嘩... 2019年，我記得我以前做junior係2000年到2004年加入咗一間髮型公司裏面工作，然之後就做咗四屆香港小姐、四屆華裔小姐，選美後台裏面攞咗一啲選美嘅經驗，學習點樣用最快速度轉換髮型、學習咩叫做選美流程、學習點樣最短時間裏面團隊精神完成20個靚靚嘅佳麗髮型。
直到今日走吓走吓，我依然係呢個行頭裏面冇離開過，但係我心感一㸃兒歡欣、開心、跳動嘅感覺就係我今年2019年有幸可以成為苟芸慧小姐嘅髮型師，因為佢係擔任鑽石評判。亦都有幸可以幫到蔡思貝小姐，佢今次亦都係擔任其中一位評判。
我有幸過咗十幾年之後兜兜轉轉依然係呢個圈裏面工作，但我進步咗一啲啲，因為我有機會係幫到選美評判做髮型。哈哈🤣暗地裏歡喜小小嘅分享打從心底裏面呢十幾年我係冇離開過髮型，我好畀心機咁樣係呢個圈裏面努力工作，一點一滴一點一滴堆沙成塔，直到今日我都充滿著注滿住感恩同埋感謝一直以嚟畀工作機會我嘅所有人，多謝😘
Hair@suecheung#hair#hairstyle#hairstylist#hkhairstylis#香港小姐#華裔小姐#苟芸慧#蔡思貝
沒有留言:
張貼留言