，眼睛應該係有立體感同有層次㗎，所以呢老闆就用咗佢嘅藝術感完成，但我想講其實入到呢間舖頭見到圓形圓形嘅一張張相呢，一啲都諗唔到原來係眼珠嚟㗎，仲要係嚟自唔同國家唔同國籍嘅人嘅眼，真係相當之特別👍

#眼睛畫