嘩😍呢張相，諗返起都開心☺係去咗布拉格同老公影結婚相，大家見到咁宏偉嘅街道，其實我哋背後嘅付出就係要早啲起身。
因為之前都去過幾次幫客人做pre-wedding shooting，所以都了解當地拍攝環境同埋拍攝嘅重點位置。我就用咗自己最舒服嘅狀態去影☺因為我想用最短嘅時間可以影完，所以我就佈置咗係大約四個鐘頭嘅時間就已經可以影完曬😃我就唔介意早啲起身，街道環境就比較少啲人，咁就更加可以捉緊嗰個節奏啦😉
當時就係用咗一個外籍女攝影師，佢果然係鬼妹仔styl，整個拍攝都相當之開心同順利😃我發現越簡單就真係越襟睇，因為冇話係服裝做咗好多好複雜嘅線條只係簡簡單單揀條大啲嘅拖尾裙，因為終於有機會著啦嘛😋去到外國嘅地方環境夠大，大啲嘅裙其實出到嚟嘅效果都係可以match到。
有時間我都會再去睇下啲pre-wedding相，原來搞結婚真係好忙😃忙到喺搞結婚嗰排都唔得閒逐一去upload或者分享，反而過咗咁耐有時間揾下搵下睇一睇又另一番風味。
#pre-wedding shooting#布拉格
沒有留言:
張貼留言