睇吓睇吓啲相簿，呢張相真係好鬼死靚😍古姆洛夫係距離布拉格大約兩個鐘頭左右嘅車程，一個小鎮。用一個迴旋處嚟形容佢，因為正中央似一個圓形，中間有個城堡，周邊嘅屋仔都好多顏色㗎，如果行到去大街小巷裏面會見到好多colorful嘅屋仔，就有少少以為自己去咗威尼斯，顏色非常之靚😍
超恐怖用iPhone就咁影，影完張相都咁靚係好恐怖😆因為係有攝影師親自影，我覺得應該係有關係。其實一切都好靚好靚，唯獨是你睇吓👀嘩...😱頭髮幾乾。
因為歐洲地方，啲頭髮真係零舍乾，大家記住如果去歐洲、加拿大或澳洲旅行都好一定要先用護髮素或treatment 過咗水先，然之後先至落洗頭水再用返護髮產品咁嗰頭髮先至會靚㗎。即係頭尾都要用護髮素焗油中間用洗頭水，如果直接就咁開水沖個頭髮已經會打撠啦，嗰度嘅水質酸鹼度比較高一啲令到個頭髮呢越洗越幼越洗越乾，所以必需要帶備足夠嘅護髮產品先至好出發呀🛩
#古姆洛夫#護髮素#treatment
沒有留言:
張貼留言